قال الرئيس عبد الفتاح السيسي: "لما قلت يوم 24 يوليو الكلمة بتاعة الإرهاب وعايز تفويض، في الوقت ده كتير من اللي كانوا موجودين معانا، كانوا مستعجلين الدعوة".
وأضاف خلال كلمته التي ألقاها في احتفال وزارة الأوقاف بذكرى المولد النبوي الشريف، صباح اليوم الخميس: "قالوا تفويض إيه وإرهاب إيه اللي أنت بتتكلم عنه عشان تتعامل مع الإرهاب، أصل هو المنهج عندهم كده، يا يحكموا يا يقتلوا، فإحنا رايحين للحرب".
وتابع: "أنا مكنتش أقدر أروح للحرب دي، لأنكم لما عملتوا 30 يونيو مكنتوش تعرفوا إن النتائج هتكون كده، إن هما هيفضلوا ورا منكم يقاتلوكم بالكلمة والكذبة والافتراء غير السلاح والتخريب والتدمير، النفوس مريضة وقلوبهم مريضة لا يمكن تكون قلوب سوية وتؤمن بالله تعمل في الناس كده".
وشهد الرئيس عبد الفتاح السيسي، اليوم الخميس، فعاليات احتفال وزارة الأوقاف بذكرى المولد النبوي الشريف، في مركز المنارة للمؤتمرات، بحضور عدد من المسؤولين وكبار رجال الدولة.
