سهير وهبه
صموئيل النبي استحق ان يكلمه الله بعد فترة طويلة جدا رفض الله فيها انه يكلم البشر بسبب خطاياهم وشرورهم
وَكَانَتْ كَلِمَةُ الرَّبِّ عَزِيزَةً فِي تِلْكَ الأَيَّامِ. لَمْ تَكُنْ رُؤْيَا كَثِيراً (1صم2: 1)
تعالوا نشوف هنتعلم ايه من شخصية صموئيل النبي
1- صموئيل النقي
صموئيل النبي من صغره وهو نقي وربنا أعطاه لأمه حنة بمعجزة وبصلوات ودموع بعد معايرات كتيرة واتكلمنا عن شخصية حنة أم صموئيل
2- صموئيل الخادم
خدم عالي الكاهن في الهيكل بأمانة
حتى لما الرب كلمه افتكر ان صوت عالي الكاهن
وظل خادم لعالي حتى موت عالي
من أمانته في خدمته
في صموئيل الأول 12: 23
لما الشعب تذمر وطلب ملك والله أمطر مطر غزير وبروق ورعود
قال كلمة خالدة تعبر عن الخادم الأمين
وَأَمَّا أَنَا فَحَاشَا لِي أَنْ أُخْطِئَ إِلَى الرَّبِّ فَأَكُفَّ عَنِ الصَّلاَةِ مِنْ أَجْلِكُمْ, بَلْ أُعَلِّمُكُمُ الطَّرِيقَ الصَّالِحَ الْمُسْتَقِيمَ
3- صموئيل ماسح الملوك
وده تكريم من ربنا لصموئيل الخادم الأمين انه يمنحه انه يكون يولي الملوك ويكون مرشد ليهم وكان مرشد لكل بني إسرائيل
(تعالوا نطبق اللي اتعلمناه)
1- ان كنت نقي القلب يصبح قلبك زي السماء وهتشوف كل الناس ملائكة ولا ترى اخطاء الغير
ابعد دايما عن أي فكر إدانة دايما فكر في الايجابيات
2-على قدر امكانك اخدم ربنا بأي خدمة حتى لو كانت بسيطة
لأنك هتكون عامل في كرم الرب
3- ان ربنا اعطاك نعمة مع الرؤساء استغلها في خدمة الناس ومساعدتهم وتخفيف متاعبهم
صباح الخير على الجميع ♥️🌹
