ماجده سيدهم
دكتور لذيذ استنكر طلب الرحمة في وفاة
زميلته وقت مباشرة عملها كطبيبة بسبب اختلاف الدين والملة ..مش مشكلة خالص .. لاحايقدم ولا حايأخر ..
 
* لكن المشكلة بجد أن اللذيذ دا هو نتيجة وحصاد تربية سنين في مستنقع الجهل والخزعبلات والوضاعة والتدمير النفسي لقطاع ضخم من الشعب ..
 
* اللذيذ دا مش فرد ..دا أجيال كاملة المفروض أنها مستقبل مصر .اي والله بيمثلوا المستقبل المنفتح والأمل الوردي ..شوفتوا المستقبل شكله أيه ..؟
 
والألذ أن التخريب العقلي مستمر بكفاءة وبجاحة وتحدي وقوة وتحت حماية ورعاية وإشراف كمان ..مايمنعش نستنكر شوية ..ندين حبتين ..دي أصول الشغل طبعا ..
 
والألذ أكتر أن كل وسائل الدعم والأعلام متوفرة وبلا جهد لانتشار تغييب اغلب الشعب ..والمصيبة ان الكائنات دي فخورة أوي بجهلها .. معتزة أوي بتراث الكراهية ونصوص الجهاد والعداء والفشل والنقص ..بس المهم أوعى تسالم مسيحي ..دا مش كخة وبس .لأ ..دا واجب وفرض عليك يامؤمن تكرهه وتؤذيه وتشمت فيه لو اتأذى أو مات ..
 
يا وجعي عليك يابلد كل دول ميتتين ولسه بيتفسوا . كل دول شباب عواجيز وأبعد مايكونوا عن الإنسانية . كل دول مسؤولين مجرمين في حق البلد ..كل دا مستقبل من غير مستقبل .. 
 
لكن رغم الغمقة دي والعفن دا لازم حاتنضف ومن جذورها ..
.
( الفكر السلفي اللي ودى البلد في ستين داهية )