كتبت – أماني موسى
علق الباحث الاقتصادي، إيهاب سمرة، على الفيديو المتداول لوزيرة الهجرة بشأن من يتحدث عن مصر بسوء، قائلاً: أراها وزيرة محترمة وسيدة مصرية، تربية راجل بجد.
وأضاف سمرة في تدوينة عبر حسابه بالفيسبوك، نسأل أي ست صعيدية أصيلة لما تتكلم عن أهلها بتتكلم ازاي؟ بتتكلم زيها بالظبط، عارفة أنها من ضهر راجل وواثقة في نخوة أهلها.
وتساءل، فين الغلطة بقى؟ وليه ناس بتستعبط وتشوه صورتها؟؟ هو لو وزيره أمريكانية ولا انجليزية قالت اللي هيقرب من بلدي هنحاربه تبقى غلطت؟؟
وشدد بقوله، ست مصرية أصيلة وبنت أبوها صحيح، أنا شايف أنها نموذجية، وأمي الله يرحمها كانت صعيدية ولو حد فكر بس يمس أهلها بكلمه كانت بتعمل كده بالظبط.
وأختتم، الوزيرة مغلطتش خالص.. عبرت بطريقتها المصرية الأصيلة وثقتها في قوة أهلها.. ادعم وزيرة الهجرة المحترمة.
