الأقباط متحدون - ببساطة .. إنسان
  • ١٣:٣١
  • الأحد , ٢٦ نوفمبر ٢٠١٧
English version

ببساطة .. إنسان

مرقس كمال زاخر

مساحة رأي

٠١: ٠٤ م +02:00 EET

الأحد ٢٦ نوفمبر ٢٠١٧

ببساطة ..
ببساطة ..

 مرقس كمال

 
كانت زمان أرضِنا خربانة ... وكانت فاضيه وضلمة كمان 
 
لكن إلهنا بحب عملها ...  دُنيا جميلة وبالألوان
 
وخلق كل الكون بالكلمة ... من العدم تِظهر وتبان
 
وم التراب وبنفخِة روحه ... على صورته خلق الإنسان
 
 
كل ده خلقه ف ٦ ايام ... أول يوم كان خالق النور 
 
فى التانى خلق السما والتالت ... الارض وأشجار وزهور
 
اما الرابع قمر وشمس ... والخامس زحافات وطيور
 
فى السادس خلق الحيوان وخلق الانسان بسرور
 
 
أزرق لون السما والبحر ... أبيض زاهى ده لون النور
 
أصفر لامع لون الشمس ... وبلون فضى قمر بيدور
 
أخضر لون الخير والزرع... وشجر كان فى الاصل بذور
 
بُنى ده لون الطين فى الأرض ... وألوان تِملا القلب سرور 
 
 
كان فيه شجرة فى وسط الجنة ... هى معرفة الخير والشر
 
ربنا قال لأدم إوعى ... تاكل منها احسن تنِضر
 
ولما حوا وادم سمعوا ... لكِدب الحية القلب إتغر
 
اكلوا وسقطوا كمان واتطردوا ... وبيجروا فى خطاياهم جَر
 
 
لكن بعد سنين وسنين ... جه ربنا علشان يفديهم
 
ويرجعهم تانى لحضنه ... اتولد يسوع وعاش وسطيهم 
 
وع الصليب مات واتدفن ... وقام من الاموات يحييهم
 
وبقت كل الناس أولاده ... وهو ابوهم وبيحميهم
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
حمل تطبيق الأقباط متحدون علي أندرويد