بقلم : مرقس كمال
انهارده ابتدا صوم الميلاد المقدس
وده صوم بنطلب فيه من ربنا يسوع المسيح انه يمهد قلوبنا عشان تكون مزود يتولد فيه
كل سنة وانت ابن محبوب جداً عند المسيح
بس لو مش هتقدر تبدا صوم انهارده لأي سبب
ممكن تبدأ حاجات كتير تانية من انهارده وطول فترة الصوم
تبدأ تخصص وقت لصلاة صغيرة من القلب
تبدأ تفتح كتابك المقدس وتقعد مع المسيح وتتمتع بيه
تبدأ تتصل كل يوم ولو بشخص واحد تسأل عليه حتى لو هو مبيسألش
تبدأ تدور على عاده مضايقاك وتتدرب بنعمة ربنا تتخلص منها
تبدأ توجد أعذار لغيرك وتقلل زعلك وخصامك اللى مش هيضر غيرك
تبدأ تبسَّط الحياة وتستمتع بكل اوقاتها
تبدأ تتصالح مع نفسك ومع غيرك مع الحياة
تبدأ تساعد غيرك بدون انتظار مقابل او شكر او سؤال
تبدأ حاجات كتير اوى لحد ما تقدر تبدأ صوم
وعلى فكرة
الصوم مش تغيير نوع أكل وبس إنما ده
تغيير فكر
تغيير ذهن
تغيير قلب
تغيير روح
تغيير سلوك
تغيير عادات
تغيير لحاجات كتير هتخليك انضج وأنقى وأفضل واجمل
كل صوم وانت متغير للأحسن حبيبي
صلى لى معاك
#شخابيط_انسان
