الأقباط متحدون | صيف 1999
إغلاق تصغير حمل تطبيق الأقباط متحدون علي أندرويد
ستظهر الصفحة بشكل مختلف لآنك تستخدم نسخة قديمة من متصفح أنترنت أكسبلورر، استخدم نسخة حديثة من انترنت اكسبلورر او أى متصفح أخر مثل فايرفوكس لمشاهدة الصفحة بشكل أفضل.
أخر تحديث ٢١:٠٤ | الأحد ٩ يناير ٢٠١١ | ١ طوبة ١٧٢٧ ش | العدد ٢٢٧١ السنة السادسة
الأرشيف
شريط الأخبار
طباعة الصفحة
فهرس الدنيا خيارة
Email This Share to Facebook Share to Twitter Delicious
Digg MySpace Google More...

تقييم الموضوع : *****
٢٧ أصوات مشاركة فى التقييم

صيف 1999

الأحد ٩ يناير ٢٠١١ - ٠٠: ١٢ ص +02:00 CEST
حجم الخط : - +
 

بقلم: مروة رخا
صيف 1999

عدت عليا واحدة صاحبتى فى شغلى – كنت وقتها مديرة العلاقات العامة فى فندق بيراميزا – و كان شكلها زى الزفت.
سألتها مالها و إيه اللى جابها فجأة. قالت لى انها خايفة يكون عندها سرطان.
طبعا أنا اتفزعت و سألتها ليه بتقول كدة قالت لى ان الـ period جات مش فى ميعادها و بتنزف بقالها 10 أيام و عندها مغص جامد مش زى كل شهر.
نزلنا من المكتب و ركبنا عربيتها و احنا مش عارفين هنعمل إيه.
أنا ماعرفش دكاترة و هى مش متجوزة و مش virgin.
بعد لف كتير قلتلها "هو انتى رايحة تكشفى و لا رايحة تناسبى ... انتى مريضة و من حقك العلاج"
سألتنى هنعمل إيه قلت لها خليكى سايقة على اليمين و أنا هقول لك. هى ساقت و أنا قريت كل يفط الأطباء اللى فى العمارات اللى على الشارع لحد ما لقيت يافطة دكتور نساء.
ركننا العربية و طلعنا سوا و أنا نبهت عليها انها ما تتهزش و ما تتوترش و تقول للراجل بقلب جامد انها متجوزة و تشرح له الأعراض.
الدكتور طبعا ما دخلتش عليه الحكاية بس دخل معها حجرة الكشف و أنا قعدت برة. شوية و خرج و شوية و هى خرجت و شوية و نزلت أنا و هى.
"أنا كنت حامل و سقطت و لازم أروح بكرة المستشفى أعمل عملية كورتاج و إلا هاتسمم" و انفجرت فى العياط على أول طفل تحمل فيه و تسقط و نسيت انها لو ما كانتش سقطت من نفسها كانت هتبقى كارثة!
بعدها واحدة صاحبتى حملت من جوزها و هو مش عايز عيال و فضلت تتحايل عليه يحتفظوا بالطفل ... رفض و حلف عليها يمين طلاق - قهرها! أجهضت الحمل و فضلت تحلم بطفلها اللى قتلته فى صمت و فى ألم و لوحدها.
بعدها واحدة قريبتى كانت لسة والدة و حملت بالغلط و قررت بالاتفاق مع جوزها انهم ينزلوا الطفل و بعد العملية قعدوا هما الاتنين يعيطوا و يتبادلوا الاتهامات!
و ستات كتير ... متجوزين أو مش متجوزين ... حملوا من رجالة مش عايزين عيال ... و الست هى المسؤولة الوحيدة عن التخلص من الجنين!
أنا عمرى ما حملت و لا عمرى سقطت و لا عارفة أى حاجة عن المعاناة النفسية أو الجسدية اللى الست بتمر بيها عند فقد أو قتل الجنين! لكن ... خليكوا معايا ..

شتاء 2004
توتا!
توتا دى أول قطة نتاية دخلت بيتنا ... توتا اتجوزت مشمشة و خلفوا 4 قطط زى القمر فى 2001 و فضلت توتا تحمل و تولد و أنا مستمتعة معها بأمومتها اللى تعلم البشر يعنى إيه أمومة.
فى شتاء 2004 توتا كانت حامل و قعدت استنى توتا تولد ما بتولدش ... و أنا حاسة ان فى حاجة غلط ... رحت بتوتا للدكتور قال انها لازم تولد بعملية قيصرية ... قعدت برا و أنا قلبى هيقف من الخوف ... شوية و الدكتور طلع و قال لى ان الـ 3 بيبيهات ماتوا لكن توتا كويسة و سألنى لو كنت عايزة أشيل لها الرحم. فى لحظة غبرا من لحظات الإنسانية المنعدمة وافقت و قلت له ان أنا عندى قطط كفاية.
بعد العملية توتا فاقت ... ضعيفة .. هزيلة ... حرارة جسمها واطية ... و صوت أنينها لسة فى ودانى لحد دلوقتى. أول لما روحنا البيت توتا زحفت على بطنها فى البيت كله و هى بتدور على ولادها اللى كانت مستنيا تخلفهم و ماتوا. هى ما تعرفش انهم ماتوا. قلبت البيت زحف و عياط و فى الأخر مسكت قط تانى صغير – ابن قطة تانية عندى – من رقبته و أصرت ترضعه و كأن هو دا البيبى بتاعها!
أول مرة أعرف ان الأمومة ممكن توجع للدرجة دى. أول مرة أعرف ان العلاقة بين الأم و الجنين اللى لسة ما اتولدش بتبقى قوية كدة. توتا اتجننت على ولادها اللى ضاعوا منها و على الرحم اللى اتشال و هورموناتها اتلخبطت و تحولت من توتا القطة الحنينة الهادية لمجنونة رسمى ... بقيت بتنط من الأرض لفوق التلاجة و فوق البلدكانة و فوق دماغى ... بحثا عن أطفالها.

صيف 2009
حطيت لينك لفيلم بيشرح عملية الإجهاض و بينفر منها باستعراض الأجنة الغير مكتملة النمو اللى اتقتلوا ... و اتهاجمت بشدة من كل من يساند حق المرأة فى الإجهاض. و طبعا الشباب الهمام المتدين قعد يستغفر ليه و للزمن.
أنا بقى ليه حطيت الفيلم؟
مش علشان أخوف الستات من الإجهاض ... أنا أصلا مش فارق معايا مين تعمل إيه فى جسمها ... كل واحد حر فى نفسه. يعنى أنا ضد أى قانون أو تشريع يفرض على المرأة الاحتفاظ بطفل مش عايزاه أو التخلص من طفل محتاجة له ... دا جسمها و هى حرة فيه و بما ان الجنين دا جزء من جسمها و جواه تبقى حرة فيه هو كمان.
أنا حطيت الفيلم علشان
1)كل واحدة مصاحبة واحد و هتنام معاه تفرجه على الفيلم و تقول له انها لو حملت مش هتسقط (مش عايزة تأفف .. حصل و بيحصل و على كل المستويات!)
2)كل ست متجوزة تفتكر انها مش لازم تتحمل الألم و الذنب و المعاناه دى علشان متجوزة راجل ما بيحبش يستخدم condoms
3)علشان كل واحدة تتأكد ان اللى معها راجل بجد و مش هيعمل كدة فيها و فى ابنها ... أصل الرجالة لسة فاكرين ان اللى بتحمل دى بتحمل من الهوا و انه مالهوش يد فى الموضوع دا ... هى حملت يبقى هى تتصرف ... و البيه كان فين أصلا و فين مسؤوليته؟

يا رب ما تحطنيش فى الموقف دا! أنا مش هقدر أحمل فى طفل و اتخلص منه و لا هاقدر أفقد طفل بعد ما ولدته!
Abortion is not birth control
الاجهاض ليس طريقة لتحديد النسل
***




كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها



تابعونا على صفحتنا علي الفيسبوك
تقييم الموضوع :
 
تعليقات القراء


10- وش هالخربطه
غريبه email | ٧ اكتوبر ٢٠١١ - ٢٣: ٠٢: ٢٠
٠  
بسم الله الرحمن الرحيم

الحمدلله وكفى وصلى الله على النبي المجتبى اما بعد،،

أخيتي صاحبة هذا الموضوع،،

لو تأملنا في كلامك وفي افكارك انك تحثين على الحرام المعلن التحريري انت ناسيه او جاهله قول الله تعالى:"ولا تقربو الزنى انه فاحشة وساء سبيلا."
انت تقولين انظروا ماذا سيحدث عندما تحملين وانت ليست بمتزوجه لماذا اقرب الحرام،،

والامر الاخر والذي اراه انك اخطات فيه الذي هو الاجهاض ما رأيكم به؟؟

اقول لك أوخيتي قال الله:"ولا يقتلون النفس التي حرم الله الا بالحق."

طفل ليس لها الحق بأنها تقتله وهي روح انسان كيف لها ان تقتل الطفل.

لا الفكر ولا المنطق ولا الاراء اللتي طرحتيها بصحيحه ارجو منك ان ترجعي الى الله وان تقرآين ما في القران وتفسيره بالسنه وطبقيه عليك اوخيتي

والسلام عليكم ورحمة الله وبركاته
9- قال الشاعر
مجدي العريان email | ١١ يناير ٢٠١١ - ٤٤: ٤٠: ٠٦
٠  
عندما قال أمرؤ القيس قديماً:
قفا نبك من ذكرى حبيب ومنزل ... بسقط اللوى بين الدخول فحومل.
لم يفهم الناس لماذا يدعوهم الشاعر للبكاء.
ولم يعرف الناس من هو الحبيب وما هي ذكرى الحبيب.
ولم يفهم الناس معنى كلمة سقط اللوي.
ولم يفهم الناس أيضاً معنى كلمة حومل.
وعندما سأل الناس عن معنى القصيدة ، كانت الإجابة المعنى في بطن الشاعر.
ولكنهم علقوا قصيدة الشاعر على جدران الكعبة وسموها معلقة.
------------
الآن نحن نعلم ما كان مخفي على السابقون.
لقد دعا الشاعرٌ الناس للبكاء بسبب سقط زوجته - وهذا هو المقصود بسقط اللوي.
وطبعاً الحبيب هو الجنين الذي لم يكتمل نموه.
أما معنى كلمة حومل فهو الحمل في الشهور الأولى، لأن العرب كانت تسمي حمل المرآة في الشهور الأولى حومل.
ومن المنطقي جداً أن يقول الشاعر بين الدخول فحومل، لأن الدخول يجب أن يسبق الحومل. لأن العرب كانوا يعلمون أنه لو لم يحدث دخول لن يحدث حومل.
وبهذا نستطيع أن نقول أن الشاعر عندما قال: سقط اللوي بين الدخول فحومل ، فهذه إشارة إلى أن الحمل قد تم بصورة غير طبيعية مما أدى إلى سقط اللوي.
وأخيراً نقول أن الناس قد أخطأوا عندما قالوا: المعنى في بطن الشاعر، فالأفضل لو كانوا قالوا المعنى في بطن زوجة الشاعر.
8- What a pity
Simon Hanna email | ١١ يناير ٢٠١١ - ٣١: ١٠: ٠٠
٠   ٠
Can anyone tell me what is the relation between such articles and the problems of the Copts? I think the main purpose of this electronic page (Copts United) was the sorrow of the Copts…. What a pity!!!
Such articles related to \\\"Hawa\\\" magazine not here, is this how you are carrying the promises you gave to Eng. Adly Abadir to continue his work and mission…
7- mema
أحمد آيرلندا email | ١٠ يناير ٢٠١١ - ٤٤: ٢٢: ٠١
٢-  
أنا مندهش من كلامك واندهاشك
عموماً كلامك مقنع وانا فهمت الموضوع وميرسي على التوضيح واتمنى نبقى أصحاب
أنا مندهش
6- Nice
Ahmed M email | ٩ يناير ٢٠١١ - ١٣: ٣٩: ٢١
٢-  
اداء رائع يا مروه وانا من خلال شغلي في صيدليات باشوف الموضوع ده كتير جدا و البنات بقت عارفه حقن و ادوية الاجهاض اكنر من اي دكتور
5- الى فى ايده حاجه يحافظ عليها
نرمووووووووو email | ٩ يناير ٢٠١١ - ٢٦: ٤٤: ١١
١-   +١٠
عايزه اقول لكل وحده وواحد يفكروا فى الاجهاض انكم مش حاسين بالنعمه التى اعطاها الله لكم ده فى ناس بتتمنه طفل ومش عارفه والعلم كله عاجز ان يعطيهم وانتم بكل بساطه ممكن تضحوا بيه ! عجبا لهذا الانسان
4- هو احنا لية مش عارفين نفهم؟؟؟
mema email | ٩ يناير ٢٠١١ - ٠١: ٠٩: ١١
٧-  
(يعني حضرتك عاوزة احنا نعمل ايه
أدي آخرة اللعب بالخيار
أنا مندهش)
تعليقك بجد استفزني جداااا انا طول عمري بتابع مروة والتعليقات اللي بتجلها بس اول مرة احس اني عايزة ارد على حد

هيا مروة يااستاذ مش عايزة حاجة وموقفها واضح وبتقول لكل حد يفكر فبل مايقتل رووووووووح
او قبل مايوصل لمرحلة ان فيه روح اصلا

Abortion is not birth control
الاجهاض ليس طريقة لتحديد النسل

ومش بتشجع علاقة ولا ضد علاقة دة يتتكلم في موضوع تاني خالص (الأجهاض)
وحكتلنا أمثلة خليتنا نقشعر من معنى الأمومة ودعت ربنا في الأخر

انت بقى مندهش من اية؟؟؟

مندهش لانك مش فاهم ولأنك عايز تفهم حاجة تااااااااانية

انا اللي فعلا مندهشة اننا لسة مش عارفين نفهم أي حاجة
3- شتاء 2011
أحمد آيرلندا email | ٩ يناير ٢٠١١ - ٥٨: ٣٦: ٠٥
٨-   +١٠
يعني حضرتك عاوزة احنا نعمل ايه
أنا مندهش
2- I like your Talk show
mido007 email | ٩ يناير ٢٠١١ - ٢٤: ٠١: ٠٣
٤-   ٠
ليه القط بيحب خناقه؟ – مروة رخا فى شبابيك على دريم
البعيد عن العين بعيد عن القلب؟
التقل و لعبة الحب
1- النونو
روز email | ٨ يناير ٢٠١١ - ٤٠: ٢٦: ٢٣
٥-  
احلي حكايه كانت حكايه القطه توتا فكرتني بقطه كانت عندنا ولدت 3 قطط صغننين و كنت انا لسه صغيره كنت بمسك القطط الصغيره انا واخويا و نبهدلهم من العب بيهم كنا فاكرين انه لعب. وكانت امهم تيجي تجري عليهم وتنونولنا كانها بتقول حرام عليكم ارحموهم من الي انتوا بتعملوه فيهم .
و بعد كده جه يوم و لقينا قطه صغيره اختفت و فضل كل يوم تختفي قطه ومش عارفين ايه السبب
لغايه ماجه يوم و القطه امهم اختفت برضه وكنت انا واخويا مستغربين قوي . الا جه يوم و لقينا قططتنا و عيالها التلاته عند الجيران.
الي انا عايزة اقوله ان انك انتي يا مروة نورتي المحكمه و فهمتيني ليه القطط طفشت اكيد عشان تترحم من البطش والظلم الي كان واقع عليهم من الي بنعمله فيهم
عشان كده طفشت بعيالها .هههههههههه
أضف تعليق
الاسم:
البريد الألكترونى: (إختيارى)
عنوان التعليق:
نص التعليق:
ارسال
  * تستطيع الكتابة بالحروف الأنجليزية كلمات عربية داخل نص التعليق ثم تختار المعنى المطلب من القائمة التى تظهر لك، مثل alaqbat = الأقباط وهكذا .. ، وتستطيع غلق هذه الخدمة بالنقر على "on" لتصبح "off" أسفل نص التعليق على الشمال.