سهير وهبه
لقب إرميا النبي : النبي الباكي
*تعالوا نتأمل فى حياة النبى العظيم ده
١- الدعوة من الصغر
الله دعاه للخدمة و هو طفل صغير حتى انه قال :
« آهِ يَا سَيِّدُ الرَّبُّ إِنِّي لاَ أَعْرِفُ أَنْ أَتَكَلَّمَ لأَنِّي وَلَدٌ »
لكن ربنا قاله : " لاَ تَقُلْ إِنِّي وَلَدٌ لأَنَّكَ إِلَى كُلِّ مَنْ أُرْسِلُكَ إِلَيْهِ تَذْهَبُ وَ تَتَكَلَّمُ بِكُلِّ مَا آمُرُكَ بِهِ . لاَ تَخَفْ مِنْ وُجُوهِهِمْ لأَنِّي أَنَا مَعَكَ لأُنْقِذَكَ يَقُولُ الرَّبُّ .
وَ مَدَّ الرَّبُّ يَدَهُ وَ لَمَسَ فَمِي وَ قَالَ الرَّبُّ لِي: «هَا قَدْ جَعَلْتُ كَلاَمِي فِي فَمِكَ "
ايه الكرامة دى اللي أخدها إرميا النبي من صغره بدعوة خاصة من الله ؟؟
٢ - إرميا المتألم
كل حياته كانت سلسلة من الآلامات ..
آلام من مضايقات اليهود ليه
و آلام من حزنه على خطيتهم .. و هدم الهيكل و سبي الشعب ..
لكن في كل أوقات ألمه كان يرفع صلواته لله مصدر العزاء .
٣ - إرميا الخادم الحقيقي
كان ينفذ كلام الله بسرعة و بدون نقاش ..
و كان كلام الله شديد و صعب على الشعب و الملك و الرؤساء ..
و أوقات كتير نصحوه يتكلم بالخير للملك زي الأنبياء الكذبة اللي وراء الملك ..
لكن هو كان بينفذ كلام ربنا و يقول رسالته بكل محبة .
و ده اتسبب في حبسه و اذلاله .. لدرجة انهم رموه في بئر من الحمأة و الوحل !
٤ - إرميا الشفيع* :
إرميا النبي كان طول وقته يتشفع من أجل شعبه ..
و كانت محبته لشعبه كبيرة و عجيبة .. حتى انه قال :
" يَا لَيْتَ رَأْسِي مَاءٌ وَ عَيْنَيَّ يَنْبُوعُ دُمُوعٍ فَأَبْكِيَ نَهَاراً وَ لَيْلاً قَتْلَى بِنْتِ شَعْبِي "
٥-إرميا مثال للمسيح
إرميا اللي عاش حياته كلها من أجل الشعب و الدفاع عنهم .. لكنهم قتلوه !
*تعالوا نطبق اللي اتعلمناه*
١-* الخدمة مش مشروطة بسن معين .. اخدم ربنا على قدر طاقتك .. مهما كان عمرك .. ربنا ها يستخدمك ..
٢-* في وسط ألمك لا تبحث عن العزاء في الأرض .. لأن مصدر السعادة هو في الله الحى .
ارفع عينك للسماء و اطلب العزاء و الصبر .. بصبركم تقتنون أنفسكم ..
٣-* مهما كانت خدمتك بسيطة أو كبيرة اخدم بمحبة .. و بنشاط و غيرة ..
٤-* صلي من أجل الكل بلا استثناء .. حتى اللى مش من دينك او كنت حتى تعرفه ..
صلي من أجل الكل ، صلي بالأكتر للبعيدين عن ربنا ..صباح الخير على الجميع ❤
