محمد محمود
تخيل عزيزى المدمن منك له لها ليها له له له، انك تصحى الصبح ولسه لا بيك ولا عليك وانت يا دوب فاتح حنكك زاويه 240 فهرنهايت وبتتاوب، تبص تستفوجئ تلاقي خبر قالب الدنيا، قال ايه، قوات قبائل بني فشخان اللي جاية من مجاهل افريكيا تقتحم البلاد وتسيطر على الوطن وخد عندك البيان رقم واحد....
 
بعدها تقوم قوات قبائل بني فشخان اللي انت عمرك ما سمعت عنها طول حالاتك، تقوم قوات بني فشخان باحتلال البلاد وتغيير دين المواطنين الي دين ام بني فشخان
 
ويسموا الاحتلال ده بالفشخ المبين ويرغموك على الإحتفال به كمان
 
وتغير لغة سياتك الي لغة ميتين ام بني فشخان
 
وتغير زي سياتك وتفرض عليك تلبس زي بني فشخان
 
وتعين عليك حكام ومسؤولين من هنااااك من آخر الدنيا من بني فشخان
 
وتفرض عليك تدفع فلوس من دخلك او إنك تبقى فشخاني من بني فشخان او انها تقتلك
 
وتاخد من ستات البلد ما يحلو لجنود بني فشخان الاشاوس المغاوير
 
 
وتبقى عبد بعد ما كنت حر ومراتك سبية تباع في سوق النخاسة بعد ما كانت حرة وابنك يتربى في الذل والهوان
 
وبعد يجي كده 100 سنة لو حد من احفادك حاول يحكي التاريخ ده، تقوم عليه الدنيا وكل احفادك الآخرين اللي تحولوا وبقوا فشخانيين بزيادة اكتر من بني فشخان ذات نفسيهم، يقتلوا حفيدك المسكين ده رغم ان كل سلاحه كان عقله ولسانه
 
تخيل بقى يا مدمن لما كل تاريخك يتم تزييفه وتزويره ولو اعترضت يبقى يا ويلك وسواد ديلك من بنى فشخان وأبناء بني فشخان
 
إبتسم ولا تبتئس، فبني فشخان في كل مكان