كتب – محرر الاقباط متحدون ر.ص
قدم  دكتور أسامة ارميا، الكثير من النصائح بخصوص استعمال الكمادات في حالة ارتفاع درجة حرارة الجسم، موضحا :" من فضلكم لو في إرتفاع في درجة الحرارة لأي شخص مش شرط قصة كورونا أنا بتكلم في العموم نتصرف ازاي؟؟

وتابع عبر حسابه على "فيسبوك"، لو درجة الحرارة فوق ٣٨.٥ من فضلك ما تبدأش بخافض الحرارة مهم إننا نبدأ بالكمادات ولو هنعمل كمادات مهم الأتي، بلاش الكمادات اللي علي الجبهة أو علي الرأس، الكمادات الصح كالآتي:
-علي جنبي الرقبه من الناحيتين
-تحت الإبط من الناحيتن من برا لجوه
-في منطقه أعلي الفخدين من برا لجوه

لافتا :" ودي المناطق اللي فيها أوعية دموية كبيرة وبالتالي بنقدر بإذن ربنا بسرعة ننزل درجة الحرارة وبعد الكمادات بحوالي تلت ساعة بالكتير نص ساعة ان شاءالله درجة الحرارة تكون نزلت ل ٣٨.٥ او أقل وقتها نقدر ندي المريض خوافض الحرارة.. من فضلك استخدام خوافض الحرارة والشخص درجة حرارته فوق ٣٨.٥ مش هتجيب نتيجة بالعكس هنلقي نفسنا إدناله ادوية كتير بدون فايدة وبكرر بلاش الكمادات اللي علي الجبهة أو الرأس ونركز في الأماكن دي.

مردفا :" وفي بديل تاني ان المريض ياخد دش فاتر بس بعيد عن رأسه وبعد كده يتغطي كويس وبعد الدش بتلت او نص ساعه بالكتير ان شاءالله درجة الحرارة تكون استجابت وبعدها ندي خوافض الحرارة... #دمتم_سالمين_آمنين.
#من_فضلكم_شيروا_البوست_للإفادة
#ربنا_حنين_كريم
#د_أسامه_أرميا