كتب - نعيم يوسف
قال الإعلامي أسامة كمال، إن جماعة الإخوان المسلمين يطلقون الشائعات من الخارج، موضحا: "الشائعة تقول مظاهرات تجتاح والميادين اتملت.. صحيح الميادين كانت مليانة.. بس بالناس الطيبين اللي بيجروا ورا اكل عيشهم.. اللي رايح شغله.. واللي بيقضي مصالحه واللي واللي واللي".
وتابع "كمال"، في برنامجه "90 دقيقة"، المذاع على قناة المحور الفضائية، اليوم السبت: "طبعاً فاكرين الاخوان بعد ثورة ٣٠ يونيو ٢٠١٣.. أظن كلنا فاكرين، فاكرينهم في رابعة والنهضة.. لما حاولوا يرهبوا البلد ويشوهوها ويخربوها ويقتلوا اهلها؟ اهو دعواتهم دلوقتي شبه دعواتهم بالأمس القريب".
وأضاف: "أنا مش من أنصار توزيع الاتهامات على الناس، ولا من انصار كله تمام والدنيا زي الفل واللي بيتكلم بيألف من دماغه.. فترة الاصلاح اللي احنا فيها يتضغط على فئات كتير في المجتمع، مخلياهم قلقانين من بكره، ويمكن كمان من النهارده والظروف بلا شك، والكل وعلى رأسهم الرئيس".
واستكمل: "عشان كدة الجري لا ينتهي وعشان كدة الناس اللي بتسأل هو السيسي مستعجل ليه الاجابة هي إنه عارف المعاناة بتاعة الاصلاح وعايز يقصر المدة بأكبر قدر ممكن ع فكرة البلاد اللي عملت اصلاح وقت حدوثه الناس كانت بتشتكي نفس الشكوى وبتسأل نفس الأسئلة بتاعة هو ده وقته؟ هو لازم دلوقتي".
