سهير وهبه
معنى اسم حزقيال : الله يقوي
تخيل لو معلمك طلب منك انك تعمل مجسم لمدينة و تعمل حواليها متاريس .. وانك تنام على جنبك الشمال ٣٩٠ يوم و بعدها تنام على جنبك اليمين ٤٠ يوم !
يا ترى هيكون ايه رد فعلك ؟؟
تخيلوا اللي عمل كده و بدون نقاش هو حزقيال النبي !
الله يأمر و حزقيال ينفذ ..
طاعة عجيبة !
تعالوا نتعلم مع بعض :
١ - حزقيال المدعو من الله* :
حزقيال كان كاهن من سبط لاوي و دعاه الله للنبوة في سن ٣٠ .. و طاوع رغم انه عارف التعب في وسط السبي و ذل الشعب ..
٢ - حزقيال الرقيب :
الله اختار حزقيال ليكون رقيب و مرشد للشعب
لدرجة انه قال له : اني جعلتك رقيباً على هذا الشعب " و من يدك أطلب دمه "
تخيلوا مدى الحمل التقيل على حزقيال النبي انه يشيل ذنب شعب معاند بطبعه ؟!
و كان يطلق عليه ابن آدم .. و كأن حزقيال هو المفروض يتحمل أخطاء ابناء آدم ..
٣ - حزقيال الخادم الأمين:
حزقيال طول فترة خدمته عاش خادم للشعب .. وسط كل الضيقات اللي حلت عليه ..
تعب فى توصيل الرسالة للشعب ..
ده ترك مجد الكهنوت و مجد النبوة علشان يوصل رسالته .
*تعالوا نطبق اللي اتعلمناه :
١- نخضع لصوت ربنا فى الخدمة و لا نعترض .. حتى لو كانت امكانياتنا في نظرنا قليلة ..
وتذكر ان الله يستطيع ان يصنع بنا عجائب ..
٢- لازم نفتكر اننا مسئولين عن كل اللى حوالينا .. سواء من اسرتنا أو أولادنا في الخدمة
اوعوا نقول زي ما قايين :
" أحارس أنا لأخي"
٣- في خدمتنا نخدم بأمانة .. لأن " الأمين في القليل أمين أيضاً في الكثير "
صباح الخير على الجميع🥰
