عيد الصليب

جورج ميخائيل عازر
مسيحيه من غير صليب.....عُرس بلا عروس
كل يوم أشيله.....ع الشيطان.....أدوس
أرفعه علي راسي.....يستاهل.....مِني بوس
هو عنوان خلاصي.....طريق.....للفردوس
الصليب إختبار.....قبول التجربه.....من غير عبوس
الصليب رحلة حياه.....كله.....عِبَر ودروس

مهما طال العمر.....شايل أنا.....صليب يسوع
في أي مكان.....أكون.....في كافة الربوع
قدامه واقف أصلي.....بلجاجه.....أسكب الدموع
لا حاسس بعطش.....ولا تعب.....ولا جوع
يسوع هو الأمان.....يسوع.....هو الينبوع
ما أحلي الصليب.....نور.....أقوي م الشموع

الصليب عمره ما كان شكله جميل
لكن حلاوته نابعه من صاحب الجِميل
يسوع مصلوب عليه.....أقوي دليل
عن حبه للبشريه.....أحلي خليل
تحت أقدام الصليب.....عايز أميل
أبوس مكان المسامير.....وده قليل

الصليب مش سلسله دهب أو وشم ع الدراع
أو صوره بالألوان.....الصليب.....للمؤمن قلاع

الصليب إسلوب حياه يوميه في كل الظروف
نتعلم منه التسامح والغفران لكل الصنوف

الصليب قيامه بعد موت لكل الناس
زي المسيح ما إنتصر ع الموت وداس

الصليب رمز من رموز الإنتصار
قوه وعزيمه.....أبداً.....ماكان عار
الصليب للمسيحي عنوان إفتخار
إجباري لكل مؤمن.....عمره.....ما كان إختيار