( شعر جورج حبيب --سيدني-استراليا )
في ناس تشفهم تلاقيهم مبسوطين
وهمه غلابه وعلي قد حالهم ماشيين
وتسالهم عن احوالهم دايما يكونوا شاكرين
وناس ملايينهم واموالهم في البنوك مرصوصين
وتسالهم عن حالهم الغضب مليهم وللسلام فاقدين
تقول لهم ربنا صانع معجزات يقولوا مع مين
وتسالهم عن ربنا يقولوا لك مش فاكرين
وناس تقابلهم والبسمة علي وجووهم منورين
وناس تقابلهم للغم والهم في قلوبهم شايلين
وناس تقابلهم جواهم ثقةو ايمان يقين
وناس تقابلهم ودايما شاكرين وغيرمتزعزين
وناس تقابلهم يقولوا ربنا معانا و هو المعين
وناس تقابلهم يقولوا لك بقوتنا احنا قادرين
وناس تقابلهم يقولوا لك لمعروفك شاكرين
وناس تقابلهم للمعروف تجدهم دايما ناكرين
وناس يخرم عينك كلامهم وفي الاهانه شاطرين
وناس تغلط غلط صغير يجروا علي طول معتذرين
وناس تقابلهم يقولوا لك ربنا عمل كتير وكتير
وناس تقابلهم يقولوا بمجهودنا احنا ناجحين
وناس عندهم محبه وللكل محبين
وناس تكره ولو حبيتهم انت سنين وسنين
وناس تناقشهم تلاقيهم متقبلين
وناس تعارضهم تبقي من العدوين
وناس تكلمهم الفاظهم كلها حب وحنين
وناس تكلمهم كلمه تندم سنين وسنين
وهي الحياه ملاينه زي شبكة من الكثيرين
فيها ده وفيها غيره والكل مختلفين
والغريب ان ربنا متحمل الكل ولهم معين
مستحمل الاثيم والبار والكل متساويين
بيشتغل معانا كلنا من غير تمييز البشريين
ولا يبقي لحد عذر ولا يقول دا انا من المنسيين
ولا عمرك يا رب نسيت حد ولا كرهت الصالبين
