البابا من نيويورك يجيب على أحدهم.. ماذا يحدث في المنيا ولماذا لم يتكلم عنها أحد؟

خلال لقاء قداسة البابا مع شعب كنيسة الشهيد مار مرقس الرسول بـ ويست هنريتا روتشستر أجاب على أسئلة الحضور، والتي نوردها على النحو التالي:

 

قداسة البابا: عندنا في مصر ٢٧ محافظة. وعندنا أكثر من ٦ آلاف قرية، حصلت مشكلة في قرية أو اتنين.
 

في محافظة المنيا بتتكرر تلك المشكلات لأنها محافظة فيها خصائص فهي محافظة مساحتها كبيرة وبها كثافة سكانية عالية سواء مسلمين أو مسيحيين وفيها احتياج شديد لمشروعات التنمية والثقافة والمشروعات المجتمعية وهى محافظة طويلة أكثر من ١٥٠ كيلو متر وفيها جانب كله محاجر وجبال ولها خصائص معينة.
 

وتحصل مشكلة في قرية وطبعًا نيافة الأسقف العام في المنيا الأنبا مكاريوس على اتصال مستمر معنا. ونحن على اتصال مستمر على مستوى القاهرة بالمسؤولين. ونحاول أن نحل المشكلة.
 

مش كل حاجة تقال في الإعلام تكون حقيقية. وتساءل قداسته هى المشاكل بتتحل عندكم ازاي؟
 

فيه مشاكل بتتحل بالصلاة وفيه مشكلة بالوقت وفيه مشكلة بالمناقشات، وفيه مشكلة بطول البال؛ لكن عمر ما المشكلة تنحل بالعنف أو العصبية أو الغضب.. فكروا بالعقل لأن الحكمة هي التي تحل المشكلات.
 

ولازم تاخدوا بالكم فيه مشكلة حصلت في قريتين بنحاول نحل المشكلة بطريقة طيبة وبهدوء شديد. دول قريتين في محافظة كبيرة ومحافظة المنيا يوجد بها قياداتها طيبة جدًا، لكن إحنا عندنا في بعض الأماكن فيه ضعف التعليم وضعف في الثقافة خلي نظرتكم نظرة واقعية للأمور.
 

لا يوجد شيء بنسكت عنه وبنتكلم ونتفاهم وبنصلي وبنفكر ونحاول نوجد حلول وهكذا.
 

أرجوكم كونوا متأكدين وعلى ثقة إحنا بنتكلم كلام العقل وبنتكلم في الوقت المناسب وكلمات لما بتتقال مش في وقتها تبقى الحكاية مش مظبوطة وبنعمة المسيح بنحاول نحل كل شيء.