سهير وهبه
لما أقرأ في سفر القضاة ويجي اسم جدعون أفتكر قوة الله مع الضعيف
جدعون معنى اسمه قاطع بشدة
بقوة الله استطاع ان يغلب المديانيين اللي قيل عنهم انهم زي الجراد من الكترة
تعالوا نتعلم من جدعون
*1- جدعون الصغير والفقير*
الله اختار الصغير والفقير ليخلص شعبه بيه
وعلشان الله يبين ان القوة منه
زي ما قيل في المزمور " لا يؤثر قوة الخيل ولا يسر بساقيّ الرجل"
*2- جدعون وعتاب لله*
جدعون عاتب الله لما ملاك ظهر له وقال له " الرب معك يا جبار البأس"
قال له " أسألك يا سيدي إن كان الرب معنا فلماذا أصابتنا كل هذه؟ وأين كل عجائبه التي أخبرنا بها أباؤنا"
ومن محبة الله لينا انه بيقبل العتاب ولم يحاسبنا حسب كلامنا الشديد أحيانا
حتى لما طلب علامة من الله ونفذها وطلب علامة تاني ونفذها
*3- جدعون الخادم الأمين*
لما أحس جدعون بقوة الله معاه سلم حياته لربنا واللي بيقول عليه الله يكون
لما قال روح حارب مديان وجمع من بني اسرائيل من كل الأسباط رجال حرب
قال الله دول كتير يا جدعون صفيهم
وفضل جدعون يصفي فيهم على حسب كلام الله
لغاية ما وصل عددهم 300 خلص بيهم بني إسرائيل من مديان
تعالوا نطبق اللي تعلمناه
*1-* مهما كنت صغير أو فقير الله يستخدمك لمجده مهما كان شكلك وجنسك ومكانتك الاجتماعية فقط قول لربنا انا قدامك ارسلني
*2-* خلي كلامك مع الله كلام الابن للاب وخلي دالة البنوة دايما في كلامك
*3-* اخدم بكل طاقتك لأن الخدمة هتعلمك فضائل كتير وهتساعدك في طريقك الروحي صباح الخير على الجميع
