بقلم : عبير حلمي
كورونا لا صحت الضمير
ولا بسببها مات فينا الاحساس
كورونا حبستنا في البيت
زينا و زي كل الناس ،
ولا غيرت فينا الطمع والنصب
ولا تاب الكذاب والمنافق اصبح كسبان !
كورونا اتعلمنا منك إية؟؟؟؟
البلطجة والنوم والأكل الكثيررر
طيب بقى فين التغيررر؟؟؟؟
كورونا بيقولوا عنها غيرت الإنسان؛
طيب ما هي الأفعال نفس الأفعال....
كذب وطمع وتأويل ولا ضمير صحي ولا هيصحي في يوم من الأيام .
فوق يا إنسان !
فوووووق في واقفة أمام الديان
حب أخوك الإنسان ،
بلا هدف أو تسلط أو سلطان
بلا طمع أو تجسس وظلم زي ما كان
من غير بلطجة أو شحاتة
و من غير ما تعمل برئ بتتكلم بسم الرّٰحمن ....
يمكن كورونا درس استفاد به بس الغلبان ،
علشان يعمل حسابة لليوم _الأسود_
كما قيل في الأمثال :
"القرش الأبيض بينفع في اليوم الأسود "
مثل من أمثال أجدادنا زمان.....
كورونا مش بس قفلت الكافيهات وصالات القمار والملاهي ،
دي قفلت أبواب الكنائس والجوامع بس مقفلتش لسه أبواب الغفران ؟!
فوووق لحسن في يوم من غير كورونا ولا غيرها تموت وتقابل وجه خالق الأكوان.
فوق يا إنسان ....كورونا بريئة
برئية من ذنبك....
يمكن تكون جت بس لإفاقتك
يمكن تكون بس جرس للإنذار.
