سهير وهبه
معنى اسمه الجامع وهو اختصار الاسم يهوه آساف يعني الرب جمع
ابن برخيا من عشيرة جرشوم كان يقف مع المغنيين بآلات غناء ورباب وصنوج مع هيمان بن يوئيل وأيثان بن قوشيا (أخبار الأيام الأول 15: 16-19)
بعد كده عينه داود الملك في وظيفة دائمة وهي ضرب الصنوج في الخدمة في الهيكل (أخبار الأيام الأول 16: 4-7)
كتب 12 مزمور هي مزمور 50 ومزامير من 73 حتى 83
(تعالوا نتعرف على الشخصية الجميلة لآساف ونشوف هنتعلم ايه)
1- آساف المرنم في السبي
في سفر عزرا 2: 41 رجع من السبي من عشيرة آساف 128 كلهم من المغنيين
حافظ آساف وأولاده بخدمتهم في وقت السبي وكان منتظر وقت رجوع الشعب من السبي ليمارس التسبيح في الهيكل
2- آساف والعتاب مع الله
في مزمور 73 نشوف ان آساف بيعاتب ربنا على حياة الأشرار في سلام والأبرار في شقاء وده تسبب له في تعب
لكن الله من محبته وضح له عدم الغيرة من الأشرار ولا مشاركتهم لأن الشرير ان سمن وغني هيكون ليوم الذبح
3- آساف والبحث عن العلاج
لما تألم بالكلام ده سبب له تعب شديد لكن كان علاجه
أولا: اتجه للهيكل للصلاة للرب
ثانيا: استخدم التسبيح لشكر ربنا على نعمه الكثيرة عليه
(تعالوا نطبق اللي تعلمناه)
1- وسط مشاكلك وهمومك رنم وما تخليش الشيطان يضحك علي همك
قول في وسط الضيق والمشاكل انا لي إله عظيم
2- من محبة ربنا لينا انه فتح لينا مجال العتاب
تكلم مع ربنا بدالة الابن وعاتبه بمحبة
ربنا بيقبل ومش بيزعل من كلامنا بس المهم انك تطلب المعونة والارشاد
3- دايما دور على سبب خطاياك وابعد عنها
ان كان مكان اهرب منه
ان كان أشخاص تجنبهم
ان كانت وسيلة (تليفون - نت - جرايد)
اهرب لحياتك لأنك طول ما انت وسط الشر مش هتقدر تكون طاهر
صباح الخير على الجميع 🌹❤
