بالفيديو.. المركز الثقافي ينشر أحدث معجزة للبابا كيرلس: مشلول يقف على قدميه

يحتفل الأقباط يوم 9 مارس الجاري بعيد نياحة مثلث الرحمات البابا كيرلس السادس، وقد نشر المركز الثقافي القبطي، معجزة تمت منذ أيام بمزار البابا كيرلس بديره بمريوط، تحت عنوان إله المستحيلات.
 

وقال المركز في بيانه، أحدث معجزة للقديس البابا كيرلس السادس لرجل يعاني من كسر في ظهره وسط ذهول الحاضرين من الزائرين بدير الشهيد مار مينا بمريوط.
 

القصة على لسان الأخت ميرنا أشرف التي ساعدت الرجل ليلمس جسد القديس البابا كيرلس السادس، السبت 3 مارس 2018 وبمزار البابا كيرلس السادس بدير مار مينا.
 

حصل موقف رهيب بالنسبالي عايزة امسك مايك في أيدي واحكي لكل الناس عن إلهي ومجده اللي حصل اني كنت عند #مزار_البابا_كيرلس وواقفة عادي بصلي صلاة روتينية مفهاش أي روح لقيت واحد بكرسي متحرك جه لحد المزار وبيردد "يا بابا كيرلس أنا واثق إني لو لمستك همشي علي رجلي" وكانت دموعه سابقة كلامه #وايمانه_مخيف وبيقولي يا بنتي ارفعيني ألمس الجسد، فأنا مسكت إيده بمدها للجسد قالي لا ارفعيني كلي أنا #وسطي_مكسور مش قادر أتحرك وكلامه كله بدموع وحرقة، وأنا برفعه مش قادرة من كتر ما هي رجليه #متيبسة (مش بتتحرك خالص) مكنتش قادرة أحركه من الكرسي جه واحد تاني بيرفعه معايا لحد ما وصلت إيده للجسد وهنا ظهر المجد إحساس بالظبط ذي ما يكون الراجل اتكهرب وأنا اتكهربت معاه واشوف بين إيديا معجزة حقيقية والراجل يقف علي رجليه وكان شئ لم يكن حتي حنية ضهره (كان محني) من قعدته علي الكرسي اتشفت,
 

واختتمت، إيمان حقيقي دخل جوايا وشال الغشاوة من عيني، كأن ربنا بيقولي امن يا توما وحط ايديك جوا الجروح.
 

#الهي_حي
 

#اللهي_يقدر_يعمل_مستحيلات