قال الرئيس عبدالفتاح السيسي، إنه لن يتم عمل بطاقة تموين مرة أخرى لأكثر من فردين، موضحًا أن ثقافة النمو السكاني وإنجاب عدد كبير من الأطفال دون دراسة من الأسر حول كيفية قدرتها على الإنفاق على الأبناء، لا بد أن تتراجع.
وأضاف خلال افتتاح البنزين بشركة أسيوط'> مجمع إنتاج البنزين بشركة أسيوط، الأربعاء: «أنا بقول على الأقل تبقى عارف يا مواطن ويا مواطنة، وأنت بتعدي الطفل مش الطفلين، إنت بتحط نفسك في مشكلة، وربنا مقالش نعمل كده في نفسنا».
السيسي: «قلت لا يمكن أدي بطاقة تموين تاني لحد بيتجوز»
وأكد: «قلت لا يمكن أدي بطاقة تموين تاني لحد بيتجوز، لأنك لو بتتجوز ومستني الدولة تديك بطاقة تموين إنت مش قادر تصرف إزاي يعني.. لأ ده كلام مش مظبوط، ودي ثقافة اتشكلت في وجدان الناس مش موجودة غير في بلدنا إحنا، أن أشتري الحاجة بأقل من تمنها وأخد الخدمة بأقل من تمنها وكمان لما أخلف حد يأكلي عيالي.. ده هنا بس في البلد دي، وعشان كده هي مقدرتش تقوم خلال السنين اللي فاتت، وإحنا مسؤولين أمام الله إننا نحط الإجراءات والقواعد اللي تمكن البلد دي إنها تقوم».
اضافة المواليد الجدد لبطاقة التموين
وتابع: «وبالتالي لن نضع بطاقة تموين تاني لأكثر من فردين في اللي فات، إنما في الجديد لأ مفيش».
وافتتح الرئيس السيسي، صباح اليوم، البنزين بشركة أسيوط'> مجمع إنتاج البنزين بشركة أسيوط لتكرير البترول بمحافظة أسيوط، بالإضافة إلى عدد من المشروعات التنموية الأخرى في نطاق إقليم الصعيد.
يذكر أن مجمع أسيوط لإنتاج البنزين يعتبر أحد مشروعات الدولة الاستراتيجية في إطار خطط التنمية صعيد مصر، حيث يعد أكبر مجمع بترولى في الوجه القبلى يهدف لتأمين إمدادات البنزين لأهالي محافظات الصعيد وتوفير تكلفة نقله من معامل التكرير القائمة بالقاهرة والإسكندرية والسويس لمناطق الصعيد المختلفة.
