الأقباط متحدون | مايو 2010
إغلاق تصغير حمل تطبيق الأقباط متحدون علي أندرويد
ستظهر الصفحة بشكل مختلف لآنك تستخدم نسخة قديمة من متصفح أنترنت أكسبلورر، استخدم نسخة حديثة من انترنت اكسبلورر او أى متصفح أخر مثل فايرفوكس لمشاهدة الصفحة بشكل أفضل.
أخر تحديث ٢١:٠٤ | الأحد ٢٨ نوفمبر ٢٠١٠ | ١٩هاتور ١٧٢٧ ش | العدد ٢٢٢٠ السنة السادسة
الأرشيف
شريط الأخبار
طباعة الصفحة
فهرس الدنيا خيارة
Email This Share to Facebook Share to Twitter Delicious
Digg MySpace Google More...

تقييم الموضوع : *****
٥٠ أصوات مشاركة فى التقييم

مايو 2010

الأحد ٢٨ نوفمبر ٢٠١٠ - ٠٠: ١٢ ص +02:00 CEST
حجم الخط : - +
 

بقلم : مرة رخا
من أسبوع كنت بـ أدى كورس تسويق لمجموعة مديرين من وزارات حكومية و شركات قطاع عام و شركات قطاع خاص و فجأة و أنا بـ أشرح – و مش فاكرة كنت بـ أشرح إيه بالظبط – لقيتنى بـ أقول
"زى مثلا العيال السيس إياهم"
علت ضحكات الشباب من الحضور و سألنى البعض
"يعنى إيه سيس؟"
فتحت بقى علشان أرد و مافيش كلام طلع ... أصل كلمة سيس دى كلمة تتحس أكتر ما تتشرح! المهم غلوشت عل الموضوع و قلبتها ضحك لكن من ساعتها و أنا بـ أحاول أحط تعريف خاص بيا للكلمة دى.
 
العيل السيس هو اللى
بيقعد وسط أصحابه و يحكى و يتحاكى – و بالاسم –  عن مغامراته الجنسية و صولاته و غزواته و فتوحاته فى عالم النساء.
كل ما يقابل بنت يكلمها – و بالاسم – عن كل واحدة عرفها و يتفشخر بـ اللى عمله و اللى سواه.
بـ يساوم البنت؛ يا نتكلم فى التليفون يا أنا من سكة و أنتى من سكة! يا تقابلينى يا أنا من سكة و أنتى من سكة! يا نقعد على الكورنيش و "نقفش" يا أنا من سكة و أنتى من سكة! يا نعمل فون سكس يا أنا من سكة و أنتى من سكة! يا تجيلى البيت يا أنا من سكة و أنتى من سكة! يا تنامى معايا يا أنا من سكة و أنتى من سكة!
عامل زى كريم اللى فى مسرحية سك عل بناتك؛ يكتب و يتكلم و ينادى بحرية المرأة و هو من جواه بيحتقرها و شايفها الشيطان و الخطيئة. عايزها متفتحة متحررة علشان يلعب بيها و يلعب عليها لكن يوم لما يفكر فى جواز عرق السيس ينقح عليه و يختار واحدة على ذوق جدته. حرية المرأة بالنسبة له آخرها حرية جسدها ... لأنه عارف إن أول ما عقلها هيتحرر هتتمرد عليه و على إسطواناته.
بـ يهددها بـ الذى مضى ... صور ... رسائل على الموبايل ... رسائل على الفيسبوك ... كلام اتقال فى شات ... سكرين شوت لحوار مكتوب كان بينهم.
حافظ كام أسطوانة على كام غنوة و بيشغلهم مع طقم الحنية و كورس التسبيل لكل واحدة بيقابلها – على النت أو برة النت.
متخصص فى القمص و لوية البوز و مشمشة لازم تحايل و تدادى و تصالح ننوس عين ماما.
مدعى ... بيدعى الغيرة علشان المخرج عايز كدة! بيدعى الحب علشان الدور مكتوب كدة! بيدعى العشق و الهيام علشان الناس تتفرج و تنبسط! بيدعى الوفاء و الإخلاص و فاكر الخيانة فتاكة و اللعب بالبنات فهلوة.
ما عندهوش مانع هى اللى تدفع الحساب كل مرة يخرجوا ... و حجته "هى اللى عايزة تخرج .. يبقى تدفع" و أول لما يقبض أول مرتب يجرى يدور على واحدة جديدة يعمل قصادها ابن باشا.
قال الله و قال الرسول ... و بـيستحل أجساد و أعراض البنات بحجة إنه مش لاقى يتجوز أو بحجة إنهم عايزين كدة.
***
العيل السيس بقى نسى إنه عيل و افتكر نفسه ربنا ... مرة يقولك ما أوافقش إن أمى تعمل كذا أو مارضاش إن أختى ترتبط و لا تحب و لا تعمل ربع اللى هو بيعمله!
مين دا اللى يرضى؟ العيل السيس؟

إذا كان ربه و ربهم و رب العالمين خلقهم بإرادة حرة مستقلة .. لهم عقل و لهم حق الاختيار ... و لهم حساب و ثواب و عقاب مستقل عن ذمة الرجالة اللى فى حياتهم .. يبقى إيه؟

العيل السيس دا تعدى حدود الإنسانية و تملكته أوهام العظمة الإلهية

لو ربنا كان عايز الستات تبقى قراراتها من دماغ رجالتهم كان خلقهم قطط و معيز و خرفان و كان أعفاهم من الحساب زى الطفل و المجنون و من لا يملك من أمره شئ!

***
العيل السيس بقى بيكره مروة رخا موت و بما إنه سيس مش قادر يرد على أفكارى بأفكار زيها فـ ما قدامهوش غير الهجوم الشخصى

مرة يقول – أو يكتب – مروة خرا و فاكر نفسه شيكسبير عصره
مرة يدخل على موقعى يشتم و يجرى
مرة يقول عليا قوادة
و مرة يشتم اللى موافقين عل رأيى ... سيس من الأخر يعنى
و مزاجه بقى و مزاجه قوى يعنى إنه يجيب سيرة أمى و أبويا و أعضائى التناسلية فى الشتيمة ... عيال ضاربها السلك!
ليه العيل السيس عنده حساسية منى؟
علشان عارفاه و قرياه و بحذر البنات منه!
علشان بقول لضحايا السيس "يروح كلب و يجي أسد"!
علشان عايزة كل البنات تكون قوية و قرارها من دماغها!
علشان عايزاة كل بنت تبقى رافعة راسها و عندها كرامة!
علشان بقول لكل بنت ما تعملش حاجة غصب عنها و لا حاجة ضد مبادئها و لا حاجة ممكن فى يوم تندم عليها!
علشان من الآخر قطعت الطريق على العيل السيس ... الطريق اللى بيسلكه كل مرة بيحب يضحك على بنت!
و هيكبر العيل السيس
و هيبقى راجل سيس!




كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها



تابعونا على صفحتنا علي الفيسبوك
تقييم الموضوع :
 
تعليقات القراء


37- تقدري
Tarek email | ١٤ اكتوبر ٢٠١٢ - ٣٢: ٤٩: ١٤
٠   ٠
لو قابلتي راجل و لقيتي نفسك منجذبة له و هو كمان \\\\ ممكن تخشي في علاقة معاه من باب التجربة أو الحرية ولا ساعتها في حاجة جواكي ممكن تمنعك علي فكرة ده ايميلي بجد لو عندك رد
36- اديلو مترحمهوش
شريف محي الدين email | ٢٣ يناير ٢٠١١ - ٥٤: ٤٦: ١٨
٠  
عاجبني اوي اسلوبك البسيط وكلامك الواقعي وجراتك علي فتح مواضيع تهم الشباب وخصوصا توعية البنات من خطورة الشباب السيس اللي ملو الدنيا حوالينا واغراضهم الشهوانيه وخيالهم المريض وخطورته علي بناتنا وخصوصا اللي في سن المراهقة ومحدودي التجارب.
لكن برضو بوصيكي انك توعي البنات اكتر وتقوليلهم برضو يهدو علينا شوية ومش كل اللي بنشوفه في الكليبات يمشي عندنا ومش معني ان الواحده تكون ستايل انها تتعري اكتر او تبين حاجات ملهاش لزوم تبان الا لجوزها لان ده بيفتح الباب للشباب السيس واللي زيهم وتخليهم يتجرؤا ويحاولو يشوفو اكتر.
بكرر اعجابي بيكي وارجو منك المزيد
35- فين
ابن البابا كيرلس email | ١ ديسمبر ٢٠١٠ - ٢٨: ٣٩: ٠٦
٠  
رد الإدارة : أعد إرساله
34- قولى يا مروة للعيال السيس
Waleed email | ٣٠ نوفمبر ٢٠١٠ - ٥٩: ١٢: ٢٢
١-  
ردى يا مروة على العيال السيس و قوليلهم
لو كل كلبا عوا القمتة حجرا لكان مثقال زرة بدينار
33- لاااااااااا
ااااااااه email | ٣٠ نوفمبر ٢٠١٠ - ١٥: ٥٨: ١٣
٣-  
الى بيقول فى المقال الفاظ مش حلوة والنبى بس يعرفنى هى ايه بالظبط
قرأت المقال 300 مرة وبردوو مش لائيه لفظ وحش ولا حاجة
الى رقم 26 (سيس) بس اقوله انا عملتلك ناقص عشان تنبسط :)
يا اسمك ايه البنات لما تحب بتحب بقلبهااا
مش حاطة فى بالها ان فى واحد ابن ستين فى سبعين قدامها
بيكدب ويضحك عليها وعايز منها الى ناوى ياخده وهيمشى
وكمان شوف المجتمع المتخلف بيربى بناته ازاى وطبعا مش هقول كله
فى بنات اول ولد فى حياتها بتكلمه هى الى بتحبه ولا هى عارفة حاجة فى اى حاجة
معندهاش خبرة ولا حاجة وكمان الواد السيس خبرة بيبئى عارف يدخل للبنت من اى حته
و بيبئى مختار البنات الهبله الى ربوهم اهلهم ع العبط وان البنت لازم تبئى خاام
طول الوقت ملهاش فى جو التعارف ولا انها تاخد خبرة وسكتها فى الحياه حاضر وبس
32- يااه
سارة email | ٣٠ نوفمبر ٢٠١٠ - ٥٧: ٤٢: ١٣
١-  
ياااه نورتينى ع كدة كل الى بكلمهم عيال سيس
31- اللى ع راسة بطحة
لولو email | ٣٠ نوفمبر ٢٠١٠ - ٢٩: ٢٧: ٠٠
١-  
اولا:انا مش فاهمة اللى معترض ع الالفاظ معترض عليها لية ؟
مروة ماقالتش زيادة عن لفظ او اتنين .. وكمان الالفاظ دى مش واقع ؟ ... الالفاظ دى مش اتكتبت عنها وعندها ع اى موقع ليها او اتبعتت لها ع الميل ؟
لية الى عمل كدة مااتكسفش وهو بيكتب الكلام دة ؟ وهو بيرميها ف شرفها او ف عرضها ؟
زعل اوى عشان ماقعدتش تعيط ومااعترفتش بضعفها وماحبستش نفسها ؟ وقالتلة انا عارفاك وفهماك وعارفة نفسى وواثقة ف نفسى وف افكارى واقوى منك وهحاربك .. بس بأفكارى وانا وشى ف وشك .. مش خايفة منك .. مش هشتمك واجرى؟؟؟؟؟
لكن بجد ..اللى ع راسة بطحة بيحسس عليها... والناس بتسيب الراس تمسك ف الديل للاسف
ثانيا:انا مع اللى بيقول ان فية بنات سيس
اة معاك حق ..فية بنات يمكن يكونو اسؤ من الواد السيس
ومش عايزة اقول الاغلبية اية ؟ عيال سيس ؟ ولا بنات سيس ؟
المهم .. اننا ناخد بالنا وماحدش يضحك علينا ... ولازم نعرف ان لنا عقل نفكر بية .... مانسبوش ونستنى غيرنا يفكر لنا
30- صاحب التعليق رقم 4
واحد من الاقبااط email | ٢٩ نوفمبر ٢٠١٠ - ١٣: ٥٢: ٢٢
١-   ٠
انت تانى يا مندهش
يعنى اللى الاخت مروه كتباه ده مش هو ده اللى بيحصل فى الواقع
ولا هى مؤلفه من عندها يا عم السيس
29- ولكن
محمود email | ٢٩ نوفمبر ٢٠١٠ - ٠١: ٣٤: ٢٢
٢-  
انت كده همشتي البنات بردوا وطلعتيهم من غير عقل .
هو يعني المفروض ان كل بنت في سن المراهقه اول ما ولد يقولها كلمتين حلويين تبقي من غير عقل
طيب ما كل ولد في سن المراهقه اول ما يشوف بنت في سن المراهقه لابسه حلوه وبتدلع يبقي من غير عقل .
ياريت تكتبي عن البنات السيس كمان
وممكن انا ابتدتي بعد اذنك
البنت السيس اللي لما بيكون قدامها واد سيس وواد مش سيس تبص للسيس وتعجب بيه..
28- خرسيس
MAGED email | ٢٩ نوفمبر ٢٠١٠ - ٥٠: ٢٠: ٢٢
٤-  
طريقة جديدة في الكتابة لجذب كثير من القراء السيس
27- جاااااااااااااااااااااااااااامد
rena email | ٢٩ نوفمبر ٢٠١٠ - ٤٩: ١٦: ٢٢
٢-  
بجد موضوع جامد اووووووووووووووووى وجرى جدا جدا ووضح لناس كتير معنى الكلمة دى ومعنى استخدمها
26- سيس
سيس email | ٢٩ نوفمبر ٢٠١٠ - ٥٦: ٣٩: ٢١
٩-   +١١
أحلى حاجة فى البنت الشرقية المثقفة أنها تدعى أن (الـ...) ومايحدث على الكورنيش يتم بدون مزاجها
مسكينة ياولداه مافيش واحدة منهم وصلت لسن البلوغ!!!
آسف بالنيابة عن الشباب السيس لكن ده نفس أسلوب المقال العصرى اللى فوق
ياللا بقى عاوز تقييمات بعلامة الناقص اللى قدامكم!
25- محترمة
فهمى email | ٢٩ نوفمبر ٢٠١٠ - ٤١: ٠٨: ١١
٣-  
جريئة جدا ولكنك احترمتى السيس زيادة عن اللزوم لأنه ...............
24- كلام جري
أحمد email | ٢٩ نوفمبر ٢٠١٠ - ١٢: ١٢: ١٠
٣-  
مروه علي فكره الموضوع جامد اوووووووووووي
بس كلامه جري جداااااااااااااااااااااااااااااااااااااااااااا
ده في كلامات انا كرجل بتكسف اقولها
طيب انا سوال هيجنني
هما ليه البنات بتستغل رغباته وتنفذها ودايما تقول اصل هو ضحك عليه وفهمني حاجات
طيب هي ليه سبتله نفسها وترجع برده تقول ضحك عليه
الموضوع بسيط يا مروه
هي بتبقي عارفه ظروفه كويس وعارفه ان هو صايع وكل همه ان هو يعمل الحاجات اللي انتي كتبها معلش مش هقدر اكتبها
بس هي برده بتبقي عايزه كده في
العلاج يا هبه يبقي من جوه البنات مش من عند الرجاله بس
23- الف تحيه
جومانا email | ٢٩ نوفمبر ٢٠١٠ - ٢٣: ١٨: ٠٨
٢-  
تكرم عيونك يا مروه هالحكى الجميل كتير حلو الله يحميكي ويرفع قلمك دائما عااليا
22- كلامك جميل
مجدي الفلسطيني email | ٢٩ نوفمبر ٢٠١٠ - ٤٢: ٣٨: ٠٧
٢-   +١٠
اولا اسعد الله اوقاتك
انا وبكل وضوح اقول كلامك بسيط وجميل وحلو وملموس ،، انا كرجل تعجبني افكارك وطريقه طرحك لها استمري وياريت نقرء جديدك كل يوم وليس كل اسبوع
اما عن موضوع سيس
فكلمه سيس اصلها تركي وتعني سيء او (بدون ) فمثلا كلمه sharaf sis في التركيه تعني واحد او وحده بلا شرف ومن الجميل انها لا تقال لوصف انثى او ذكر اي انها تقال لوصف من هو بلا شرف دون تحديد الجنس ، وهي تستعمل في تركيا بشكل يومي وطبيعي ولا تعتبر عيبا
كلمه شرف العربيه اتخذ منها اسم شريف وشريفه اي ان الشرف لم يكن يوما يخص الاناث دون الذكور ، ومن هي بلا شرف يطلق عليها تسميات اخرى معروفه انا اطلقها كثيرا ولكن بدون فرق بين ذكر وانثى ،،،، واستطيع ان اقول ان هذا الولد السيس ينطبق عليه انه بلا شرف ،، هذا الذي بلا شرف هو من تقصدينه انتي هو الذي يسبك ويشتمك هو هذا الذي (بلا شرف ) من يستحل اعراض الناس ويحتال على شرفهم بطرق رخيصه
ومن هو بلا شرف هذا هو الذي لا يعجبه كلام مثل كلامك يا مروه ويقذف تجاهم ما هو فيه ،، استمري يا مروه وتابعي وامتعينا بافكاركك الجميله انتي انسانه جميله وفي داخلك افكار تستحق ان تنشر
21- مقال جميل ,جرىء كمان
أبن النعمة email | ٢٩ نوفمبر ٢٠١٠ - ٠١: ٤٣: ٠٥
٢-  
هل من مزيد عن سلبيات سلوكيات المجتمع ، ربنا يحافظ عليكى يا مروة أمين
20- روعه
ahmed email | ٢٩ نوفمبر ٢٠١٠ - ٤١: ٥٤: ٠٢
٣-  
احلى جزء في الكتاب لغاية دلوقتي يا مروه ما شاء الله عليكي و على فكرك المستنير/ الملتزم
بجد حاجه جميله جدا و فكر معتدل و جميل جدا و بعيد عن الناس اللي مش فاهمه الفرق بين الدين الصحيح المعتدل و الحريه الشخصيه و الليبراليه و (اسف ) سب الدين
ياريت كل الناس تتعلم منك ادب الاختلاف
برافو مروه رخا
19- !!!!!!!!
منة email | ٢٩ نوفمبر ٢٠١٠ - ٢٤: ٣٩: ٠١
٠   ٠
مقالة واقعية ولكن ..........!!!!!!!!!!
18- 100000000000% 3ala demaghak elly tisthal titwzen almaz .....I like it too much
Alaa zaki email | ٢٩ نوفمبر ٢٠١٠ - ٢٨: ٢٨: ٠١
٢-  
بجد يامرزه تستهلي نيشان علي كلامك الخالي من الأنفصام و محاكي و لامس حياتنا ..... بشكرررررررررررررك ألف شكر علي أحترامك لعقولنا كل مره بتكتبي فيها .... بحبك خلبكي كده
وقولي للسيس ... عينك حمرا
17- الولدان السيس المخلدون - أجرأ رواية عربية
Fady email | ٢٨ نوفمبر ٢٠١٠ - ١٤: ٥٧: ١٩
٢-  
رد الإدارة : التعليق غير موافق لشروط النشر
16- مجدي العريان
مجدي منصور برسوم العريان email | ٢٨ نوفمبر ٢٠١٠ - ٣٤: ٥٨: ١٧
٢-  
نشكرك يا أخت مروة لأنك وصفتي لنا العيل السيس.
ونحن نرفض بشدة أن يجيب سيرة الأم والأب والأعضاء الطاهرة في الشتيمة.
يجب أن يكون للأب والأم والأعضاء الطاهرة كامل الاحترام والتقدير.
15- tganne yamrwa
rana email | ٢٨ نوفمبر ٢٠١٠ - ٠٨: ٣٠: ١٧
٧-  
كلامك حلو أوي بجد مشاء الله على أفكارك ربنا يهدي يارب كل البنات وتبتل السذاجة ألي بقت فيها دي ولسس دول للأسف بئو كتييييير أوي ربنا يكتر من أمثالك يمروة ويخلق لبنات ولرجل ألي مش سيس ههههههه
14- انا كاتب أي انا مسوؤل
علمانى email | ٢٨ نوفمبر ٢٠١٠ - ٣١: ١٧: ١٧
٨-  
استاذة مروة هلا بيكى
على فكرة انا هحب الاصولية على كتابتك الجميلة دية
الحرية حلوة وابداء الرأي بدون تحفظ على شىء جميل بس فية حدود احنا مجتمع شرقى ناخد من الغرب الحلو ونسيب الوحش نعم اصبحت تلك اللهجة بالشارع المصرى ولكن لا يجب ترسيخها وتدولها من قبل كاتب فى موقع ذو شعبية عندما تكوني كاتبة فأنتى تكوني مبدعة ومؤثرة فى البعض
سيدتي يجب تحمل مسؤوليتك فى ذلك
كل احترام وتقدير
13- عسل
mai email | ٢٨ نوفمبر ٢٠١٠ - ٥٣: ١٥: ١٧
٥-  
عسل يا مروة بجد عجبتنى أوى \\\\\\\"عيال ضاربها السلك\\\\\\\" هههههههههههههههه
ربنا يبعد عننا العيال السيس :)
12- سيس
ميمى email | ٢٨ نوفمبر ٢٠١٠ - ٥٠: ٠٩: ١٧
٦-  
ياجماعه هذه الالفاظ لانها اكيد بتخاطب عيال سيس فاستحملوها بس حقيقى اول مرة اعرف معنى سيس ابنى فى ابتدائى بيشتم اى حد يضايقة يقول ياسيس كده همنعه من هذه الكلمة شكرا للتوضيح
11- good one
laila el komy email | ٢٨ نوفمبر ٢٠١٠ - ٣١: ١٩: ١٥
٥-  
بحييكى بجد عاللى كتباه تسلم ايدك يا مروة
10- مشكلة بجد
mero email | ٢٨ نوفمبر ٢٠١٠ - ١٤: ٥٩: ١٤
٥-  
على كده كل شباب مصر بقوا سيس
9- مفيش كلام بعده
بيجو email | ٢٨ نوفمبر ٢٠١٠ - ٣٠: ٤٦: ١٤
٤-  
بجد كنت دايما بسأل يعني ايه سيس ميرسي انك نورتيني
كل الكلام ده ينطبق على الزباله و فمت دلوقتي ان سيس يعني زبالة
بشكرك على محاربتك للسيس
و طبعا اذا خرج كلام قذر من سيس ما يضايقكيش ماهو سيس بقى

سلامي يا احلى مروة
8- رائعة
شريف email | ٢٨ نوفمبر ٢٠١٠ - ٠٠: ٣٦: ١١
٧-   +١١
المقالة رائعة و واضحة و صريحة و أنا لا أجد أى حرج او مشكلة فى كتابة هذة الألفاظ طالما أنها تعبر عن رأيك، إكتبى يا مروة و عبرى عن اللى فى نفسك و قولى و لا تخافى، إفضحى العيال الفرافير و السيس، إفضحى الرجل الشرقى المتذمت و عاداتة الرجعية...

و الله أنا بافرح جداً لما بقرالك و بحس إن لسة ف مصر فى ناس بتفهم و إن لسة فى ناس صادقة مع نفسها و تفعل ما تقول و إن مازال هناك أناس لم يصبهم الفصام النفسى الذى نعانى من مرارة نحن المصريين فى مجتمعنا فى الوضع الحالى...

100 100 يا مروة...
7- الفكرة حلوة
مصطفي email | ٢٨ نوفمبر ٢٠١٠ - ٥١: ٠٨: ١٠
٦-   +١٠
بصراحة الفكرة حلوة وشرح الكلام حلو ،،، بس الالفاظ محتاجة مراجعة يا استاذة مروة ،، والله في كلام اتكسفت من نفسي وانا بقراه ،،، من فضلك ماتضيعيش افكارك الحلوة بسبب الفاظ في افضل منها عشرين الف مرة
شكرا لسعة صدرك
6- مقاله ذات هدف ومضمون ..... وصريحة للغايه
سودانى من أصل مصرى email | ٢٨ نوفمبر ٢٠١٠ - ٠٧: ١٣: ٠٩
٩-  
فى رأيى أنها مقاله جيده ذات هدف واضح ومست واقعا لايمكن ألتغافل عنه وأن جاءت بأسلوب
يتميز بالجرأة .. والصراحة المتناهية ..... ألا أننى أعتبرها جيدة لأنها تتناسب مع المعنى والمضمون
الذى يتعلق بأصل الموضوع ولم يحيد عنه .......... .
5- رائعة
sedky email | ٢٨ نوفمبر ٢٠١٠ - ٢٤: ٣٧: ٠٨
٨-  
بصراحة انا اول مرة اقرأ للاستاذه مروة رخا
بس بصراحة عجبني المقال بغض النظر عن الالفاظ بس في بعض الاحيان لازم نسنتخدم بعض الالفاظ لتوضيح المعنى وكذلك للتوضيح للراجل السيس اللي اصلا هي ديه طريقة في الحوار
ارجوا ان يكون المعنى وصل الي قرائك بدون النظر الي الالفاظ
4- ولا يهمك من السيس
أحمد آيرلندا email | ٢٨ نوفمبر ٢٠١٠ - ٢٢: ٣٥: ٠٥
٤-  
كلها 10 أو 20 سنة ويعرفوا قيمتك والجوايز ترف على أسلوبك وأفكارك لما المجتمع كله يبقى مهيس
ومقضيها ويتخلص من عقده وكلاكيعه ويبقى شعب أصلي شعب وش
أنا مندهش
3- unexpected langwich
samir ames email | ٢٨ نوفمبر ٢٠١٠ - ٣١: ٣٣: ٠٣
٨-   +١٩
قالت جدتي الألفاظ سعاده فاختر يا ولدي أحلاها وابعد عن ما يخدش ألحياء فلغتك تدل علي شخصيتك .... مع تحيات سمير اميس
2- bad one
مايكل جودة email | ٢٨ نوفمبر ٢٠١٠ - ٤٥: ٤٤: ٠١
٩-   +١٢
كان ممكن تعصفي ذهني بشكل اكثر احتراما للقلم .. المقصود وصل .. ومنهجك تغالط هذه المرة
وابتذال الافاظ كان سئ جدا
1- good one
روز email | ٢٧ نوفمبر ٢٠١٠ - ٥٦: ٤٢: ٢٣
١٢-  
حلوة قوي مقالتك النهارده يا مروة مع بعض التحفظات ف بعض المفردات الي كتبتيها مكنش ينفع تكتبيها و كده انتي هتخلي العيل السيس يشتمك ويجري
ع العموم الي عنده حساسيه منك يا مروه يبقي ياخد كلارتين قرص مساءا كل يوم حد مش مشكله حاجه بسيطه
بهييكي
أضف تعليق
الاسم:
البريد الألكترونى: (إختيارى)
عنوان التعليق:
نص التعليق:
ارسال
  * تستطيع الكتابة بالحروف الأنجليزية كلمات عربية داخل نص التعليق ثم تختار المعنى المطلب من القائمة التى تظهر لك، مثل alaqbat = الأقباط وهكذا .. ، وتستطيع غلق هذه الخدمة بالنقر على "on" لتصبح "off" أسفل نص التعليق على الشمال.