الأقباط متحدون - إطلاق حملة سخرية رخصة الصلاة بكام ردًا على اتهام أقباط الفرن بالصلاة بدون تصريح
  • ٢١:٥٩
  • الثلاثاء , ٢٢ اغسطس ٢٠١٧
English version

إطلاق حملة سخرية "رخصة الصلاة بكام" ردًا على اتهام أقباط الفرن بالصلاة بدون تصريح

نادر شكري

أقباط مصر

١٩: ٠٤ م +02:00 EET

الثلاثاء ٢٢ اغسطس ٢٠١٧

أقباط عزبة الفرن يصلون في الشارع
أقباط عزبة الفرن يصلون في الشارع

 رخصة الصلاة 3 سنين بكام واخر يضع قائمة اسعار الصلاة

محدش يعرف امين شرطة علشان رخصة الصلاة خلصت والطوابيرة زحمة
انا اعطيت امين الشرطة 20 جنيه علشان اصلى هل تجوز صلاتى 
 
نادر شكرى
 
اطلق شباب ونشطاء حملة سخرية على مواقع التواصل الاجتماعى انتقادا لما حدث بقرية الفرن مركز ابوقرقاص بالمنيا بعد منع اقباطها من الصلاة وتحرير محضر ضدهم بتهمة الصلاة بدون ترخيص .
 
وجاءت تهمة الصلاة بدون تصريح او ترخيص لتفجر طاقات الغضب ضد الامن لعدم وجود نص فى القانون يجرم الصلاة ولذا اطلقوا حملة سخرية اشبه برخصة السيارات بعنوان " رخصة الصلاة بكام "
 
وجاءت التعليقات والسخرية منها " هو رسوم قداس قسيس..و2شماسه..وعشرة شعب تعمل كام فى اليوم ولو جه شعب زيادة بتحاسب بالنفر" ...واخر " رخصة الصلاة 3 سنين بكام دلوقت ولو يومين فى الاسبوع قداس واجتماع صلاة عدد 300 فرد الراس تعمل كام والفحص ايه اخباره.
 
وكتب اخر " عاوز ارخص صلاة بس قلقان من الاختبارات .
 
بلد الصلاة فيها لله برخصة  وكتبت فتاه " حد يعرف امين شرطة رخصة الصلاة بتاعتى خلصت وعايز اجددها علشان الطوابير كبيرة "
 
وكتب اخر يضع لائحة باسعار رخص الصلاة " تعلن وزارة الداخلية عن فتح باب التسجيل للاخوة الاقباط لاستخراج تصاريح الصلاه وتشمل الاتيباقه ألفا:- تصريح بالصلاه لعدد 4 افراد يشمل حضور قداس واحد في الاسبوع وحضور اجتماع روحي واحد بتكلفة 300 جنيه وباقه برميم :- تصريح بالصلاه لعدد 6 اشخاص يشمل حضور  قداسين في الاسبوع وحضور 4 اجتماعات روحيه بتكلفة 500 جنيه في الشهر 
 
واستمرت تعليقات السخرية ومنها " فرصه فى كارت صلاة طالع تصلى شهرين وتاخد التالت مجانى ساعتين فى الاسبوع وممكن تشحنه لو المتشددين والامن وافق ..ورد اخر " لازم تقدم كشف نظر وبَاطِنَة وكمان شهادة خلو موانع مع المتشددين الجمال " ويرد اخر على غرار فيلم سلام يا صاحبى " شخلل علشان تصلى " 
 
وسخر اخر " متنساش وانت مسافر بره تعمل رخصة صلاة دولية " حد يعرف مكاتب تراخيص القداسات فين " هو فى فترة سماح صلاة طوارىء " .
 
وكتب اخر الشروط مالها بقت صعبة كده لاصدار تراخيص الصلاة عايز صور البطاقات وموافقة المتشددين بالقرية وموعد الصلاة وعدد الدقائق ونص الصلاة ده بقت شروط صعبه عن زمان ..
 
وكتب اخر حد يعرف العقوبات الخاصة بالصلاة بدون رخصة ولو كان فى الشارع يبقى ايه والبيت وبالنسبة للجنازة لازم تصريح صلاة  و انا اعطيت امين الشرطة 20 جنيه علشان اصلى هل تجوز صلاتى