كتب - نعيم يوسف
رد قداسة البابا تواضروس الثاني، بابا الإسكندرية بطريرك الكرازة المرقسية، على سؤال من أحد الشباب حول الهجوم الذي يتعرض له على "الميديا"، قائلا: "ربنا اختارنا عشان نخدم مش عشان نتكلم على الميديا"
وتابع البابا أثناء لقائه مع شباب محافظة الإسكندرية: " عندنا ضمير وعندنا قلب ونشكر ربنا عندنا فكر،ونخدم ربنا بهم.. الخدمة بتاعتنا في الكنيسة مش واحد.. فيه مجمع مقدس ولجان".
وأضاف: " الناس تهاجم وتقول حاجات غلط وتخترع أكاذيب .. براحتهم.. مش معقول هسيب شغلي واقعد اقول ده غلط ومش صح.. وعين الله ترى كل شيء.. وبنعمة المسيح لا نهتز بأي حاجة بتتقال.. وصلواتكم تحرسنا جميعا".
وألقى قداسة البابا تواضروس الثاني، بابا الإسكندرية بطريرك الكرازة المرقسية، العظة الأسبوعية، اليوم الأربعاء، أثناء اجتماع الشباب، من الكنيسة المرقسية الكبرى بالإسكندرية، حيث تأمل في الآية التي تقول: " لأَنَّ اللهَ لَمْ يُعْطِنَا رُوحَ الْفَشَلِ، بَلْ رُوحَ الْقُوَّةِ وَالْمَحَبَّةِ وَالنُّصْحِ".
