أعرب الإعلامي عمرو أديب، عن سعادته لفوز نادي الزمالك علي نادي بيراميدز بـ 3 أهداف مقابل لا شئ.
وأشاد "أديب"، من خلال برنامج "الحكاية "المذاع علي فضائية "إم بي سي مصر"، بالمدير الفنى الصربي ميتشو سريدوفيتش لنادى الزمالك.
وقال "أديب"، :" وانا بتفرج علي الماتش افتكرت طول اليوم والناس عمالة تسألني هتعملوا ايه النهاردة ، عملنا النهاردة وكسبنا 3 صفر، حاجه محترمة ومدرب كويس وشه حلو علينا ، بيراميدز كانوا في أسوأ حالاتهم النهاردة".
واستطرد "أديب"، قائلا :" عاوز يجيلي التهاني ، مش عاوز تريقة ونكت ، هناخد السوبر والدوري الجاي ، عندي أمال كبيرة ، مصر مليانه زملكاوية بس مختفيين مش قادرين يعبروا عن نفسهم ، النهاردة أن الاوان كل واحد يقول يا زمالك يا مدرسة".
