بقلم جورج حبيب ( سيدني -استراليا )
يراقب اللي بيحطوا فلوس مفتعلين
والفلوس بترن جوه واذانهم سامعه الرنين
واصحابها مبهورين مسرورين ومفتخرين
ومستنين المسيح يقول لهم شاطرين
لكن المسيح عارف انهم للفخر قاصدين
ياخدوا مجد ارضي واحترام الموجودين
ونسوا انه قال الصدقه والصوم يكونوا مخفبيين
وجات واحده غلبانه وكل اللي معاها فلسين
ودول كل معيشتها موش زي الباقيين
حطت في الخفاء وقالت يا رب اقبل امين
ومدحها المسيح لانها غير المفتخرين
وقال للتلامذه هي حطت اكتر من الباقيين
وحطت كل اللي تملكه من غير بشكر وحنين
ودا اللي عايزه ربنا من ولاده القديسين
لا يفتخروا ولا يمدحوا من الارضيين
علاقتهم بالسما وبها دايما مشغولين.
لا همهم فلا ولا علان ولا حد من الموجودين
ويا بخت صانع خير ويكون من المجهولين
اجره سريع من ربنا ويكون من القديسين
عايز مدحك من ربنا موش من الارضيين
خا للي حياتك في الخفاء حتكون من الرابحين
واتعلم من عطاء وفضيلة ذات الفلسين
