بقلم: شفيق بطرس
أنا رحت سويسرا يا ناس
حريف وسيد الحُراس
عنها ولبست فانلة
عليها قزازه وكاس
وهيييييييييييييييييييييييييييييييييييه
قلت لأ يا خواجه زخاري
دانا واد فلاح وأراري
إزاي عايزيني كدة أكفر
ولدقني وزبيبتي أداري
وهيييييييييييييييييييييييييييييييييييه
قالولي خلاص يا فصيح
بخاطرك من غير تصريح
هانفسخ عقدك وتروح
ورجع لنا بقى اللحاليح
وهيييييييييييييييييييييييييييييييييييه
رحت جاري على جامع النور
وقابلت الشيخ عبد الشكور
وحكيت له حكايتي وأعيط
يا مولانا السبوبة هاتبور
وهيييييييييييييييييييييييييييييييييييه
قام قاللي وريني الفانلة
وتمتم وقال بسملله
وشمشم فيها بمناخيره
وقالي دي لا قزازة ولا فِله
وهيييييييييييييييييييييييييييييييييييه
وحدف البخور في النار
وفتحلي شوال الأسرار
وقاللي مغفورة لك ذنوبك
بس إرمي كام ألف دولار
وهيييييييييييييييييييييييييييييييييييه
لا عملت خطية ولا عيب
وإنت رياضي وراجل كسييب
ومن كل نُقريرة بفتوى نطلع
بس إحدف اليورو في الجيب
وهيييييييييييييييييييييييييييييييييييه
قُلت يعني يا مولانا أنا تمام
كده هاقدر أعيش في سلام
قال عيب ياعصام ياولدى
إنت غير آثم مش عايزه كلام
وهيييييييييييييييييييييييييييييييييييه
خدوا بالكم بقى يا مصريين
الحضري أخوكم حريف ورزين
آهو أنا سافرت سويسرا
وعقلي لسة جالوصين طين
وهيييييييييييييييييييييييييييييييييييه
وعملت منظر عشان تهللولي
وزي أبو تريكة مقام تعملولي
وتسموني الشيخ الحضري
وعلى اسمي زاوية في الأهلي تبنولي
وهيييييييييييييييييييييييييييييييييييه
أنا كده حبيب الوهابية
ومشرف شيوخ الدمياطية
وألعن أبو ساس سيون
واليورو يلعب في أيديه
وهيييييييييييييييييييييييييييييييييييه
ناخد فلوس خواجات كفار
وندعي عليهم يتحرقوا في النار
والندل ندل لو فطروني أوملييت
واتغدى استيك والعشا كافيار
وهيييييييييييييييييييييييييييييييييييه
كده الخواجه يعرف مقامي ويقدر
وأنا مؤمن يعمللي حساب ويحزر
وزي ما قالو يابا علمني الهيافة
قال تعالى في الفارغة واتصدر
وهيييييييييييييييييييييييييييييييييييه
ومليون خيبة عليكم يا اولاد الإييييييييييييييييييييه

«الأقباط متحدون»