بسنت سلامة
و بعد ما شوفت و كبرت و اكتشفت و اتعلمت
أدركت ان #علي_سالم
كان رجل محترم
مهما اختلفنا معاه
لانه كان صريح و مش بتاع لف و دوران
و أعلنها صريحةً مدوية و قال أنا مطبع
تماما زي ما بحترم دولة الامارات و موقفها المعلن
و المتسق تماما مع النفس باعتبارها و بوصفها أول دولة عربية خليجية اسلامية تبني كنايس على أرضها -و مش بس كده - ده كمان بنت معابد بوذية
و هي شعبها بالكامل شعب مسلم
و مافيش فيها مواطن إماراتي واحد غير مسلم و عندها وزير ووزارة للتسامح و للسعادة
اما بقى المبرراتية بتوع اللف و الدوران
و اللي عاوزين يخلطوا الجبنة الحادقة بالفول
الحراتي هم اللي الحقيقة مقززين و لزجين بالظبط زي العيال بتوع احنا مش اخوان بس بنحترمهم
يا عم قول انا مطبع و خلصنا
و المصحف ححترمك و حقبلك
بس ما تقعدشي يا عم تتني و تتفرد علينا
و تقول لي (ليس ) و ( كلا ) و كدهون
و انت بتلعب على الونجين
علشان لا تزعل دول و لا دوكهوم
و معتقد انك بكده حتكسب دول و دوكهم
و رضا الناس يا عزيزي غاية لا تدرك
فبلاش وحياة أبوك تمسك العصاية من النص
و تبقى من بتوع معاهم معاهم عليهم عليهم
العصاية بالشكل ده يا معلم حتتحط لامؤاخذة في ....
فبلاش اللون ده معانا
