سهير وهبه
شخصيتنا النهاردة انجبت لشاول يوناثان وميرب وميكال ويشوى وملكيشوع
لم يذكر على أخينوعم سوى ذكر اسمها وأولادها فقط
لكن في تأملنا في شخصيتها ومعنى اسمها هنتعلم منها
معنى اسمها أخو المسرات أو ادخال المسرة
(تعالوا نشوف هنتعلم ايه من شخصيتها)
1- الزوجة المعينة
كانت أخينوعم هي الزوجة الأولى لشاول ويقال انها كانت زوجة له قبل الملك فكانت معينة ليه
في فترة ما كان مجرد راعي للحمير
2- الأم المعينة
كانت أم ليوناثان اللي اتطبع بطبع أمه الهادئ والمحب للجميع
ولم يتطبع بطبع أبوه الكاره لداود
3- الشخصية المختفية
فضلت أخينوعم ان تؤدي رسالتها وتختفي ولا تعود تظهر ولا طالبت ان اولادها يكون ليهم الملك ومن الطبيعي لما اختار شاول ان يكون ولي العهد اختار يوناثان ولما اختار يزوج شاول اختار ميرب بنت أخينوعم وبعدين لما شاف ان ميكال بتحب داود زوجها لداود
(تعالوا نطبق اللي اتعلمناه)
1- احرص دايما ان تكون معين للضعفاء ولو كان شريك حياتك بيعاني في الحياة لا تثقل أو تثقلي عليه بفوق طاقته
والمثل بيقول على كد لحافك مد رجليك
بلاش نعيش عيشة غير عيشتنا ونعيش طول عمرنا مديونين ونسدد الديون
2- اغرس في اولادك محبة الناس ولا تنشغل ان كان ابوه أو امه أشرار
لأن الله يخرج من الجافي حلاوة
3- لما تعرف ان أديت رسالتك انسحب في هدوء ولا تطلب وتعاير الجميع على ما أحسنت به عليهم فتجد الجميع يتمنى لك كل خير ويذكرك بالخير ولا تنتظر لوقت يتمنى الجميع ان تخرج من حياتهم
صباح الخير على الجميع 💖🌹
