كتبت - أماني موسى
قال الرئيس عبد الفتاح السيسي، خلال افتتاح عدد من المشروعات ببورسعيد، أن تنمية منطقة شرق بورسعيد كان مطروحًا منذ 15 عامًا، لكنه تأجل العمل فيه بسبب ضعف التمويل، خاصة أن المشروع يحتاج إلى أموال كبيرة.
وأضاف الرئيس، "لما المشروع ده اطرح من 15 سنة طب ما اتعملش ليه علشان هو كان مطلوبله بنية أساسية تخدم عليه ومنها الأرض اللى فى شرق بورسعيد".
وتابع: "معرفناش نعمله علشان كان محتاج أموال كتيرة وكان قدامنا خيارات نعمل الشغل ويبقى فيه شغل لولادنا ولا نقول احنا عملنا وميبقاش فيه متطلبات تنجح المشروع".
وأشار الرئيس في معرض كلامه إلى أن تكلفة محور 30 يونيو بلغت نحو 8.5 مليار جنيه، مستطردًا، "بصوا على كل شبكة الطرق اللى موجودة دلوقتى اللى جاية من القاهرة والسويس والسخنة سواء كانت طولية او عرضية، المحاور شرق القناة حجم عمل ضخم جدًا وبتكلفة كبيرة جدًا الهدف منها أن نهيئ النجاح للمنطقة الاقتصادية اذا كنا عاوزين نعمل 4 مناطق صناعية ولتسهيل حركة النقل من المنطقة واليها، تم انفاق أموال ضخمة جدًا فى المنطقة تصل لـ 150 مليار جنيه".
