محمد السماك
- أمنيتي أن ينقضي نهار في بلادي ولا أكتب فيه "كل المساندة/كل الدعم" خاصة في ما يخص الحريات الفرديه أو الشخصية، ولكن ومع كامل أسفي كل التضامن مع الفنانة الجميلة امينه خليل.
- صوره مبهجة من حفل خطوبة أمينه خليل انتشرت علي مواقع التواصل، وبدون مراعاة لشعورها في اسعد ايامها تم التنمر عليها واتهام خطيبها ووالدها بالدياثه بسبب فستانها، والحقيقه الي عاوز أوضحها هنا ان لو صح مصطلح ديوث فهو غير محدد بصفات يعني الأمر نسبي.
- بمعني لو انت زوجتك منتقبه هتشوف الي زوجته محجبه ديوث، ولو انت زوجتك محجبه هتشوف الي زوجته من غير حجاب ديوث، ولو انت زوجتك مش محجبه وبتلبس واسع وجيبات وكم هتشوف الغير محجبه الي بتلبس ضيق وهاف ديوث وهكذا، يبقي الحل ايه؟ انك متشغلش بالك بحد واهتم بنفسك ودور علي التمام والكمال لنفسك من وجهه نظرك.
- لكن بأي حق تدخل بهمجيتك وأفكارك المتخلفة تفسد شعور من اجمل لحظات العمر عند شخص، ببساطة لو مش عاجبك الفكره والخبر تجاهلة لكن متاخدش الصوره علي صفحتك وتشتم عليها او تدخل تعلق بسفاله واستعلاء مزعوم، الي انا بقوله ده بديهيات العقل والإنسانية.
