الاب جون جبرائيل
تساؤل صديقي الأب ماريو بولس اليسوعي Mario Tawadrausعن المشكلة الجوهرية والمهمة عن السبب الوجودي لمسألة غسل فردتين شراب يطلعوا فردة واحدة؟
ده سؤال أثار فيا بحث قديم وتفكير استغرك مني سنوات. هناك نظرية أو فرضية متواضعة أحاول فيها حل المشكلة.
الأول ما هي أسباب ضياع فردة الشراب؟
لإيجاد الحل لازم نعرف السبب ضياع الفردة.
الفرضية الأولى:
الشراب كل فردة مستقلة بذاتها وبتحاول تثبت للإنسان إن كل فردة من الشراب ليها قيمتها في حد ذاتها بدون الارتباط بالفردة التانية. وبالتالي الفردة بتختفي على مر عقود وأحيانا تلاقي الفرده بتظهر شويه وتختفي وتظهر اختها بالتبادل بينهم بس لاننا مش بناخد بالنا فبنفتكرها فرده واحدة بس.
بتعمل ايه الفردة اثناء اختفائها؟ معرفش اللي يعرف يقول لي.
نرجع لصلب الموضوع ايه الحل؟
الشرابات بتتعامل مع الانسان من خلال جدلية السيد والعبد بتاعة عمنا الفيلسوف كانط (السيد من كتر اعتماده علي العبد يصبح هو عبدا لعبده والعبد يصبح هو السيد لانه لا يرتبط بسيده).
إذًا احنا لازم نحارب الشرابات بنفس سلاحها وفي نفس الوقت نقدم لها شيء من طلباتها من خلال ثورتها علينا
احنا اللي وضعنا نظرية ان الفردتين لازم يبقوا ذي بعض واحنا بنلبسهم، الموضوع من ناحية مدايق الشرابات فثارت، وتحررت مننا بينما احنا اصبحنا عبيد لنظريجة تطابق الفردتين. ففرضيّتي هي الآتي:
نوقف جدلية السيد والعبد، تطابق الفردتين. ،نبدأ باعطاء قيمة لكل فردة في ذاتها وهي مستقلة. وبالتالي نبدأ في ارتداء أي فردة مع أي فردة من أي لون في نفس ذات عين الوقت. وبكده نكون تحررنا وحررنا الشرابات.
أشكركم وأشكر صديقي ماريو على التساؤل الوجودي
