حاجات كتير

إبرام تاوضروس | 2016-07-13 16:17:12

كتب - إبرام تاوضروس

حاجات كتير بتوقف قدام العقل والمنطق

لكن عمرها ما توقف قدام ربنا

روحله باللى تاعبك او باللى واقف قدامك

بكل التحديات اللى بتقابلك فى حياتك

روحله باللى معطلك وقولة انا مش قادر

على الشىء الفلانى، قولة انا ضعيف

هيقولك تعالى انا عاوزك بضعفك وزى ما أنت

" ليقل الضعيف بطل انا"

انا بطل!!

ايوه بطل بيك انت يارب

وهقدر اتغلب على أى تحدى بيك انت يارب

انت اللى وقفت مع يوسف لما اخواته رموه فى البير

وبقى الرجل الثانى فى مصر وجه وقت كان بيتحكم

فى كل العالم لانه كان مسؤل عن القمح

انت اللى وقفت مع موسى النبى وقالك يارب قدامى بحر

ووراء منى فرعون وكل مركباته قولتله اطمن هشق لك

البحر يا موسى واتفضل عدي.

أنت يارب اللى اعطيت لأبونا ابراهيم اسحق ابن الموعد

وكان ابونا ابراهيم فى شيخوخته، لكنه آمن وصدق الوعد .

قوله انا جاى لك يارب وواثق فيك هيقولك وانا معاك

كل اللى عاوزه منك

" آمن فقط "

ابرام تاوضروس كاتب ومدرب تنمية بشرية

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع