ابن عادل أمام يدافع عن الفيشاوي

 كتب : محرر الأقباط متحدون
قال محمد إمام نجل النجم عادل أمام تعقيبا علي تصريح الفنان احمد الفيشاوي     

أنا بحب احمد الفيشاوي مشكلة احمد انه عايش بدماغ غربي في مجتمع شرقي متحفظ جداً ، بيغلطوا اه بس مايحبوش اللي بيحبوهم يغلطوا .

أنا عشت مع احمد أيام في بيت الأستاذ فاروق الفيشاوي و مدام سمية الألفي و ما شفتش منهم غير كل حب الأستاذ فاروق من ألطف الشخصيات اللي ممكن تشوفها في حياتك ، و مدام سمية من أجمل الأمهات ( ده غير أن أول مسلسل ليا في حياتي كان مع الاثنين دول ). وعلي فكرة احمد الفيشاوي ده من أقوي الممثلين اللي في مصر سيبوه يعيش حياته زى ما هو عاوز وانتوا عيشوا حياتكم زي مانتوا عاوزين .3البوست ده مش دفاعاً عن أحمد ، هو فعلاً غلط و اعتذر ، بس كان في كلمتين لازم أقولهم بحق العيش و الملح و العِشرة اللي بينا