أقامت "سمر" ربة منزل، دعوى خلع ضد زوجها أمام محكمة الأسرة بالجيزة، بسبب إدمانه المخدرات وعدم الإنفاق عليها ومطالبته لها بالتسول.
وقالت سمر: "جوزى اتبع طريق الضياع ودايما مع الحشاشين والخمورجية وترك منزله ولا بيصرف على بيته ولا على بنته اللي هي من ذوي الاحتياجات الخاصة وعايزه علاج وأكل وهو ما بيسألش وسايبنا، وفي الآخر يقوللي اخرجي اشحتي بيها وهاتي علاجها".
وأضافت سمر: "كانوا أهلي بيقولولي: ضل راجل ولا ضل حيطة.. بس المثل ده لا بيأكل ولا بيعيش، ولو سمعت كلامهم هعيش دايما في ذل وتعاسة.. استحملت كتير مع زوجي"، وتابعت: "زوجي بيشتغل سائق وكان بيشرب السيجارة بس إلى أن تطور معه الأمر بعد تعرفه على أصدقاء سوء علموه الشرب وطريق المخدرات.. وكل مصاريفه على الكيف والمزاج ويرجع البيت بيطوح ولا بيسأل عننا ولا حتى بيسأل عن بنته".
مروة في دعوى خلع: 4 سنين معيشني على فول وطعمية وأكتشفت ليه رصيد في البنك
وقالت سمر: "طلبت منه فلوس لعلاج بنته قالي مش معايا واطلعي اشحتي بيها وهاتي العلاج.. فكرته بيهرج لكن اكتشفت أنه يتكلم بجد وقالي: استعطفي الناس واكيد هيراعوا مرض البنت وهيدوكي المال تعيشي بالفلوس أكل وشرب وعلاج كمان واللي يفيض اشتري بيه سجاير".
واضافت: "اشتكيته لاخوه الكبير قال: هعمله ايه اتفسد وهو راجل مش صغير.. هضربه يعني؟! فقررت أن أطلب الخلع وكل واحد يشوف حاله طالما مش قادر على المسئولية ويتحمل مصاريف بيته وأهله".
