بالفيديو- سيدة أسوانية تقتحم موكب السيسي باكية: ''قالولي هيضربوكي بالنار''

"مسئول تصل له صورة مختلفة عن الواقع.. ومعاناة مواطن يريد حقه بالشرف.. ورئيس يحافظ على المرأة المصرية.. والناس "غلابة" وملهيين بأسعار الزيت والسكر.. والبعض يحاول استغلال الموقف.. وفي النهاية الجيش يتدخل لحل الأزمات".. كلمات قليلة لخصت فيها سيدة أسوانية 6 قضايا ترسم بها حال مصر في دقيقة ونص فقط.

استوقفت سيدة أسوانية، الرئيس عبد الفتاح السيسي، أثناء تجوله بأحد شوارع أسوان، على هامش مؤتمر الشباب المنعقد حاليًا بالمحافظة، واحتضنته باكية داعية له: "الله يسترك دنيا وآخرة زي ماجبرت بخاطري، الله عليك ياسيسي قلب المؤمن دليله"، وقالت السيدة إنها أصرت على قطع مسافات طويلة حتى تقابل السيسي: "أنا قولت السيسي هو اللي هيجيبلي حقي".

وأضافت: "قالولي هيضربوكي بالنار، قولتلهم عمر السيسي مايضرب شعبه بالنار، كان قادر يضربني بالنار لكن هو خدني في حضنه"، ليرد عليها الرئيس: "لا إزاي" ويقدم لها المياه لتروي ظمأها.

وأكدت السيدة أنها تعاني من أزمة في ذراعها، وكان المحافظ قد أمر بسفرها إلى الخارج قبل بتره، قائلة: "المحافظ غريب ومفهمينه صورة تانية خالص، وقفتك ليا دي هي الشفا الكامل ليا، انا مش عايزة حاجة، ولا علاج ولا فلوس، حقي بس، عايزة ابقى بني ادمة، عايزة عيالي يبقوا فخورين بيا بالشرف"، ليعقب الرئيس "طبعاً".

وتابعت السيدة: "انت أول رئيس يحافظ على شرف المرأة المصرية علشان كدا قولت لو هموت برصاصة لازم أقابلك، انت اللي شرفتنا، لازم الناس كلها تعرف، الناس هنا غلابة، بيقولوا الزيت والسكر بس بيحبوك، لكن فيه ناس من برا بيجوا يقولوا كلام وحش، لكن قلب المؤمن دليله، وكفاية كدا علشان ماتتعطلش"، ليطلب الرئيس منها الأوراق المتضمنه طلبها لتؤكد له أنها أرسلتها للجيش.