اوقات بتلاقي بيضة منهم انكسرت وطلعت البياض والصفار بتاعها في مية السلق وباظت خلاص...

في حين ان باقي البيض الى جمبها كويس جدا" ومحصلهوش حاجة.. ازاي كده !

تعالوا نشوف
كل البيض محطوط في نفس الظروف (الحلة)..
كل البيض جاي من نفس الفرخة (كلنا بنى ادمين)..
كل البيض محاط بالمية السخنة (نفس المشاكل والحياة)..
فيه بيض متكسرش..
وفيه بيض اتكسر وباظ..

المشكلة هنا مش في المية السخنة ولا الحلة ولا نوع البيضة.. لا خالص.. المشكلة هنا في ان البيضة الى كانت على النار اصلا مشروخة فا متحملتش المية السخنة فانفجرت وباظت..

انما البيض السليم الى ماسك نفسة لما اتعرض لنفس الظروف والحرارة فضل سليم زي ما هو..

#الحكمة_والخلاصة
دي حياتنا بالظبط..
لو من جواك سليم وكويس واتحطيت في الظروف الصعبة، هتقدر تقاوم بل بالعكس.. الظروف دي هتحولك من بيضة نية (انسان ني وضعيف وهش من جوة) الى بيضة مسلوقة (جمدت وبقت قوية من جوة)..

انما لو من جواك مشروخ وتعبان ونفسيتك ضعيفة..

مع أي شوية ظروف صعبة هتتكسر وهتتشرخ وهيكون السبب مش الظروف لكن هيكون السبب من جواك انت
(نفسك ايضا ناجحة) يعنى مش مشروخة ولا متبهدلة ولا مهترئة ولا مبعزقة ولا متجرحة..

محتاجين نجمد شوية قبل ما نلوم الظروف انها بتلطش فينا
ما هي بتلطش في الناس كلها
لكن مش كلهم بيتكسروا...