سهير وهبه
يشوع كان اسمه هوشع و اطلق عليه موسى اسم يشوع
"ودعا موسى هوشع بن نون "يشوع" سفر العدد ١٣ : ١٦
*١ - يشوع تلميذ موسى* :
+ مافيش اجمل من انك تتلمذ على يد معلم أو مرشد أو نبي لكن انك تكون تلميذ لموسى النبي دي حاجة كبيرة في العهد القديم ..
+ يشوع طول فترة وجوده مع موسى كان ساكت و بيتعلم في صمت ..
+ شاف موسى النبي و هو نازل من على الجبل بلوحين الشريعة مرتين ..
+ شاف كل معجزات ربنا مع شعبه
+ لغاية ما ارسله موسى النبي و معاه ١١ واحد من كل سبط ليتجسسوا أرض الموعد
+ و استحق هو و كالب بن يفنة انهم الاثنين الوحيدين اللي دخلوا أرض الموعد فيما بعد .. حتى موسى نفسه مات قبل ما يدخل الأرض !
*٢ - يشوع المختار* :
الله اختاره انه يكون مسئول بعد موسى النبي .. و يتولى دخول الشعب للأرض اللي قال عنها انها تكون ليهم ميراث .. و يقسمها عليهم ..
+ و قالله : " لا يَقِفُ إِنْسَانٌ فِي وَجْهِكَ كُلَّ أَيَّامِ حَيَاتِكَ. كَمَا كُنْتُ مَعَ مُوسَى أَكُونُ مَعَكَ. لاَ أُهْمِلُكَ وَلاَ أَتْرُكُكَ "
*٣ - يشوع الخادم* :
يمكن كانت المقارنة صعبة بينه و بين موسى النبي .. لكن الله عظّم يشوع قدام كل الشعب
" فَقَالَ الرَّبُّ لِيَشُوعَ : الْيَوْمَ أَبْتَدِئُ أُعَظِّمُكَ فِي أَعْيُنِ جَمِيعِ إِسْرَائِيلَ لِكَيْ يَعْلَمُوا أَنِّي كَمَا كُنْتُ مَعَ مُوسَى أَكُونُ مَعَكَ."
+ تخيلوا مقدار حب الله ليشوع انه بيساعده في كل خطوة يمشيها ! و بالمثل يشوع كان يستشير الله في كل خطوة يعملها !
+ و من ثقته في الله عمل أعمالا عظيمة ..
وقف الشمس لمدة يوم كامل !! بصلاته ..
حِينَئِذٍ كَلَّمَ يَشُوعُ الرَّبَّ .. وَ قَالَ أَمَامَ عُيُونِ إِسْرَائِيلَ: « يَا شَمْسُ دُومِي عَلَى جِبْعُونَ ، وَ يَا قَمَرُ عَلَى وَادِي أَيَّلُونَ ».
*٤ - يشوع الناجح* :
يشوع انطبقت عليه الآية اللي كانت على يوسف الصديق :
كان الله مع يوسف فكان رجلا ناجحاً ..
+ و نقدر بلا شك نقول كان الله مع يشوع فكان رجلا ناجحا ..
في كل حروبه ، ارشاده ، مهابته قدام الشعب ..
+ حتى في قراراته كان ناجح ..
*تعالوا نطبق اللي اتعلمناه* :
*١-* على قدر طاقتك اتعلم من غيرك .. مهما كبرت فكر انك تلميذ ..
*٢-* حافظ على قيمتك انك صورة الله و مثاله .. و الله اختارك للحياة ..
كن دايما صاحب نفع لغيرك و مصدر سعادة لغيرك ..
*٣-* اخدم ربنا و هو يديك النجاح .. بس انت اعمل اللي عليك ..
+ لو انت طالب ذاكر و قدم لربنا مقدار تعبك و ربنا يديك النجاح ..
+ لو انت موظف راعي ربنا في تصرفاتك مع المواطنين علشان ربنا يديك نعمة فى عينين الكل .صباح الخير على الجميع ♥️
