سهير وهبه
*أو ملكة التيمن*
من الشخصيات اللي نتعلم منها حاجات كتير .
١ - الملكة تطلب الحكمة
لم تكتفي بما وصلت إليه لكنها لما سمعت عن سليمان الملك الحكيم . سافرت مسافة طويلة من الحبشة في جنوب مصر إلى أرض إسرائيل علشان تسمع حكمة سليمان !
علشان كده مدحها السيد المسيح في إنجيل لوقا ١١ : ٣١
" مَلِكَةُ التَّيْمَنِ سَتَقُومُ فِي الدِّينِ مَعَ رِجَالِ هذَا الْجِيلِ وَ تَدِينُهُمْ ، لأَنَّهَا أَتَتْ مِنْ أَقَاصِي الأَرْضِ لِتَسْمَعَ حِكْمَةَ سُلَيْمَانَ "
٢ - الملكة العاقلة :
حكم أى شعب مش سهل . لازم الحاكم يكون عاقل و حكيم ..
و علشان يختاروا الملكة دى فلازم تكون وصلت لدرجة عقل و تفكير و حكمة فاقت عقول الرجال !
٣ - الملكة المتواضعة
بالرغم من بثروتها و منصبها و عزها و العبيد و الجوارى .. لكنها عاوزة تعرف أكتر . كل ما هو جديد و مفيد لشعبها .. من غير خجل قالت عاوزة اعرف اكتر .
و هو ده الدافع لزيارتها لسليمان الملك لأنها سمعت بحكمته .
*تعالوا نطبق اللي اتعلمناه:
١- اقتنى الحكمة فهي أغلى من كل كنوز العالم .. ابحث عن كلمة منفعة . و اعرف اكتر و اكتر .
٢- اللى عاوز يوصل لحاجة لازم يتعب .. اتعب ها تكسب ..
الملكة جاءت من أقاصى الأرض علشان تعرف و تفهم و تكسب حاجات جديدة مش عارفاها .
٣- التواضع شىء جميل . فضيلة هى أم كل الفضائل ..
اتضع ربنا يملاك نعمة و حكمة ..
" يقاوم الله المستكبرين أما المتواضعين فيعطيهم نعمة "
صباح الخير على الجميع 🥰
