كتب – سامي سمعان
ؤعلى كل أسئلتكم فيما يخص حزب الشعب الجمهوري".
وقال "أبو هشيمة" عبر صفحته على موقع انستجرام، الحقيقة الكام يوم اللي فاتوا جاتلي تعليقات منكم وأسئلة عن حاجات كتيرة، فأنا بعمل الفيديو ده عشان ارد عليها.
سأل أحد المتابعين: أنت اللي انشئت الحزب وما هو برنامجه السياسي ونظامه الداخلي؟
ورد أبو هشيمة: "لا طبعا أنا مانشأتش الحزب ولا أسسته، الحزب قائم من 2012 وممثل فى البرلمان بـ13 نائب ومتواجد فى معظم محافظات الجمهورية".
وأضاف: "حزب الشعب الجمهوري هو حزب ليبرالي إصلاحي يميل إلى يسار الوسط، ليبرالي بمعني انه بيتبني برامج وأفكار سياسية واقتصادية بتمثل الاتجاه الليبرالي معني الانفتاح علي كل الأطياف".
"هدفه الأول هو خدمة مصر وشعبها مهتم بشكل كبير جدا بالشباب وضمهم وفتح مساحة ليهم عشان يعبروا عن أنفسهم ويطلعوا أفكار تضيف للبلد".
"إصلاحي.. أحنا مؤمنين جدا بالمعارضة البناءة، يعني أنا لو مش عاجبني حاجة أنا ممكن أعارض وأقول ديه مش عاجباني بس عندي الحلول وإحنا حزب دايما لما يجي يعترض علي حاجة لازم يقدم حل للمشكلة".
"يميل إلى يسار الوسط هو مهتم وهمه الأول والأخير مشاكل المواطن المصري، ويهتم بالصحة والتعليم ومتوسط دخل الفرد ويهتم بالرأسمالية المجتمعية اللي أنا في 2011 مؤنم بيها وبنادي بيها عشان نبقي عايشين كلنا في مجتمع يليق بالمواطن المصري".
وأكد: "أن أي حزب يعتمد على التبرعات خاصة من رجال الأعمال، وانا جزء من الحزب ولازم يبقي فيه تبرع زي ما كان الحزب قايم علي التبرعات من قبل، وان شاء الله يبقي فيه استقرار مالي عشان نقدر نعمل حاجة محترمة جدا".
بالنسبة للمقرات أنا قبل دخولي للحزب كان الحزب متواجد في 15 محافظة ولكن الآن هيبقي الحزب متواجد في 27 محافظة وفي كل المراكز المهمة بالمحافظات".
إيه هي خطة التطوير؟
"احنا ناقشنا جزء كبير جدا ولسه مكملين وعندنا اجتماعات كتيرة مع رئيس الحزب والأمين العام بنناقش بنود التطوير.. بس الأهم عندنا هو الشباب، فى إجراءات كتيرة عشان نقدر نتواصل لأكبر عدد من الشباب، ويبقي عندهم قناعة كبيرة بالانضمام إلى حزب الشعب الجمهوري".
ليه هتشتغل في السياسة؟
"البلد مش محتاجه نفضل واقفين نتفرج ومستنين غيرنا اللي ينفذ احلامنا وطموحنا، أنا بحلم لبلدي ان هي يكون فيها حياة سياسية حقيقية ومنافسة شريفة زي اي بلد متقدمة في العالم، ولما لقيت ان احنا واقفين بنتفرج قولت ابدا بنفسي عشان اشجع الشباب".
View this post on Instagramمن وقت الإعلان عن دخولي الحياة السياسية وانضمامي لحزب الشعب الجمهوري وبتجيلي اسئلة واستفسارات كتير.. الفيديو ده بجاوب فيه على معظم الاسئلة اللي جاتلي .. وزي ما قلتلكم قبل كده مستنيكم تسمعوا وتشوفوا ولما تقتنعوا بأهداف الحزب هيشرفني انضمامكم ليه.. #أبو_هشيمة #حزب_الشعب_الجمهوري #مصر #تحيا_مصر 🇪🇬 Watch my political debut video... #Abouhashima #Egypt #Politics #RepublicanPeoplePartyEgypt
