الشاب جون مدحت ينقذ 6 أطفال من حريق كاد يودي بحياتهم وسيدة: جون مريض بضيق التنفس ولم يتردد لحظة في إنقاذ الأطفال

 كتب - محرر الأقباط متحدون أ. م

تداول رواد مواقع التواصل الاجتماعي واقعة إنقاذ شاب لـ 6 أطفال من حريق رغم خطورة الأمر ومرضه بحساسية الصدر، حيث قالت السيدة "مها العزبي": البطل دا اسمه جون مدحت أحد أبطال محافظة أسيوط، شاب كان واقف قدام  الجامعة لقي حريقه كبيرة جدًا مترددش ثانيه انو ميدخلش، نط السور ودخل وسط الحريق والدخان واتمكن من إنقاذ ٦ اطفال سمعهم بيصرخوا وينادوا  بابا ماما الحقونا

أصغرهم طفل ٣ سنين واكبرهم ٧ سنين.

وتابعت في تدوينة عبر حسابها بالفيسبوك، جون كان بيشيل طفل طفل يخرجه من مكان الحريق مع انه مريض حساسية صدر، وقبل الحادثة دي كان محجوز في المستشفي لمدة اسبوع بسبب ضيق التنفس، الولد يتيم من ١٢ سنة وأخد دبلوم زراعة واشتغل في معرض موتوسيكلات علشان يساعد في مصاريف امه واخواته الصغيرين.

وأختتمت بقولها، تستاهل تكون التريند اللي بجد يابني والله شااابوه ليك يامحترم.. هما دول ولاد البلد بجد و علي قد صغر سنه ومخافش يحصله حاجه في الحريق، غير كل اللي فكر فيه ازاى ينقذ الأرواح اللي جوه .ياريت شباب بلدنا يتعلمو الشهامه والرجولة من جون. 

ربنا يكرمك ويكتر من امثالك يا ابني علشان تكون قدوه لكل الشباب والله