ماهر قديس
هذا عنوان كلمه عايز اقولها بمناسبة مباراة الامس بين الاهلي والزمالك
سمعت الزقططه والهيصه والتحفيل من جماهير الاهلي بالفوز .انا عايز أسأل هو حضراتكم بتعتبروا ده لعب كرة اللي اتفرجتوا عليه .طيب ده لو فريق من الدرجه الثالثه في اي دوري اوروبي جه هايغلب الاهلي او الزمالك .
نيجي للحماس المافور لجماهير متعصبه علشان تغيظ جماهير تانيه حزينه وفي اللي بيطلق مراته علشان فريقه اتغلب وفي اللي بيبكي علي هزيمة فريقه وشجار وخصام وبلوكات وهرتله .
هل وصل التعصب لفريق لهذا الحد .طيب ماحدش فكر انت بتاخد ايه في جيبك غير انك بتهري وتحزن والتاني قال يعني جاب الديب من ديله .ماهو انتم الاتنين خسرانين والكاسب الوحيد هو شوية اللاعيبه (لو فرض نسميهم لاعيبه ) وهم انصاف لاعيبه بيكسبوا الملايين وبعد المباراة بيروحوا يعيشوا حياتهم عادي وفيهم اصدقاء من الفريقين وانت المسكين مقهور وحزين وطاقق .والتاني قال فرحان ؟
علي ايه ده كله ياعالم مهاويس ومجانين .
علي العموم هو ده بقي حالنا ومش غريب علينا وبقي التعصب والتشنج في كل شيء .تعصب لدين .تعصب ضد المراة .تعصب ضد الجيش تعصب ضد الفقير .
شعب غريب فريد من نوعه في كل شيء .
متي نتعلم الاحترام للمخالف عنا سواء بالدين او بتشجيع فريق عن فريق اخر وعدم الافورة والزيطه .
عن نفسي كنت انشر بوستات غيظا في الزمالك سابقا لسبب واحد فقط لاغير وهو غيظي من مورتضي لتردي اسلوبه وسبه وشتمه للمصريين ولم يسلم من شتمه حتي جمهورة ولاعيبة ناديه .والآن بعد سقوط مرتضي لايعنيني شيء
سواء فاز هذا او ذاك لان في النهايه هذا مسخ وليس كرة قدم
ولا رياضه ولا يحزنون .
