يوم الأربعاء من البصخه المقدسه.....أربع أيوب

جورج ميخائيل عازر | 2016-04-27 21:40:57

بقلم : جورج ميخائيل عازر

مافيش حد خالي...من الخطايا...والعيوب

لازم تكون حياتك...فيها ألم...وثقوب

عشان كده...حاول تشارك...يسوع ف التوب

توب الألآم والتجارب.....زي ما عمل أيوب

مش بس كده.....تشارك عند الضروره

بسكب الطيب النقي.....من أجمل وأحلي قاروره

علي راس المخلص...من قلبك...بنفس مسروره

إوعي تكون يهوذا.....وتبيع يسوع بالفضه

أو تنكر رب المجد...أحيانا...في وقت الشده

زي ما عمل بطرس...بصوت عالي...بحده

المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع