CET 15:31:16 - 16/12/2009

أخبار وتقارير من مراسلينا

شخص (طيّر)3حمامات لخداع المسيحين..فتجمدت الحمامات الثلاث
كتب: مايكل فارس - خاص الأقباط متحدون

ظهرت السيدة العذراء مجددًا فجر الثلاثاء في تمام الثانية فجرًا متجلية بشخصها كاملاً بصحبة 8 ملائكة ساجدين لها علي السحاب في شكل نوراني في السحاب، وهذا المشهد استمر 3 ساعات متواصلة حيث ملأت الأنوار السماء وكان خيال بشر نوراني للسيدة العذراء.السيده العذراء تظهر مجددًا وتصنع معجزات
 وقد شاهدها مايقرب من 200 ألف علي حسب رؤية شاهد العيان "ريمون عادل" خادم الكنيسة الذي صرح لـ "الأقباط متحدون" بالمعجزات التي صاحبت مشهد التجلي وأولها أن السيدة العذراء شفت سيدة عمياء وصرخت السيدة أنها عادت تري من جديد.

وظهرت لفتاة صغيرة عمرها 14 سنة حيث قالت الطفلة "نفسي أشوف ماما العذارء" وفعلا رأتها الفتاة وقالت بعد رؤيتها علي المناره"انا شفت ماما العذراء وبتشاورلي باي باي" وصرخت سيدة مسلمة بصوتٍ عالٍ "هي دي ستنا مريم" وظلت تزغرد من الفرحة.
وكان هناك من يريد أن يُكذّب الظهور، حيث قامت مجموعة من الشبان بتطيّر ثلاث حمامات فوق الكنيسة ولأنها ليست حمامات نورانية وليست هي بالسيده العذراء، حدثت معجزة أخري حيث تجمدت الثلاث حمامات علي منارات الكنيسة حتي كتابة هذة الكلمات (وسننشر صورها).

وأضاف ريمون أن الأنبا دوماديوس مطران الجيزة أكد عند قدومه للمطرانية أن الظهور سماوي حقيقي مؤكدًا أن المطرانية في انتظار قداسة البابا شنودة لأخذ وتوثيق الظهورات وتسيجلاتها لبثها علي قناه أغابي القبطية الأرثوذكسية.
ومن ضمن المعجزات  ظهور سرب حمام نوراني فجر الاثنين علي هيئة صليب فوق الكنيسة ( وسنرسل لقراء "الأقباط متحدون" الصور كاملة عن قريب)
وأضاف أن هناك عشرات من إيطاليا وأمريكا وكندا قد اتصلوا بالقمص داود ابراهيم راعي كنيسة السيدة العذراء والملاك ميخائيل بالوراق عندما سمعوا بالظهورات وقد حجزوا علي أقرب ميعاد للطيران لأخذ بركة السيدة العذراء.

شارك بآرائك وتعليقاتك ومناقشاتك في جروبنا على الفيس بوك أنقر هنا
أعرف مزيد من الأخبار فور حدوثها واشترك معانا في تويتر أنقر هنا
  قيم الموضوع:          
 

تقييم الموضوع: الأصوات المشاركة فى التقييم: ٥٢ صوت عدد التعليقات: ٦٥ تعليق

التعليقات
الآراء الواردة في التعليقات تعبر عن آراء أصحابها
٦٥-الناس شرآآنة 2011-12-12 19:00:16
sona
هى السيدة العذراء سايبة مسيحين العالم ومشاكلهم وطلعت لينا احنا على اية بلا خيبةو حلوة الحمام اللى اتحجر( جديدة) ياناس كفاكم احلام يقظة لقد انضى عهد المعجزات ربنا يهدى الناس الى العقلو يبعد عنهم الخيال
أبلغ عن مشاركة غير لائقة
٦٤-كيف اعتنق الديانة المسيحية 2011-03-28 23:09:58
amgeed ks th
هل توجد طريقة للدخول في الديانة المسيحية
أبلغ عن مشاركة غير لائقة
٦٣-TO // TALEEK # 55 with name MOUSLEM 2009-12-23 09:07:42
NOOR
سلام / السيد المسيح (له كل المجد ) لك / يا أخي مسلم
قرأت تعليقك الذي يحتوي علي مجموعه رائعه من الأسئله واحاول الرد عليها ،
والرب قادر أن يزيل حيرتك . أمين.
أولا / قبل الاجابه لابد أن تعرف ماهو( السيد المسيح ) وماهي ( القديسه/العذراء مريم ) في عقيدتنا المسيحيه .
- لفظ ( السيد) و-(الرب ) هما من أسماء الله .
أنت توئمن ياخي مسلم بأن السيد المسيح له كل المجد هو ( كلمة الله ) وهذا اللفظ لم يطلق علي أي نبي من الأنبياء ولا علي أي ملاك في السماء .

- نحن نوئمن أيضا أن السيد المسيح له كل المجد هو كلمة الله ذاته .
لكن ماذا يقول الكتاب المقدس عن النبي موسي ؟ يقول الكتاب المقدس أنه ( كليم الله )
أي يتكلم مع الله .
اذا ماهو الفرق بين (كلمة الله ) و( كليم الله )؟
كليم الله / أي يتكلم مع الله ..... بينما كلمة الله هو فكر الله الذي يخرج من ذاته أي (من الذات الالهيه ) أعطيك مثلا ياخي مسلم .( حينما تتكلم أنت في احدي القنوات fy الفضائيه في مصر ونسمعك في أمريكا ) .... (س ) من أين خرج فكرك وكلامك لنا ؟ أكيد ستجاوب وتقول فكرك خرج من عقلك . رائع . وذلك لانك لو بحثت ما
معني الكلمه في الأصل اليوناني .. ستجد معناها (النطق العاقل أو العقل الناطق)

بما أن مفهوم (الكلمه) يعني (العقل الناطق ).
(س) هل يستطيع أن ينفصل عقلك أي كلمتك عن ذاتك وجسدك ؟ .. أكيد ستجاوب وتقول مستحيل . طبعا مستحيل
(س) هل أنت + كلمتك = شخصين أم شخص واحد ؟
أكيد ستجيب وتقول انكما شخص واحد ...... رائع
(س). ( هل كلمة الله ينفصل عنه ) ؟ ... أكيد ستجاوب وتقول لا لا لا مستحيل . رائع يا أخي مسلم .

(س) هل الله (جل جلاله) + كلمته = اثنين أم واحد ؟ أكيد ستجاوب وتقول
واحد ..... رائع يامسلم .
(س ) من هو كلمة الله ؟ ستقول هو السيد المسيح له كل المجد . رائع

اذا من خلال ماتقدم عاليه يا أخي مسلم عرفت لماذا نقول علي السيد المسيح له كل المجد هو الأله المتجسد .
الكتاب المقدس ذكر لنا أن الله ملأ السماوات والارض ولا يستطيع انسان أن يري الله . ولا يري كلمته ولا يري روحه ... ولكن من أجل محبة الله لخليقته ، وبعد عصيان أبونا آدم وامنا حواء لكلام الله (له كل المجد ) واغواهما الشيطان واخرجهما من الجنه . وهبطا ألي الأرض فحدث انفصال بين الله وبين خليقته نتيجة الخطيه . وورثنا الخطيه كلنا من أبينا آدم وامنا حواء . ولكن الله له كل المجد وعدنا بانه سيخلصنا ويفدينا . ومحور الكتاب المقدس كله ( التوراه والانجيل) هو خلاص الله للبشريه . ويوجد ٣٣٠ ( نبوه) عن تجسد كلمة الله في الكتاب المقدس تمت كلها في العهد الجديد بتجسد السيد المسيح له كل المجد . لان الفادي لابد أن يكون انسان كامل خالي من الخطيه . وانت عرفت ألان أن جميع البشر وارثين الخطيه من أبونا آدم وامنا حواء . من أجل ذلك أخذ كلمة الله جسدا من القديسه/ العذراء مريم واستخدم الله هذا الجسد لخلاص البشريه كلها بموت هذا الجسد علي الصليب فداء وكفاره عن العالم كله ويقول الكتاب المقدس ( هكذا أحب الله العالم حتي بذل ابنه الوحيد علي خشبة الصليب لكي لا يهلك كل من يوئمن به بل تكون له الحياة الأبديه )

والآن هل عرفت محبة الله لخليقته ما هو مقدارها ؟ الله جسد كلمته علي الأرض ليخلصنا ويفدينا وبموت السيد المسيح بالجسد فقط نقلنا من الهلاك ألي الحياة الأبديه .

فالسيد المسيح له كل المجد حينما تجسد كان اله كامل وانسان كامل خالي من الخطيه . فكان بلاهوته يصنع المعجزات ،يقيم الموتي ، يخلق عيون للعمي ، يامر الشياطين فتخرج من المرضي ، يخلق طعام لاشباع الجموع ، يامر العاصفه والبحر فيطيعه ويهداء ، ( طبعا لانه هو خالقها ) وانت عرفت ألان أن الله له كل المجد وكلمته هما واحد ونحن نقول ( باسم الآب والابن والروح القدس الأله الواحد آمين )
( والابن هنا معناها الكلمه المساوي لله ) وتم شرحه عاليه.

( ولذلك نسمي القديسه/ العذراء مريم بأم الأله ) لانه تجسد منها كلمة الله .
هل عرفت الآن ياخي مسلم علاقتنا بالسيده / العذراء ؟

ارجوا لكي تفهم أكثر تقرا انجيل يوحنا الأصحاح ١ و-١٤ ، وانجيل لوقا الاصحاح ١, ٢ و انجيل متي الأصحاح ٥, ٦, ٧ واقرا معجزات السيد المسيح له كل المجد في انجيل مرقص ؛ واخر اصحاح في العهد الجديد . بصراحه أنت لو بدات قرائه في الكتاب المقدس مش حتسيبه ألا لما تخلصه . والرب معك .
والآن أحاول الاجابه علي أسالتك :-
١- هل هناك مدلول معين من هذا الظهور؟

(ج) ا - أنت تعلم ياخي مسلم أن الله يعلم كل شيء في السماء وعلي الأرض وتعلم العذاب الذي يتعرض له المسحيين هذه الأيام من خطف البنات وادخالهم في الأسلام بعد اغتصابهم ، وتعلم ما حدث في ديروط وفرشوط من سرقه ونهب وسلب بيوت ومتاجر المسيحيين باسم الأسلام ولا حياة لمن تنادي من الحكومه ورجال الآمن ، علاوه علي التعصب الأعمي في مجالات الحياة المختلفه . وعدم بناء الكنائس بحجة اننا كفار في نظرهم حسب المعلومات التي تلقنوها واطربوا عليها . ومن أجل ذلك كنا نحن المسيحيين نرفع صلوات مستمره لالهنا خالق السماء والارض أن يرحمنا من هذا العذاب وينور قلوب الذين فعلوا بنا هذا الشر ويهديهم لانفسهم .
طبعا هذه الصلوات بناء علي وصية الرب يسوع لنا في كتابه المقدس ( أحبوا اعدائكم باركوا لاعنيكم احسنوا ألي مبغضيكم وصلوا من أجل الذين يسيئون اليكم ويطردونكم )
وقال لنا أيضا ( أنتم تصمتون والرب يدافع عنكم لي النقمه أنا أجازي . يقول الرب) فمن أجل هذه الوصايا العظيمه من الرب لا نملك سوي الصلاة في ديقاتنا .
والرب استجاب لصلواتنا وارسل لنا أمنا العذراء ... لتقول لنا الرب معكم لاتقلقوا وبالفعل مجيئها أدخل فرحه في كل القلوب سواء مسيحيين أو مسلمين .
المدلول الثاني : ظهور القديسه/ العذراء مريم علي منارة كنيسة الله الأرسوثكسيه هذا يدل علي محبة الله لهذه الكنيسه ورضاه عن العباده التي ترفع اليه من جماعة المومنين داخل هذه الكنائس من صلاة وصوم واسرار مقدسه وقراءه في الكتاب المقدس وفهمهم الصحيح لكلام الكتاب المقدس .

المدلول الثالث : لا تنسي ياخي مسلم الكتاب الذي كتبه الدكتور / محمد عماره الذي كتب فيه أن الكتاب المقدس محرف واستهزأ بكتاب الله . فاراد الله بمحبته ولطفه أن يريه أيه من السماء معجزه الآهيه . حينما تضرعت ألي الرب يسوع الأخت كوكب الانسانه الكفيفه بشفاعة أمنا العذراء استجاب لها الرب فورا ونالت نعمة الشفاء . لكي يستنير قلب وعينان الدكتور عماره ويتأكد أن أله الكتاب المقدس هو الأله ألحق الساهر علي كلمته نهارا وليلا . هو الذي قال( السماء والارض تزولان ولا يزول كلمه واحده أو حرف واحد من كلامي .أمين ) لعله يندم علي ما فعل ويعرف طريق الله . مثل شاول الطرسوسي الذي كان أكبر معذب للمسيحيين . وصار القديس بولس الرسول أكبر كارز للرب يسوع .
أحب أعرفك يا أخي مسلم الآهنا هو الذي يدافع عن نفسه ولا يحتاج أحد يدافع عنه . ولم يقول لنا أن نجاهد أي نحارب في سبيله ، بل قال لنا ( ألقي علي الرب همك وهو يعولك . وقال أيضا . تعالوا ألي يا جميع المتعبين وثقيلي الأحمال وانا أريحكم ) حقا الكتاب المقدس مملوء بوعود الرب الرائعه للمومن . شكرا وحمدا للرب الهنا .

(س ٢ ) هل هناك دليل في الكتاب المقدس يوئيد هذا الظهور؟
(ج ٢ ) ذكر الكتاب المقدس أن كثير من القديسين قاموا من الموت و ذلك أثناء صلب المسيح اقرا قصة الصلب في الكتاب المقدس ، وفي أثناء تجلي السيد المسيح علي الجبل زه معه النبي موسي ، والنبي ايليا علما بانهما ماتا منذ آلاف السنين .


(س ٣) لماذا لم تم هذه الظهورات في القرون السابقه؟
(ج ٣ ) تمت ظهورات كثيره جدا موئيده بالمعجزات الخارقه موجوده في كتب مثل كتاب ٤٠ معجزه للسيده / العذراء + كتب أخري كثيره تجدها في المكتبات المسيحيه أو تستعين باحد زملائك للحصول عليها . شوف فيديو معجزة الأخت ساميه من كنيسة بور سعيد الرب أرسل لها العذراء مريم وثلاثه من القديسين عملوا لها عمليت استصال سرطان .
(٤ ) أنا جاوبت علي السوال alrab4 عاليه .
(٥س ) في بيت لحم وفي عيد القيامه يظهر سنويا نور الرب يسوع وينور كل الشموع . وكمان الرب يسوع ظهر وبيظهر لناس كثيره جدا وامنوا به الله ومخلص لهم مثل الأخت / ناهد متوللي ناظرة مدرسة الزتون الثانويه ، واحمد اباظه أبن أخو رشدي اباظه
٦ - كل الطوائف تومن بالظهور اللاهي والمعجزات ماعدا البروتستنت ولكن بعد هذا الظهور آمنت بعض من الكنائس منهم بهذا العمل الآلهي . شكرا للرب .
٧- بعض القنوات تكلمت عن هذا الظهور.
ارجوا منك ياخي المسلم طبع هذا التعليق أو نقله وادرسه بهدوء وشكرا
أبلغ عن مشاركة غير لائقة
٦٢-تصوير جيدددددددددددددددد 2009-12-23 00:18:42
جورج سامي
نرجو من اي شخص مسيحي او مسلم من الذين يمتلكون وسائل تصوير حديثه تمكنا من تصوير العذراء بصوره رائعه
أبلغ عن مشاركة غير لائقة
٦١-نعظمك يا ام النور 2009-12-19 23:27:46
samir awad
نعظمك يا ام النور مع اقتراب سبت النور
أبلغ عن مشاركة غير لائقة
٦٠-st Mary message 2009-12-19 10:10:28
sueher
think st mary appearnce is not only for the believers but also for the non , pray to her to open the blind eyes and hearts. AMEN
أبلغ عن مشاركة غير لائقة
٥٩-طوباااااااااااك يا عدراء يا بتول 2009-12-18 20:36:47
بنت المسيح
هوذا منذ الآن جميع الأجيال تطوبنى
أبلغ عن مشاركة غير لائقة
٥٨-طوباااااااااااك يا عدراء يا بتول 2009-12-18 20:35:52
بنت المسيح
هوذا منذ الآن جميع الأجيال تطوبنى
أبلغ عن مشاركة غير لائقة
٥٧-يغير ولا يتغير 2009-12-18 18:47:16
نانا
الله قادر ان يفتح عيون العميان وعيون عميان القلوب ايضا بشفاعه امنا السيده العذراء وصلوتها وظهوراتها رغم انف المتعصبين
أبلغ عن مشاركة غير لائقة
٥٦-(klam el Engel ( The Bible 2009-12-18 18:32:24
zozo
تَسْمَعُونَ سَمْعًا وَلاَ تَفْهَمُونَ، وَمُبْصِرِينَ تُبْصِرُونَ وَلاَ تَنْظُرُونَ.
أبلغ عن مشاركة غير لائقة
٥٥-اجيبونى 2009-12-17 20:18:17
مسلم
اولا كمسلم فانا وكل المسلمين نجل ونقدر ونعظم امنا وسيدتنا السيده مريم العذراء ام المسيح عليهما افضل الصلاة واتم السلام واسالتى هذه ليس طعنا فيها حاش لله ولكن للتوضيح
1 هل هناك مدلول معين على هذا الظهور؟
٢ هل هناك دليل فى الكتاب المقدس يؤيد هذا الظهور؟
3 لماذا لم تتم هذه الظهورات فى القرون المتقدمه؟( مر اكثر من 20قرن)
٤هل هناك قداسه خاصه لتلك الاماكن التى يتم فيها الظهور؟
٥ لماذا لم يتم الظهور فى بيت لحم وهو من اقدس الاماكن ؟
٦هل كل الطوائف المسيحيه تؤمن بتلك الظاهره ام ان هناك طوائف تنكرها؟
٧ لماذا لم تتكلم عندما ظهرت حتى تبين للناس سبب ظهورها؟
٨ المسيحيون دائما يتحدثوا عن الروحانيه وان اساس دينهم مبنى على ذلك اوليست تلك الظهورات من الماديات الحسيه التى لا تحتاجها المسيحيه؟
٩اليست معظم وكالات الانباء فى شوق لاخبار اقل اهميه من تلك الظاهره والتى استمرت لاكثر من3 ساعات الم يكن اجدر بكم ان يتم تصويرها باحترافيه وتقنيه عاليه وارسالها لتلك الوكالات حتى يتم نشرها ؟
١٠لماذا لم يظهر المسيح كذلك ؟
ارجو الرد حتى يزول حيرتى
أبلغ عن مشاركة غير لائقة
٥٤-امنا مريم 2009-12-17 19:50:45
shady_mm
بركة ظهورك ياامنا يا عذراء وبركة صلواتك لنا وتشفعاتك لنا امام الرب يسوع المسيح
أبلغ عن مشاركة غير لائقة
٥٣-طوباكى يامريم 2009-12-17 19:30:27
حسنى دانيال المحامى
المخلص ده ابنى

أسمى مريم .. عذراء .. فتاة فقيرة ومتواضعة
بأحب إلهى من كل قلبى .. راضية وفرحانة ولوصاياه خاضعة
كنت مخطوبة ليوسف، من بيت الملك داود.. رجل بار
وكان نجار ماهر وصاحب صنعة
كنا عايشين فى الناصرة ..
مدينة فى الجليل سيرتها ذايعة

وفى يوم من الأيام وأنا بأشتغل فى البيت ومشغولة
وقف قدامى ملاك شكله جميل وإسمه جبرائيل وقاللى اعجب قولة
وبعد ماقاللى سلام، نطق بأعجب وأغرب كلام سمعته أذان إنسان
\"أيتها المنعم عليها، الرب معك، مباركة أنت فى النساء\"
أنا سمعت الكلام ده وإضطربت وفكرت ياترى إيه معنى التحية
هدانى وقاللى ما تخافيش، ده إنت وجدت نعمة عند الله، وزيك مفيش
\"ها أنت ستحبلين وتلدين إبناً وتسمينه \"يسوع\" يعنى المخلص
هذا يكون عظيماً وإبن العلى يدعى ويعطيه الرب ملك داود
ويملك على بيت يعقوب إلى الأبد ولايكون لملكه نهاية أو حدود\"!!
كلام عجيب !! وقلت للملاك: كيف يكون هذا؟! إزاى وإمتى ولماذا؟!!!
أنا لسه مخطوبة! لسه ما تمتش الجوازة! إزاى أولد ولد من غير جواز؟!!!
رد الملاك بسرعة وحاول يضيع حيرتى
على أسئلتى إللى مش لاقيالها عندى إجابة
وقاللى:
\"الروح القدس يحل عليكى
وقوة العلى تظللك
لذلك
القدوس المولود منك يدعى
إبن الله

أليصابات نسيبتك هى كمان ها تولد رغم إنها عاقر!!
يا مريم ليس شئ غير ممكن عند الله القدير القادر\"!!!

مالقيتش كلام أقوله غير الكلام إللى لازم أقوله
\"أنا أمة الرب ليكن لى كقوله\"..

ومضى الملاك،
لكن قعدت أنا أفكر بكلامه وطول الوقت كنت مشغولة

وبعد كام يوم، رحت لنسيبتى أليصابات وألقيت عليها بالسلام
فإمتلأت هى من الروح القدس وإرتكض الجنين فى بطنها من بعد كلمة \"سلام\"
باركتنى أليصابات وباركتها وباركت ثمرة بطنى وقالت إنى أم ربها
لما صار صوت سلامى فى ودنها ابتهج وارتكض الجنين فى بطنها

أما أنا وقصاد الفرح ده كله لقيتني باعظم الهي وأرنم واقوله:

\"تعظم نفسي الرب. تبتهج روحي بالهي علطول. نظر لاتضاع أمته
وعمله معايا مش معقول!! منذ الآن جميع الأجيال تطوبني
لأن القدير صنع بي عظائم واسمه القدوس. والقدوس هايتولد مني
هايبقي اسمه يسوع يعني المخلص.. يعني المخلص ابني!!
هايخلص شعبه من خطاياهم وهايخلص كل الشعوب

في بيت لحم ولدت يسوع ابني البكر
وان كان في مزود وضيع , أخدت الرضيع فى حضني
و يوسف كان بيه فرحان و كان بيعامله زي إبنه ولو إنه مش إبنه،
أصل الروح القدس قاله الحقيقه و فهمه الموضوع
و إيه اللى حصل و مين هو يسوع
و احنا فى المذود و بعد ما ولدت الطفل و قمطته ووضعته في المهد
دخل علينا رعاة سجدوا قدامه و قالوا:
السماء قالت لنا عن رب المجد
إنه فى المذود مولود
هناك إبن داود
والعلامة ليكم طفل مقمط فى المذود موجود
و سمعنا صوت من السما, الملايكة فرحانة بتسبح بالغنا

\"المجد لله فى الأعالى و على الأرض السلام و بالناس المسرة \"




و فى وقت سجود الرعاة لقينا داخل علينا كمان من بعيد
مجوس من المشرق دلهم علينا نجم اشرق من السماء و كان لهم دليل
أنا اتعجبت من اللى حصل قدامى و بان ,
لما فتحوا كنوزهم و قدموا ليسوع
ذهب و مر و لبان
وإيه كانوا اللى يقصدوه و إيه كان المعنى
الذهب بيتقدم للملوك
و المر و اللبان بيتقدم للكاهن,
هو يسوع ملك ؟!!!
هو يسوع كاهن . طب ازاي أنا مش فاهمة !
الأفكار كتيرة و ذهنى بيها مشغول
و اللى بيحصل ده كله لازم يحير احسن العقول!!

رحت أنا ويوسف فى اليوم الثامن للهيكل لأجل نقدم للرب الولد
و هناك كانت حنة النبية
وكان هناك سمعان، سمعان الشيخ, راجل عجوز و بقاله زمان
شافنى سمعان و شاف الولد
و كان تقى و بار و لتعزية اسرائيل كان فى انتظار
سمعان أوحى له الروح انه مش هايموت قبل ما يشوف المسيح .
و راح واخد الولد من بين ايدى و سمعناه أنا و يوسف بيقول:
\"الاَن تطلق عبدك يا سيد بسلام , لأن عينىَ قد ابصرتا خلاصك
خلاصك لكل الشعوب و نور لكل الأمم , نور لكل الشعوب\"
أنا و يوسف اتعجبنا من اللى قاله,
ده نفس الكلام اللي قبل كده سمعناه
الملاك جبرائيل قالهولى والروح ليوسف قاله،
هو نفسه ذات الكلام
اللى دلوقت بيقوله الشيخ سمعان..
الأمر فعلاً عجيب!!!
والأعجب كمان، لما بص ناحيتى وقاللى:
إن يسوع ها يتسبب فى قيام وسقوط كثيرين
فى إسرائيل، وقال كلمة ما فهمتهاش وقتها، قال: ولعلامة تقاوم.. ولعلامة تقاوم..!!
وإنت يجوز فى نفسك سيف.. وإنت يجوز فى نفسك سيف..!!
ياترى إيه هى العلامة؟! و إيه هو السيف؟! .... أنا مش فاهمة

هو كلام سلام ولا كلام مخيف؟!!!
الفكر إنشغل والقلب رهيف.. عايزة أفهم المضمون والمعنى..
النبوة قالت فى إشعيا إسمه عمانوئيل .. الله معنا..
وأنا فهمت إنه بيسوع صار الله معنا!!

كبر يسوع فى وسطينا، فرحانين بيه وكان مطيع لينا
واعى وناصح وحكيم، حنين و ذكى ولا كان فى يوم لئيم
ما افتكرش فى يوم عصانى، ولا زعل يوسف منه
هادى و راضى ولا تسمع فى الشوارع صوته
وكان يحب الرب و كلامه، يلهج فيه يردده،
وبالكلام كان بيشدد الضعيف ويعضده

وفى وقت العيد رحنا الهيكل إحنا التلاته، يوسف وأنا وهو
وهناك إنشغلنا بالعبادة، يوسف وأنا ..لكن ..يسوع.. فين هو؟!!
دورنا عليه وتعبنا كتير، سألنا أصحابه والقرايب والمعارف..فين هو؟!!
وبعد تلات أيام لقيناه فى الهيكل وسط المعلمين يسمع ويسألوه و يسألهم
إجاباته كانت عجيبة، حكمة بزيادة، و اتعجب منها الكهنة والعبيد و السادة

كان يسوع رائع ، شكله جميل، طويل،
مليان حكمة ونعمة ، حنين ومليان إحساس
مش فى عينينا إحنا بس
ده كان عند الله وكمان عند الناس!!

ولما تم سنه ثلاثين، خرج للبرية،
راح ناحية يوحنا المعمدان، إبن اليصابات و زكريا
راح علشان يتعمد، زى ما ناس كتير كانت بتعمل
ويوحنا شاف هناك مشهد عجيب، حكى عنه وقال:
لقيت السما إنفتحت والروح القدس زى حمامة وقفت عليه
ما كنتش فاهم المشهد ده إيه؟وكمان سمعت صوت من السما بيقول:
\"أنت إبنى الحبيب بك سررت\"
الصوت ده من السما
ده صوت الله، يعنى يسوع .. يسوع إبن الله!! يسوع إبن الله...!!


ومن الأردن رجع يسوع ممتلئ من الروح القدس اللى كان بيقوده
اربعين يوم لا أكل فيها ولا شرب, صام اربعين يوم، ولكنه فى الاَخر جاع
حاربه ابليس و جه يجربه و حاول يخليه زي بني اَدم مغلوب
لكن يسوع, آدم الأخير، الإنسان الجديد, رد عليه
و هزمه باللى قاله الله فى المكتوب
و رجع من هناك للجليل بقوة الروح
و راح يعلم كل يوم سبت فى المجامع
كلامه جميل, شد اليه الجميع
و كان الجميع لكلامه سامع
كان يصنع الخير للكل لا يهدأ و لا يرتاح,
يشفى المرضى و يشفى العمى و يضمد الجراح
الأعرج على رجليه قومه يمشى, المفلوج شال سريره و تم شفاه
حتى الميت قام, حتي الميت قام !!
مجد الرب اتعظم
وتسبيحه صار على كل شفاه
علمهم كلام السما, قادهم للنور من بعد العمى
طول النهار كان يشتغل و يعمل فى وسطيهم,
والليل كان يقضيه فى الصلاة

جمع تلاميذه حواليه، اثنا عشر واحد كانوا ماشيين معاه,
ده غير الألوف والألوف اللى كانت وراه

الكلام ده أغضب أصحاب السلطان الكتبة و الفريسيين و الكهان,
يسوع
أثبت ان تعليمهم ده مالوش تأثير,
الناس زى ما هى من مئات السنين من غير تغيير
تعليم يسوع
غير تعليمهم , تعليم محبة هم مش عارفينها , فاكرينها للقريب و بس
و يا ريت حتى هى كده بينهم، قالهم تحبوا الأعداء، تحبوا الكل
محبة الله
محبة تبذل , محبة تعطى و لا تطلب ما لنفسها,
محبة كنت بشوفها فى يسوع وهو بيتعامل معايا و مع يوسف
و بالحقيقة , كان بيتعامل بيها مع كل الناس,

كان الحب عنده فعل مش بس كلام أو إحساس .
أو كلام مالوش اساس,
كان الحب عنده فعل, فعل يقدر يوصل حتي نهايته.
فعل عجيب ماتعودش عليه الناس,
إللى كانت حتى مش قادرة تحب إللى بيحبها،
ولا حتى قادرة تدى إللى بيدى.
محبة الناس محبة زايفة مزورة،
علشان كده حياتهم كانت ضلمة مش منورة
أما يسوع
فكان نور الناس، نور العالم،
نور ينور وسط الظلام
علشان كده كان من البعض مكروه،
مبغض، محبته ليهم ماكانش ليها مردود
كان قلبهم ناحيته قلب حسود،
عايزين يتخلصوا منه، وهو إللى جاى يخلصهم!!
مساكين، مش فاهمين، عميان وهم مفتحين،
طرشان وليهم ودنين!!

عملوا خطة للخلاص من يسوع المخلص، مفارقة عجيبة!!
أمور الإنسان غريبة،
غرقان وفى وسطس بحر الخطية بيصرخ على إللى ينجيه،
ولما المخلص يأتيه، عايز يفنيه!!!!
رسموا الخطة وجهزوها،إشتروا واحد من تلاميذه إسمه يهوذا،
علشان يبيع لهم يسوع!!
بثمن رخيص باعه، رغم إنه الصاحب بتاعه،
لكن دخله الشيطان وسلمه ليهم،
وكان يسوع بيصلى فى البستان!!

ساقوه للمحاكمة ووقفوه قدامهم يدينوه ويحاكموا،
ومش عارفين إن المشهد ده مقلوب،
الطالب صار مطلوب،
الغالب القادر صار مغلوب،


حكموا عليه لازم يموت مصلوب،
مصلوب على الصليب !!
أيوه الصليب!!!
أيوه..
إفتكرت العلامة..
سمعان الشيخ..
يسوع ها يموت على الصليب..
الصليب العلامة
وهو كمان السيف..
شئ مخيف!!!
سألت نفسى وفكرت أنا الأم المكلومة،
أنا الأم اللى ابنها بيموت قدامها أنا المطوبة هل بقيت مظلومة ؟!
الرسالة من الأول ماكنتش مفهومة حتى وان كانت معلومة .
أنا أم المخلص ..
والمخلص ده إبنى .
خضعت ورضيت لمشيئة الله
لأن ابنى هو كمان المخلص لى ،
لولا موته على الصليب اللى قدمه بحب عجيب
ماكنش ليك خلاص ولا ليَ
ماكناش هنقدر ندفع القصاص
وهو دفعه عنى وعنك ومات هو
وخلصنى بالصليب العلامه والسيف
اللى جاز فى نفسى وخلصنى
والمخلص ده إبنى.
شعر
حسنى ابراهيم دانيال
المحامى

















أبلغ عن مشاركة غير لائقة
٥٢-استفسار 2009-12-17 17:00:14
طبوش
هناك طرق عديدة لإثبات صدق المعتقد ولا يوجد داعي لاستخدام هذه الأساليب المتخلفة فنحن في عام ٢٠١٠ وهذه الخرافات مضى عليها ما مضى ولو قام أحد الموجودين بإضاءة كشاف باتجاه النور الظاهر فوق الكنيسة فإن التجربة ستفشل .
أبلغ عن مشاركة غير لائقة
٥١-يا ريت الكل يصدق 2009-12-17 14:23:44
مايكل نبيل
يا ريت بعد اللي حصل ده محدش يكذب ويقول ان ده ليزر والعذراء ام النور زهرت اكثر من مره دا حت الامن اكد الحكايه دي ياريت كلنا نامن والمجد لله دائما. امين
أبلغ عن مشاركة غير لائقة
٥٠-المجد لك يارب ........... 2009-12-17 12:52:48
سودانى من أصل مصرى
ظهور أمنا الطاهرة البتول فيه تعزيه ..... ومعونه .............. وبركه لأقباط مصر
وللعابرين نحو المسيحية ............. وهذا الظهور العلنى والذى شاهده المسيحيون
والمسلمون معا .... يعتبر رساله للشعب المصرى ......... تفيد بضرورة ألصبر ألى المنتهى بمعنى :
((أصبروا ألى أن ينتهى ليل الظلم ..... لأن شروق نور المسيح ومجده قد صار قريبا
منكم )) .
والشكر لربنا يسوع وأمه العذراء البتول ..... والشكر لأمنا العذراء لمساندتها القوية
لنا ........... والمجد لله دائما أبديا ..... آمين .
أبلغ عن مشاركة غير لائقة
٤٩-الست العدرا منوره 2009-12-17 11:38:02
بنت العذراء
الي اللي اسمها مني الشاذلي وامثالها
انشاءالله الست العدرا مش ها تسيبك في جهلك وعماكي ولكن ها يجي اليوم اللي انت اول واحده ها تعلنى باعلي صوتك ان ظهور ستك العدرا حقيقي
شفاعتك ياستي ياعدرا
أبلغ عن مشاركة غير لائقة
٤٨-شكرا 2009-12-17 10:35:38
magad aead
ربنا يبارك خدمتكوا ويعوضكوا خير على المجهود اللى بتعملوة ربنا يباركوا بجد
أبلغ عن مشاركة غير لائقة
٤٧- ليتهم يرجعو للارشيف جريده الاهرام ولا الاخبار ولا الجمهوريه 2009-12-17 10:26:53
carma_3
-الى كل من يكذب الظهور 2009-12-16 17:03:28
أيمن تعليق 11
فقد تمت فيهم نبوة اشعياء القائلة تسمعون سمعا و لا تفهمون و مبصرين تبصرون و لا تنظرون* لان قلب هذا الشعب قد غلظ و اذانهم قد ثقل سماعها و غمضوا عيونهم لئلا يبصروا بعيونهم و يسمعوا باذانهم و يفهموا بقلوبهم و يرجعوا فاشفيهم*+ حقا لقد ظهرت امنا العظيمه ام النورسنه1968 وراها جمال عبد الناصر وحسبن الشافعي وكتبت عنها كل الجرائد المصريه والاجنبيه والان ينكرون هذا الحدث ليتهم يرجعو للارشيف جريده الاهرام ولا الاخبار ولا الجمهوريه
أبلغ عن مشاركة غير لائقة
٤٦-اسمعي لي يا عدرا ، انا واثق انك ساعدتيني كتير خليك معايا علي طول 2009-12-17 09:51:10
ميلاد
يا ام النور، يا ام المسيح،
انا نفسي اشوفك انا كمان، بس انا مش في مصر نفسي اشوفك انا كمان ياما تظهري لي لما اوصل مصر عل العيد، عايز كمان ايديك تعمل في امور كتيره يا عدرا ، انتي عارفاها ، جزء منها يخص زوجتي و جزء يخصني، انت مايصعبش عليك شئ يا طاهره، و لو في خطيه تعوق رؤيتي ليكي صلي من اجلي
شكرا ليكي و للمسيح اللي اعطاك انكي تساعدي اولاد،
ابنك ميلاد

أبلغ عن مشاركة غير لائقة
٤٥-جواب 2009-12-17 05:22:32
طونى
ام النور حتبقى تظهر علشان تحمى اولادها و كمان اتضم الى مش عايز يؤمن بها
أبلغ عن مشاركة غير لائقة
٤٤-المشاهدة والاستنتاج 2009-12-17 01:50:28
ادوارد يوسف
واللاهى انا شايف ان منى الشاذلى ليها حق .. بعض الناس أبتدائت يجلها جنان والبعض مهووس وبيهلوس وناس محبطة واخرى يهيؤ لهم ..ناس تقول تفريغ كهربى وناس ليزر وناس اشعة الهوموغراف وأخرى شبة لهم ..عايزين تضحكو واحد بيقول ان الشيطان ممكن يظهر على صورة ملاك ..طب ولية فوق الكنيسة ? انا شايف ان ظهور السيدة العذراء خلت الشياطين تفقد صوابها ودة سبب الهلوسة والاحباط والجنان ..انتى صح يامنى الشاذلى ولكن انت فقط عرضتى المظاهر ولم تبيحى بالاساب ..
أبلغ عن مشاركة غير لائقة
٤٣-أمن بالظهور ولا تجعل الشيطان يغربلك 2009-12-17 01:05:27
YASOU3_ELAHYY
الى كل الذين يقولون عن تجلى السيدة العذراء انه ليزر
اين عقولكم هل ذهبت مع الريح واين علمكم هل تناثر مع الهواء والاتربة
يااحبانى ان عقول صبيية المدارس الابتدائية تعرف جيدا ان الليزر عندما يشع ( يخرج) لابد ان يكون شعاع وهذا الشعاع يرى بالعين المجردة ينظر من مصدره يخط مستقيم
وان كنت لاتعرف هذا اذهب الى عرس وبه الليزر وانت ترى
كما ان هذا الشعاع لابد ان يصد فى ساتر لكى تظهر الصورة المراد بثها كشاشة السينما مثلا فهل كل الذين شاهدوا هذا الظهور العجيب لا يروا مصدر اليزر الذى اخرج الشعاع ولم يروا ايضا الستارة التى صدت هذا الشعاع لكى تظهر الصورة
ثم ان الظهور العجيب هذا كان لم يظهر فى مكان واحد بل كان متنقل على قباب الكنيسة
وليس فى صورة ثابته فكيف يكون ليزر
ان كنت تريد ان تأمن بهذا الظهور العجيب والفريد أومن وان لم ترد فانت حر
بل انصحك لا تنكره واصمت ولا تدعى انه ليزر لان السيدة العذراء لا تترك الذين يشككون فى ظهورها واسال كم من اناس المرض والعمى التصق بهم بمجرد انهم شككوا فى مثل هذا الظهور والسيدة العذراء لن تحتاج لامثالكم لكى يقروا بهذا الظهور
أبلغ عن مشاركة غير لائقة
٤٢-UFO 2009-12-16 23:46:36
ufo
ماذا عن ال-UFO
أبلغ عن مشاركة غير لائقة
٤١-جراح الاقباط 2009-12-16 22:46:01
ليتا اشرف
ان اعظم توقيت لظهور ام النور هو الايام الصعبة اللى مرت على الاقباط حول الحداث الاجرامية فى ديروط وبعدها فرشوط مايحدث فى صعيد مصر لاينبىء بالخير – وبات الامر يبدو محكم التدبير . فالحكومه لها ان تطلق يد الرعاع بدعوى القصاص . ولا يأخذ الامر منها كثيرا سوى اطلاق شائعه تقول ان احد ( النصـ ــارى ) قد هتك عرض – او أغتصب فتاه – او حتى تلفظ لفظا لمسسلمة اين الحكومة فىخطف البنات القاصرات واغتصابهم واسلمتهم بالقوة قلب كلى قبطى ينذف دما من كل هذه الحداث ما اعظم رد السماء وظهور السيدة العذراء لتعذيتا وتضمد جراحنا
أبلغ عن مشاركة غير لائقة
٤٠-20 &28 2009-12-16 21:51:42
ياسر الاسكندرانى
يا كابتن واحد عشرين ياعالم يا حزين محدش منعك من انك تروح انت وكل العلماء اللى من طرفك وتدرس الظاهره وتحللها بشكل علمى يعنى حيادى مش متعصب. اما انت يا اخ ثمانية وعشرون الم يقل لك احد ان ظهورات السيدة العذراء قبل اكتشاف الليزر بمئات السنين والعاقل قبل ما يشتم يدرس ويتأكد علشان محدش يدحك عليه، مش كده والا ايه!!!
أبلغ عن مشاركة غير لائقة
٣٩-حول الشك والتشكيك 2009-12-16 21:46:41
غبريال
في الامور الغير متعلقة بايمان يشغل حيزا في النفس يتنبه معها العقل للتوحد لاستيعاب ما يجد من امور فيتفاعل كيان الانسان في مقابل الامور المتعلقة بايمانه ويقينه ، اما في الامور الغير متعلقة بايمان الانسان فيعمل العقل والعقل وحده لقياس ما يجد من الامور وقد يعمل العقل علي تفكيك الامر الوارد عليه ليرده الي جزئياته حتي يتسني للعقل الاستيعاب او الرفض .
هكذا يكون في كل ما يستجد مواجها العقل العاقل الذي يبدا ان يفكك القضية الي عناصرها حتي اذا ما انتهي من قياس الامر اتخذ القرار بالقبول او بالرفض فمثلا في موضوع ظهور القديسة العذراء وفي قياس الامر منطقيا نجد..
الكتب المقدسة تقر بقداسة العذراء
مستمرة هي قداسة العذراء
اذا دائمة هي قداسة العذراء قضية منطقية
الله القدوس يعلن القداسة
الناس تتلهف اعلان القداسة
اذااعلان الله قداسة العذراء امر لايتعارض مع مشيئة الله المقدسة قضية
منطقية
اذا ظهور او اظهار قداسة العذراء قضية منطقية نهائية
هكذا يستطيع العقل ان يرد تردد خبر ظهور القديسة العذراء الي تلهف الناس الي اعلان قداستها . او الي احتياج الناس الي التطلع الي قداسة القديسة العذراء . حنين الناس الي فاعلية قداسة القديسة العذراء . ولكن ..
تري ما حدود فاعلية الشك والتشكيك ؟ تمتد هذه الحدود الي مدي انفعال العقل الغير منطقي وطيشانه في اتجاهات شاردة عن الاتجاهات الاصلية .
تري ما نتيجة الشك والتشكيك العائدة علي مصدرها ؟ النتيجة هي خسارة التطلع الي القداسة ، خسارة فاعلية القداسة ، قد تمتد النتيجة الي حدود تشبع النفس بالعداوة لقداسة القديسة العذراء .
في الاصحاح الاول من انجيل القديس لوقا ( فقالت مريم تعظم نفسي الرب وتبتهج روحي بالله مخلصي. لانه نظر الي اتضاع امته فهوذا منذ الان جميع الاجيال تطوبني . لان القدير صنع بي عظائم واسمه قدوس ..)، نقول في صلاة الساعة الثانية عشرة( ايتها العذراء الطاهرة اسبلي ظلك السريع المعونة... وابعدي امواج الافكار الرديئة عني..) (السلام لك ايتها العذراء الملكة الحقيقية السلام لفخر جنسنا ) .
اطلبي من الله لاجلنا ولاجل الذين يشككون في قداستك ، واثق انه في طلباتك عنهم ستقولي اغفر لهم يالله لانهم يقولون ما لا يدرون .
يارب يكون سلامك لينا جميعا بشفعاتها وطلباتها . المجد لك الان وكل اوان . امين
أبلغ عن مشاركة غير لائقة
٣٨-اصحوا يا ناس 2009-12-16 21:37:33
النسر القبطى
تشبث المسيحييين بالظهور سواء كذب او حقيقه انما يعكس فكرة ان الشعب يعانى من عدم رويه الله فى ظروفه المختلفة وان السماء اخيرا بدات تسمع وتحس بهم زهذا ضد واقع الانجيل الذى يعلن ان الله دائما معنا .
ان الهنا وعدنا قائلا وها انا معكم كل الايام والى انقضاء الدهر
اسمعوا يا اقباط ....كل الايام....لم يتركنا لحظه ولا طرفه عين .افيقوا
سواء الظهور حقيقى ام تهيوات ام تفريغ ضوئى ام خيال .الهكم حى ويراكم ويعتنى بكم
اما الى المسلمين اقول
اقراوا القران وماذا قال فى حق المسيح والعذراء
قال القران صفات تفرد بها المسيح عن اى بشر كان
وقال صفات للعذراء تفردت بها عن اى سيدة على وجه الارض
افتح يارب العقول والاذهان للجميع
أبلغ عن مشاركة غير لائقة
٣٧-ليس مهما 2009-12-16 21:36:24
عاقل
عزيزي القبطي لا تنشغل بما يقوله الاخرون : ليزر- تفريغ كهربي- خدعة-برق- حمام
لكن انشغل بداخلك واسأل نفسك ماتأثير هذا التجلي علي حياتي؟
فالرسالة لك وليست لمن لا يؤمنون
واسالك هل ايمان مني الشاذلي بالرب يضيف اليه و يجعله اكثر بهاء وقداسة؟
حاشا لله
الرسالة لك انت ياقبطى
أبلغ عن مشاركة غير لائقة
٣٦-مريم الحبيبه 2009-12-16 21:30:46
رفيق
كان تفسى اشوف امنا البتول بس انا دلوقت فىالولايات المتحدة وبتابع احبار الظهور اولا باول كأتى فى مصر ولما باشوف فيديو الظهور عيني بتدمع مبارك شعبى مصر
أبلغ عن مشاركة غير لائقة
٣٥- يسلِم فمك 2009-12-16 21:28:31
بنت السيدة العذراء مريم
لصاحب التعليق رقم 11 استاذ/أيمن...... يسِلم فمك... دى آيه فى الصميم.
أبلغ عن مشاركة غير لائقة
٣٤-يا ريت 2009-12-16 21:25:57
NONA
كل واحد يحط لسانه في بقه ويقعد ساكت اللي مش مصدق ان العذراء بتظهر هو حر بس يا ريت ينقطنا بسكاته مطلبناش رأي حد اللي يقول ده ماس واللي يقول ده تفريغ شحنات واللي يقول دي ظاهره ومش سامحين للعلماء يفسروها يعني انا بجد مش عارفه انتو قاعدين في بيوتكم بتتكلمو وبس يا ريت تتحركو وترحو تشفوها يمكن تصدقو ده الاعمي لو شاف حتي الفديو هيصدق احنا ماتفرقش معانا انكو تصدقو ولا لا احنا واثقين من اللي شفناه تطلع واحده زي مني الشازلي واللي دفعلهم تقول اي كلام وان دي اوهام دي هيه الي واهمه بس ياتري ها تطلع تعتزر لو الكنيسه اصدرت بيان بالظهورات ؟ انا عندي فكره ايه رِأيكم لو الحكومه تقطع النور عن المنطقه ويتأكدو انه مش ليزر .صحيح هو كان فيه ليزر ايام ظهورات ٨٦ ؟ ولا برضو تهيؤات
أبلغ عن مشاركة غير لائقة
٣٣-ansan 32el 2009-12-16 21:24:29
انسان عاقل
فى كدة ياجماعة؟؟؟؟ دة طبعا حاجة غلط جدا بلاش هلوسة كدة ايه الكلام الفاضى دة
فين كل دة قبل الكمبيوتر والليز ان شاء الله؟؟؟
كلها خدع وبيضحكوا بيها على الناس
أبلغ عن مشاركة غير لائقة
٣٢-الي صاحب اتعليق 28 2009-12-16 21:20:57
dr maged andrawes
انت تسال اين كانت ظهورات العدرا ل الليزر و انا بدوري اسالك و هل كان اللزر متاحا سنة ١٩٦٨ حين كانت ظهورات السيدة العدراء مليء السمع و البصر فى كنيسة الزيتون حتى انهم قاموا بقطع الكهربأ عن المنطقة بالكامل ليتأكدوا من حقىقة الظهورات و استمرت نحو الثلاثة سنوات حتى ان الرئيس عبدالناصر وهب الكنيسة ارض جراج الاتوبيس المقابلة لها و المقام عليها كاتدرائية العدراء حاليا و ارجوك احسن اختيار الفاظك
أبلغ عن مشاركة غير لائقة
٣١-ظهورات العذراء بالوراق 2009-12-16 20:53:57
MERO
شغاعه العذراء تكون معنا امين وربنا يهدي الضالين
أبلغ عن مشاركة غير لائقة
٣٠-مين دول؟؟؟ 2009-12-16 20:44:36
AYMAN
مش عارف انا مين مني الشاذلي دي والا عمرو اديب والا مني الحسيني والا عاطف بشاي والا بقهوه والا .... والا.... مين دول اللي بتهتموا بيهم وببرامجهم وكلامهم وافكارهم ايه دول ويمثلوا لنا ايه وايه اهميتهم بالنسبه لنا مش لاقي رد
أبلغ عن مشاركة غير لائقة
٢٩-بكرةنسمع 2009-12-16 20:28:36
قزعي
الي مني الشاذلي بكرةنسمع انك مرات فلان الفلاني اكبررأس بالتليفزيون زي ياهمت يابنتي
بتقولي هلوسه علي العموم كنت بحب برنامجك بشدةلكن من الان نزلتي من نظري لأسفل السافلين عيب عليكي مذيعةكانت محترمةتقول علي الست العدراءان الظهورات هلوسه دي هلوستك انتي انك تذكري اسم العذراءفي برنامجك الخاص بعرض فساتين مؤجرةمن المحل الفلاني بحي كذاوبشارع كذابلاش تضعي نفسك في موقف انتي مش كدةعيب تعرفي العيب حتي ده فيةقانون اسمه قانون العيب صحيح اللي اختشواماتوا
أبلغ عن مشاركة غير لائقة
٢٨-حرام عليكم بطلوا هبل 2009-12-16 20:21:37
amir adel
اي عاقل يصدق الخدع والخزعبلات دي
كانت فين العدرا قبل الليزر
بطلوا غباء بقى
أبلغ عن مشاركة غير لائقة
٢٧-كوالو بالثالوث يكمل 2009-12-16 20:13:26
رافت حكمت
ان شاء اللة انا عندى احساس انى السيدة العذراء هاتظهر مرة ثالثة وتبارك الكوال عالشان كوالو بالثالوث يكمل
أبلغ عن مشاركة غير لائقة
٢٦-محمدى 2009-12-16 19:38:48
عبد المسيح الصريح
خليك فى فقه المراحيض اللى قال عنه محمد عمارة
أبلغ عن مشاركة غير لائقة
٢٥-ان كان مجد الله يزداد بكذبي 2009-12-16 19:24:58
mohamedyy
كلمها قالها رسولكم بولس زمااان ان كان مجد الله يزداد بكذبي فلماذا ادان كخاطي وربنا يهدي ويشفي في نفس الوقت قال الحمامات اتجمدت قال الشافي هو الله لان مريض العقل ده مصيبة .
أبلغ عن مشاركة غير لائقة
٢٤-عشمان فى عمرو اديب 2009-12-16 19:16:56
محب عشمان
عشمان فيك يا استاز عمرو اديب يا رجل الاعلام ان تستمر فى نشر الحقائق عن هذا الموضوع بس كن محايد ولا تهاجم الاقباط زى منى الشازلى
أبلغ عن مشاركة غير لائقة
٢٣-بصى شوفى يا منى الشاذلى 2009-12-16 19:12:36
محب فرحان
بصى شوفى يا منى يا الشاذلى العذراء بتعمل ايه يمكن ربنا يفتح عنيكى و تشوفيها علشان متبقيش تقولى هلوسه انتى و ضيوفك فى برنامج العاشرة مساء و بقى سلملى على الخضر
أبلغ عن مشاركة غير لائقة
٢٢-حنينـه ياعذراء 2009-12-16 19:01:54
Nashat
تكرار نفس الظهورات وما حدث فى أسيوط سنة ٢٠٠٠ ونفس ما يحدث والعذراء سوف تستمر أيام وأيام والمعجزات تتوالى كل يوم وديه بركة لشعبك يامصر ( أعظم بركة ) بلد الشهداء .
أبلغ عن مشاركة غير لائقة
٢١-حزين 2009-12-16 18:57:34
مصري
حزين علي بلدى وولادها اللي اى ظاهرة يجروا يفسروها تفسير روحى ولا يسمحوا لاى متخصص بدراسة الظاهرة . ده مجرد تفريغ كهربي ليس اكثر . يارب البلد دى تفوق وتعرف ان التدين لايمكن يكون كده . كفاية تخلف المسلمين عاملين الاعجاز العلمى في القران والمسيحين اقرب تفسير لاى ظاهرة هى الدين . واصلا الاديان لايمكن تكون اتوجدت عشان توقف الدراسة والبحث العلمى
فوقوا بئه الناس بتضحك علينا
أبلغ عن مشاركة غير لائقة
٢٠-alraai alslleh 2009-12-16 18:50:04
elkebty
المسيحية إيمان صادق لا يعتمد على الخدع، فادايمن في الحياه يوجد الشي و نقيضه ،إن بعض المتعصبين الذين يريدون أن يزيفوا ألحق هم أولاد إبليس ،و الكنيسه على مر التاريخ لم تعتمد على خدعه لان الخدعه لابد يوما ما أن تسقط ، لكن المسيحيه القبطية الارسذوكسيه و هي الكنيسة الام لها تاريخ مشرف و لولا أن رب المجد يسوع المسيح راعي هذه الكنيسه لكانت قصه قديمه مضت من زمن ( الراعي الصالح هو الذي يبذل نفسه عن الخراف ) و ما زال يبذل نفسه عنا
أبلغ عن مشاركة غير لائقة
١٩-شكرا يا الهنا , شكرا يا ام النور يا شفيعتنا 2009-12-16 18:35:10
ابنة المسيح
المجد لله في الأعالي و على الأرض السلام وبالناس المسرة
في أحلك الظروف ، عندما تظلم الدنيا ، عندما نيأس ، عندما يشتد الظلم ، عندما يهيج علينا عدو الخير ، يرسل لنا الله تعزياته ، يعرفنا أنه لن يتركنا ، ويقول لنا
\" \" ثقوا أنا قد غلبت العالم \" \"
السلام لك يا عذراء يا والدة الله
أبلغ عن مشاركة غير لائقة
١٨-بحبك يا عدرا 2009-12-16 18:29:47
ماري
كان نفسي اشوفك ياام الاله يا شفيعه ..لكن برضه انا مبسوطه لانك ظهرتي والعالم كله شاف ظهورك علي النت واكيد الوف والوف ها تبصر عيناهم العمياء..ويعرفوا مين هو الاله الحقيقي ويؤمنوا ان العدرا ام الاله وياما عملت وبتعمل معجزات.
أبلغ عن مشاركة غير لائقة
١٧-soooooooo happy 2009-12-16 18:10:01
any
السلام لكي يا عدرا
أبلغ عن مشاركة غير لائقة
١٦-مصر 2009-12-16 18:04:09
هناء
نعظمك يا ام النور
أبلغ عن مشاركة غير لائقة
١٥-No one knows God\'s aim 2009-12-16 17:43:01
Al Magdalia
According to what\'s written in the Holy Book, God is going to allow more descrimination before end of days, that even big number of believers will convert from christian faith, by what the Antai Christ will do.
May the blessing of our Saint Mary comes over on everyone.
أبلغ عن مشاركة غير لائقة
١٤-فين الفيديو 2009-12-16 17:37:11
reda
فين الفيديو عايز أشوف أنا قاعد في أمريكا مش شاييف
أبلغ عن مشاركة غير لائقة
رد إدارة الموقع
http://www.copts-united.com/article.php?I=293&A=11186
على هذا الرابط ستجد الظهور وهناك أقصى اليسار ستجد العديد من الاخبار المتعلقة بظهور السيدة العذراء
١٣-please 2009-12-16 17:34:30
sami
provide us with video and pictures
let us sing
I need you O Lord to make miracles
Le the king knows that you are with us
Let the police and Amn Al Dawla to stop hatting and discriminating us
Let Omara, Zaklool, and Al badry to praise our lord
Jesus the king of kings
أبلغ عن مشاركة غير لائقة
١٢-امناالعذراء 2009-12-16 17:16:55
siko
امنا في قلنا اشفعي فينا يا ام النور (الايام صعبة )
أبلغ عن مشاركة غير لائقة
١١-الى كل من يكذب الظهور 2009-12-16 17:03:28
ayman
فقد تمت فيهم نبوة اشعياء القائلة تسمعون سمعا و لا تفهمون و مبصرين تبصرون و لا تنظرون* لان قلب هذا الشعب قد غلظ و اذانهم قد ثقل سماعها و غمضوا عيونهم لئلا يبصروا بعيونهم و يسمعوا باذانهم و يفهموا بقلوبهم و يرجعوا فاشفيهم*
أبلغ عن مشاركة غير لائقة
١٠-السلام لك ايتها الممتلئة نعمة 2009-12-16 16:53:34
مارى خليل
بركاتك يا امنا العزراء فليتمجداسمك عبر الازمان
يا ام الله ياقديسة مجيئك انار قلوبنا واعطانا اطمئنان انك معنا وتشعرين بما نئاسية
ياعزرا يتمجد اسمك وطوباكى
ام يسوع الحبيب اسعدتينا وملئتينا فرحا وبهجة
مهما قالوا وكذبوا انت النور المتلالىء المضىء نورى حياتنا وابعدى الاشرار عنا
امين
أبلغ عن مشاركة غير لائقة
٩-سلام ونعمه وفرح يا امى العذراء مريم الحبيبه 2009-12-16 16:40:47
ميشو بوب
سلام ونعمه وفرح لكل شعب مصر ويارب تكون الايام دى ايام مباركه ببركه وشفاعه ام النور الحبيبه وبابا يسسوع مع الجميع امين
أبلغ عن مشاركة غير لائقة
٨-مبارك شعبي مصر 2009-12-16 16:38:16
alone
الله الله الله الله يا رب ... محبتك فاقت الوصف والحدود ... نشكرك على محبتك
ظهور العذراء بهذة القوة هو اعلان من ربنا بان الايام القادمة هي ايام فاصلة للشعب المصري الذي الله خصه بكثير من البركات ... فارجو من الجميع وخصوصا الاخوة المسلمين والضعفاء من المسيحين وانا اولهم ان نستفيد بهذا العمل المبارك من السماء لنا ... يارب ارحم شعبك مصر وارحمني انا الخاطئ .... وشكرا
أبلغ عن مشاركة غير لائقة
٧-ابطل عند المعانيدين 2009-12-16 16:31:00
مصرى
بركه ام النور تنور اكتر واكتر وخلى اللى يكدب الظهور يكدب اللى بيكدب ده بيكدب على نفسه مش علينا نورى يام النور
أبلغ عن مشاركة غير لائقة
٦-ام النور 2009-12-16 16:27:54
mena elking
ام النور تظهر ظهور حقيقى جدا و قصة الحمام المتجمد اكبر دليل على الظهور
أبلغ عن مشاركة غير لائقة
٥-بركتك يا ام النور 2009-12-16 16:22:34
سيمون
شفاعتك معانا يا ام النور احنا حقيقي منستاهلش انها تظهر لينا ولكن طول حياتها حنينه وبتحب شعبها وبعد ده كله هناك من يكذب ظهورها ولا اصفهم الا بانهم اعمياء القلوب والعيون
أبلغ عن مشاركة غير لائقة
٤-قول يارب 2009-12-16 16:02:21
اسامة
ظهورات العذراء هي اكبر رسالة لكل المسيحيين في مصر بان الصلوات والتضرعات للقهر والظلم اللذين يعيشون فية هذة الايام بصورة ابشع من الخيال ولهذا ظهرت العذراء لتقول لكل شعبها صلواتكم وتضرعاتكم امام رب المجد وسوف ترون قوة رب المجد في استجابتة لتضرعاتكم
أبلغ عن مشاركة غير لائقة
٣-بركتك يا ام النور تحل علي مصر وتنورها من تاني 2009-12-16 16:01:53
عــزت عــزيز حــبيب محام وناشطحقوقي
يا بختكم يا هناكم ياللي شوفتم ام النور .. نفسي اشوفك يا عذراء تاني ذي ما شوفتك في شبرا زمان
نوري عقول وافهام وقلوب مئات الملايين اللي في الجهل نايمين وبيكي مش حاسين
صلواتك يا أم المخلص واطلب منك تنظري لأولادك في فرشوط وتبددي مشورة المحافظ وكل المسئولين اللي واقفين ضد المتألمين . قولوا جميعا أمين امين أمين
أبلغ عن مشاركة غير لائقة
٢-نورتينا ياست البنات 2009-12-16 15:49:17
mana pakpak
هكذا تكون تعازي السماء وتعازي رب المجد لابناءه المجروحين والتعبانيين ظهرت لنا الست العدرل بعد غياب ٣ سنيين تعزينا وتقوينا عشان اللي حصل في ديروط وفرشوط وقنا والمنيا وفي كل جزء في مصر عايزة تقولنا انها معانا وطبعا لازم تظهر ده شهر كيهك كله تسابيح وتماجيد لها لازم تظهر وتعزينا انا بشكر ربنا انه فتح عنيا وخلاني اشوف نورها واشوفها بالرداء الازرق والعباءة البيضاء اللي زي قلبها وطهرها وعفتها ياجملعة اللي بيقول انها خرافات رب المجد قادر وقوي انه يثبت للي بيقول كده انها مش خرافات ويفتح عنيين الاعمي عشان يشوف حلاوة المسيح وحلاوة العدرا ست البنات
أبلغ عن مشاركة غير لائقة
١-الرب الهنا قدير آمين 2009-12-16 15:41:38
reda
الرب الهنا قدير آمين. أنت مالك الملوك ورب الأرباب. فتح أعين العميان بالذات الست إللي اسمها منى الشاذلي
أبلغ عن مشاركة غير لائقة
أضف تعليق
بروتوكول نشر التعليقات
من فضلك ألتزم ببروتوكول نشر التعليقات، شكراً
الاسم:
البريد الألكترونى: (إختيارى)
عنوان التعليق:
نص التعليق:
 
* تستطيع الكتابة بالحروف الأنجليزية كلمات عربية داخل نص التعليق ثم تختار المعنى المطلب من القائمة التى تظهر لك، مثل alaqbat = الأقباط وهكذا .. ، وتستطيع غلق هذه الخدمة بالنقر على "on" لتصبح "off" أسفل نص التعليق على الشمال.

خيارات

فهرس القسم
اطبع الصفحة
ارسل لصديق
اضف للمفضلة

مواضيع أخرى للكاتب

السيده العذراء تظهر مجددًا وتصنع معجزات

صوتي مطلبي تنفي علاقتها بحملة إسقاط مبارك عبر الأنترنت

20ألف مسيحي ومسلم يتجمهورن أمام كنيسة الوراق لرؤية العذراء مريم

محافظ الجيزة وقيادات أمنية أمام كنيسة العذراء بالوراق لرؤيتها

فريد بخيت:الكنيسة شاركت بقوة في مسيرات فينا

جديد الموقع

صراع السلفيين على ميراث الإخوان

هل نجح الجيش فى إصدار شهادة وفاة «داعش سيناء» بعد مقتل «زقول»؟

ماذا قال «معتز مطر» في التسريب الأول من داخل قناة الشرق الإخوانية؟

فرنسا تعلن رسميًا: «حفتر» يتلقى العلاج فى مستشفى عسكرى

بالفيديو.. شهادات عن تكذيب مسرحية الكيماوي في سوريا

أردوغان: دكتاتور في كل شيء إلا الإسم

كيم جونغ أون يمنح زوجته لقب "السيدة الأولى"

القلق يضرب البيت الأبيض: ترمب يخشى إنقلاب أوفى رجاله

قصور الثقافة تحتفل بجوائز نادي تكنولوجيا معلومات

وزير الرياضة يبحث مع رئيس اتحاد الجمباز استضافة البطولة الإفريقية