الأقباط متحدون | فى يوم فى شهر فى سنة 2008
إغلاق تصغير حمل تطبيق الأقباط متحدون علي أندرويد
ستظهر الصفحة بشكل مختلف لآنك تستخدم نسخة قديمة من متصفح أنترنت أكسبلورر، استخدم نسخة حديثة من انترنت اكسبلورر او أى متصفح أخر مثل فايرفوكس لمشاهدة الصفحة بشكل أفضل.
أخر تحديث ٢١:٠٣ | الأحد ١٤ نوفمبر ٢٠١٠ | ٥ هاتور ١٧٢٧ ش | العدد ٢٢٠٦ السنة السادسة
الأرشيف
شريط الأخبار
طباعة الصفحة
فهرس الدنيا خيارة
Email This Share to Facebook Share to Twitter Delicious
Digg MySpace Google More...

تقييم الموضوع : ****.
٢٥ أصوات مشاركة فى التقييم

فى يوم فى شهر فى سنة 2008

الأحد ١٤ نوفمبر ٢٠١٠ - ١١: ٠٨ ص +02:00 CEST
حجم الخط : - +
 

بقلم: مروة رخا
الأحداث الآتية وقعت فى شهر مش فاكراه فى سنة 2008 و اتكررت 4 مرات فى أغسطس 2009 مع أربع أشخاص مختلفين.
البدايات: لسة متعرفين ... الدنيا لطيفة ... خرجنا مرة و لا اتنين ... شوية تليفونات و رسايل على فيسبوك ... و بعدين فى قعدة حلوة كدة يتفتح الكلام
أنا: "قريت مقالى عن ال horizontal relationships؟"
المواطن أى كان اسمه: "يعنى إيه مش فاهم؟"
"يعنى فى علاقات vertical و فى علاقات horizontal و أنا علاقتى بيك horizontal"
"إيه الفرق يعنى؟"
طبعا الراجل وشه قلب و اتخطف كدة
"العلاقات ال vertical دى معناها إن الواحد يرتبط بإنسان واحد يخليه محور حياته و يديله كل الحب و المشاعر و الوقت و الأحلام و كدة"
"أيوة العلاقات الجادة يعنى"
"مش بالظبط لكن خلينى أكمل ... العلاقات الhorizontal  دى لما يكون الواحد بيعرف أكتر من حد فى نفس الوقت و مدى لنفسه فرصة كاملة لمعرفة كل طرف فى خطوط متوازية ... و طبعا الصراحة و الوضوح و المساواه شروط أساسية"
"إيه الهلس دا؟ طبعا مش موافق ... انتى عايزة تعرفينى و تعرفى معايا ناس تانية؟ أنا مش فارق معايا انتى عرفتى مين قبل كدة لكن ما ينفعش تعرفى ناس تانية و أنا موجود"

"ليه لأ؟"
"إيه هو اللى ليه لأ؟ انتى تقبلى إنى أعمل كدة؟"
رديت بكل ثقة: "و هو أنا ليا إيه عندك علشان أرفض؟"
"بصى ... الكلام دا ماينفعش ... أنا بغير عليكى يا ستى و مش عايز حد يشاركنى فى حاجة بتاعتى"
"أولا انت بتغير عليا بمناسبة إيه؟ اللى بيغير دا بيغير على حد هو بيحبه و حاسس إنه بيمتلكه و إنه بتاعه لوحده .. لكن إحنا لسة متعرفين و فى أول علاقتنا يعنى لا فى حب و لا أنا بتاعتك ... أنا ملك نفسى ... يبقى بتغير بمناسبة إيه؟"
"يعنى ازاى أقبل إنك تقابلى ناس تانية؟"
"أنا مش بـ أقول لك الكلام دا علشان تقبل أو ترفض لأن انت مالكش إنك تقبل أو ترفض ... أنا بـ أقول لك من باب الوضوح ... أنا مش بـ أمثل فيلم اسمه علاقة حب .. أنا عايزة علاقة بجد مبنية على أسس"
"جد؟ أسس؟ هتيجى منين الجد و الأسس؟"
"لو أنا النهاردة باتعرف على أربعة فى نفس الوقت و بعد سنة لقيت نفسى مش باعرف و لا عايزة أعرف حد غيرك دا معناه إيه؟ ... معناه إنى اختارتك بكامل وعيى و إرادتى ... سيبنى أختارك"
"أنا أول مرة أسمع الكلام دا ... أنا مش متخيل اللى انتى بتقوليه دا"
"انت مغيب"
"أفندم؟"
"أيوة ... انت بتتصرف وفقا لموروثك الثقافى مش وفقا لعقلك و قناعاتك الشخصية ... بالبلدى كدة حافظ مش فاهم. هما قالولك غير لكن هل انت فعلا حاسس بالغيرة؟ هما قالولك دى إهانة لكن هل انت حاسس بالإهانة؟"

"أيوة طبعا"
"ليه؟ العقل بيقول إن أنا و انت لا بينا حب و لا بينا عهود و لا بينا التزام و لا بينا حقوق و واجبات .. احنا لسة بنعرف بعض و يمكن نكمل و يمكن لأ ... يبقى اللى انت حاسس بيه ماسمهوش اهانة ... اسمه منافسة"
"منافسة إيه؟ أنا اتعصبت منك"
"البقاء للأصلح! أنا هاعرف واحد و اتنين و تلاتة لكن هدى قلبى للأصلح و هاستقر جنب الأنسب. أعرفك أنا منين علشان أقرر إن "هو دا"؟ و انت بأى حق بتطالب بال exclusivity و علاقة حصرية ... و اسمح لى اقول لك إن كلامك دا كله مبنى على منظرك قدام الناس و على خوفك من الهزيمة و على ذكورية مواطن أرعن"
"طيب .. ماشى ... أنا كمان هاعمل كدة"
"حقك و لو قلبك و عقلك اختار حد غيرى يبقى ربنا يوفقك لكن إنك تقول لى النهاردة إن أنا اللى كنت بتدور عليها و كمان كام شهر تقول لى ان انت متلخبط و مش متأكد .. دا بقى اللى أنا مش هاسمح بيه. و موضوع الدم الحامى و الطبع الحمش و الفيلم دا مش بتاعى و ماليش فيه"
"طيب ممكن كمان 3 شهور تنهى علاقتك بالتانيين؟"
"اشمعنى 3 شهور؟"
"علشان تكونى قررتى؟"
"و هقرر على أساس إيه؟"
"هنكون عرفنا بعض"
"إيه المقياس؟"
"مقابلات و كلام و نكون قربنا من بعض"
"كام مقابلة و كام كلمة و كام ضربة قلب تخلى الواحد يقرر؟"
"انتى بتتريقى؟"
"لأ ... انت اللى حددت ال3 شهور دى كأنها نسبة طبية متعارف عليها"
"انتى عايزة إيه؟"
"عايزة نعرف بعض كبشر على المستوى الإنسانى و ترسى زى ما ترسى ... يمكن نحب بعض و يمكن لأ ... يمكن نقرر نتجوز و يمكن لأ ... يمكن نبقى أصدقاء و يمكن مانكلمش بعض تانى"
"انتى مش خايفة؟"
"من إيه؟"
"من إن إحنا ما نتجوزش؟"
"لأ ... أنا كابوس حياتى إنى أتجوز شخص غلط مش إنى ماتجوزش خالص."
"انتى جايبة الثقة دى منين؟"
"دا إيمان مش ثقة ... بيبقوا قاعدين جنب بعض فى الكوشة و مش مقسومين لبعض و انت عارف ان الدنيا زى الخيارة ... يوم فى إيدك و يوم فى السلطة."




كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها



تابعونا على صفحتنا علي الفيسبوك
تقييم الموضوع :
 
تعليقات القراء


30- Marriage
Dan email | ٢٧ نوفمبر ٢٠١٠ - ٥٥: ٠٧: ١٩
٠  
The whole article has an American flavor, as if the writer was raised in the U.S. not in Egypt.
Marriage is a complicated subject, the more options you have, the more complicated it becomes. The west has the wide variety of freedom and a man can live unlimited period of time with a girl, even more the same sex can live together. This did not make it easy at all.
Marriage as a subject, you need to define marriage, for a girl is it a chance for getting gifts, showered by romantic words and opportunity of shopping dresses and jewelers? For a man is it a chance to own a female and subject her to all your desires? Or a chance to vent your anger on a weak person and has one answer which is: YES.
Marriage is building a family and both genders when they approach this life time commitment, they have to look on the long run, is this partner able to build a family. Or I am looking for an immediate benefit which I can no longer see beyond this benefit.
Sometimes marriage is a license to run away from an immediate problem, which leads to long lasting problem.
In India, the traditions control all the religions over there and the marriage is arranged. The man does not know the girl, but it is arranged by the families. There is no boyfriend girlfriend relationship and the divorce rate is less than 5%. But thanks to globalization and modernization, the divorce rate is climbing up.
At the end do not base marriage on GREED, because you are the one who whets hurt.
The west has suffered from Room Mate Relationship. They started when they cannot afford the rent or when they want to try each other. Then at the first problem, they separate.
We need to give marriage a fair chance and think of a long term relation, not room mate relationship.
29- انا لا اقبل
منة email | ٢٣ نوفمبر ٢٠١٠ - ٢١: ٠٧: ٠٤
٠  
انا بنت بس مقبلش بالكلام دة مينفعش خالص لا يصح الا الصحيح وفى النهاية عمرى ما هتنازل وهجوز واحد وسلام عشان لازم اتجوز اكيد مش هوافق غير اللى احس انه هو الشخص الصح الذى يعتمد عليه لكن عمرى ماهعمل اللى بتقوليه دة لانى مش هقبل بدا ولو اللى قدامى قبل بكدة هينزل من نظرى فى النهاية مهما اتكلمنا عن الحرية وحتى الشباب اتكلموا عنها عشان يتظاهروا بالحضارية فنحن مابداخلنا لايتغير مهما اتطورنا بتغلب فينا التقاليد والموراثات واتحدى حد من اللى علق انه يقبل بالكلام دة فى الواقع وشكراااا
28- Thanks
nada email | ٢٢ نوفمبر ٢٠١٠ - ٢٩: ١٢: ١٣
٠   ٠
فعلا كلامك وضح لي اشياء كثيرة كنت محتاجه
ارجوالتركيز في المعاني و ترك المصطلحات
27- بس هل دىطريقة تنفع للصداقة؟ ولا للحب والزواج؟
واحدة من الناس email | ٢٠ نوفمبر ٢٠١٠ - ٣٩: ٠٣: ١٤
٠   ٠
لما الموضوع يكون عقلانى بالشكل الكبير ده بيكون عشان اختيار بين شغل او شقة او حتى علاقة زمالة او صداقة لكن زواج اعتقد لازم يكون فيها مشاعر واحاسيس وصعب تتولد المشاعر والاحاسيس والواحد بيلف بين اكتر من انسان.
ممكن الواحد يرتبط بإنسان ظروفه او صفاته اقل بكتير من الباقيين وده بسبب ان قلبه اتفتح له والحب قال كلمته
لكن زواج بالطريقة الرياضية دى ؟ صعبه شوية
وبعدين نكون صرحا شويه ... علاقات التعارف والصحوبية كتير جدا وممكن البنت اللى عاوزة تقيم اكتر من علاقة فى نفس الوقت من هذا النوع حتعملها وبسهولة جدااااااااا
لكن علاقة هدفها الزواج اصبحت قليلة جدااااااااا لاننا كلنا عارفين ان السوق نايم واللى بتلاقى واحد نيته فعلا الزواج تبقى محظوظه
26- من حقى أختار
susu email | ٢٠ نوفمبر ٢٠١٠ - ٠٩: ٠٥: ٠٠
٠   ٠
كلامك مش عاجبنى خالص أنا مع أن الواحده تدى لنفسها فرصه و لو معجبهاش تقلب لكن علاقة أفقيىة و كلام من ده ده هبل و فيه حاجه أن الكمال لله وحده يعنى نلاقى حد فيه مميزات و عيوب و نعرف عيوبنا و كل حد يأقلم نفسه مع التانى و كده يبقى أحنا الأتنين مكملين بعض
25- جميل اوى
خالد email | ١٨ نوفمبر ٢٠١٠ - ٤٢: ٢٨: ٢٢
٠  
ربنا يوفقك موضوع هايل وصراحه متناهيه مبنيه على ثقافه وثقه
24- وجهة نظر
هاني حسن email | ١٧ نوفمبر ٢٠١٠ - ٣٩: ٢٠: ١٦
٠  
اول تعليق اقوم بكتابته بعد متابعتي للفصول السابقة لتكوين رأي فيما تطرحين
واليكم وجهة نظري فيما هو مكتوب وفي من كتبه وفيمن رد على هذه الموضوعات
ما هو مكتوب وجهة نظر كاتبة لها اسلوب شيق وسلس اما المحتوى فيعبر عن افكار صريحة قد يتهمها البعض بالوقاحة او الخروج عن المتعارف عليه وقد يشجعها البعض الاخر لعدم قدرتهم على التعبير عما يكمن في صدورهم وداخل انفسهم
انا لا اشجع وجهة النظر ولا اعارضها ولكني مؤمن ان لكل شخص تجربته الخاصة ولا يمكن تطبيق ما يحدث لشخص من احداث وردود فعله عليها مع شخص اخر فالنفس البشرية مختلفة الطباع ما يستفزني فيما قرأت هو اباحة الخطاء على اطلاقه على اعتبار اننا بشر ويجب ان نخطيء لنتعلم من اخطائنا
اسف للاطالة ولكن لي كلمة اخيرة لا تعتبروها نصيحة اذا لم يكن لك فكرك الشخصي الذي تؤمن به لا تتبع افكار اخرى قد تقودك لنتيجة لم تكن ترجوها كن انت حتى تستمتع بحياتك
23- كل شي جايز
روز email | ١٥ نوفمبر ٢٠١٠ - ٢٩: ٤٥: ١١
٠   ٠
بصي انا شايفه انه الراجل مش بيفهم الحاجات دي ساعات لما بنت بتقوله ده في واحد تاني يبقي قصدها تخليه يغير ويتلحلح شويه و يبقي قدامه حل من الاتنين لو كان جد هيلحلح لو كان بيهزر هيقولك غوري مش عايزك و بساطه يرد حظ سعيد وكان الي قصاده دي مش بني ادمه حاجه زي الحيوانات
وساعات برضه تبقي بتقوليله كده عشان تحطي النقط ع الحروف وده بيبقي تفكيرك بعقلك هو الي مسيطر وده بالنسبه للبنات صعب شويه
22- Tangential
مجدي منصور برسوم email | ١٥ نوفمبر ٢٠١٠ - ٤٠: ٠١: ١١
٠   ٠
لتفادي حدوث النقطة الهامة التي أثارها أخونا ابن البلد في مداخلته رقم 17 فإنه يفضل أن تكون العلاقة tangential فقط.
لهذا يجب تأجيل العلاقة ال perpendicular لما بعد الزواج.



21- good luck
Ay Kalam email | ١٥ نوفمبر ٢٠١٠ - ٠٩: ٠٦: ٠٥
٠  
In my humble opinion if you have a group of nice friends and you go out together and then gradually get closer to one of them and chose him as a partner then that is a horizontal relationship turning to a vertical one very smoothly.
But if you are dating to find a partner, it is unfair to date multiple people in the same time ,unfair to you before it is unfair to them .As this could make you confused and would not give the other person a whole chance to get to know him , you will be comparing them all the time and not satisfied by anyone.. I think it is more respectable to give each person few chances and not taking by first impressions and in the same time you don’t want to have dragging (on and off) relationships.
Currently I am a happily married women ,in the past I felt so insulted when I had a 3arees who was used to visiting me and my family with and without his whole family multiple times taking me out few times and by coincidence I learned that he had a schedule for all the girls he was dating (or should I say shopping for) even phone calls were scheduled .Human relationships should be different than shoe shopping
20- أستغفر الله العظيم
أحمد آيرلندا email | ١٥ نوفمبر ٢٠١٠ - ٤٦: ٣٧: ٠٤
٠   ٠
بنات آخر زمن
قال هوزنتل وبوزنتل قال
آدي اللي كان ناقص
أنا مندهش
19- ومضي قطار العمر ياولدي
رؤوف رياض email | ١٥ نوفمبر ٢٠١٠ - ٢٢: ٥٣: ٠٢
٠  
علاقات افقية وعلاقات رأسية ومعرفة فى خطوط متوازية, ومساواة بين الاضلاع, دي بقي اسمها هندسة فراغية توصلك الي الفراغ. قابلت واحد عمرة الان ٤٢ سنة بيقول جاتلة فرص بالهبل وقعد يتفلسف الي ان وصل الي الفراغ, مشكلتة الان ان الحاجات الحلوة اتخطفت وهوة الان مش لاقي الا اللي فاتهم الدور مثلة وهما مش عاجبينة, بماذا تنصحية ياأستاذة مروة , هل ممكن يلم الخيارة المتقطعة في السلطة ويحطها علي بعضها تاني ولا نقول انة سقط بين الخطوط المتوازية لانة لم يقطعها بخط افقي.
18- مش خيارة دى بءت مهلبية
كتكوتة email | ١٥ نوفمبر ٢٠١٠ - ٠٥: ٠٧: ٠٢
٠   ٠
١: الجملة دى(ذكورية مواطن أرعن)فكرتنى بفوزية البرجوازية
٢:افردى انك لقيتى انو هو ده انسب واحد لكى بعد مأعتى تختارى وهو كمان يختار بس هو لقى انو واحدة تانية هى اللى انسبلو يبء اية العمل
٣:النظرية اللى انتى بتقوليها دى اه فالاول ممكن ومفروض مش تعد الفترة كبيرة ويبء انتى مفهماه انو هو صديق بس وانك هتفكرى فى الموضوع عشان مش يعشم نفسو اوى وبرضو مش فقد الامل اما بء لو ميت واحد مع بعض من غير متفهميه كده كتبء مش خيارة عتبء مهلبية
17- و لكن
ابن البلد email | ١٤ نوفمبر ٢٠١٠ - ١٦: ٢٩: ٢٣
٠   ٠
الكلام ده ماهواش جديد و له منطق و مش وحش بشرط انك تكون بلا اى قيم روحية و ايمانية ، وانك تتحمل مسؤلية ما تفعله لو حدث حمل مثلا و متعملشى عملية اجهاض ، و انك متكونش ضد مبدأ الحب اصلا ، او ضد مبدأ الانجاب يعنى انانى و طفس و مبتحبش غير نفسك ، يعنى مبدأ الحرية يجب الا يتعارض مع كونك انسان والا تتحول الحياة الى مجرد خواء ينتهى غالبا بالانتحار و اياك ان تستهين يعنى تعمل نفسك واد جامد وتقدر على كل حاجة و فى الاخر تنتحر. فاهمنى
16- انوثة مواطنة رعناء
قبطاوى email | ١٤ نوفمبر ٢٠١٠ - ٠٤: ٢١: ١٧
٠   ٠
كتير من البنات بيعملوا كده بس مش بيقولوا والمصيبة ان البنت قبل اى حاجة تطلب دبلة وبعد الدبلة تفكر وتقارن وتحسب حساباتها لإرضاء انوثة مواطنة رعناء ... اوعى تزعل نفسك يا استاذ عوض بسيط ومعاش ولا كان اللى يخلى اى راجل يحس انه سوسن ... حتى لو لحق به اتهام ذكورية مواطن أرعن
15- الى الاستاذ مجدي منصور برسوم
قبطاوى email | ١٤ نوفمبر ٢٠١٠ - ٠٤: ١٤: ١٧
٠  
شكرا على الإيضاح ونتمنى منكم تكملة باقى انواع العلاقات والتى تشمل كل انواع الخطوط الافقية والرأسية بدرجات ميلها وتماسها المختلفة وكذلك الخطوط العوجاء والخطوط المنكسرة ودرجات الانحدار وزوايا الالتقاء .... هو صحيح يا استاذ مجدى..
14- ذكورية مواطن أرعن
قبطاوى email | ١٤ نوفمبر ٢٠١٠ - ٤٤: ٠٦: ١٧
٠   ٠
ذكورية مواطن أرعن بصراحة العبارة دى فطستنى من الضحك ، فهل المواطن citizen فى مصر ينقسم الى درجات ، بالاضافة لكونه درجة اولى او درجة تانية حسب ديانته وحسب وجوده الجغرافى الخ ... هل اضيف الى تصنيف المواطن الذى يحمل الجنسية المصرية تصنيف اخر يستند الى مدى ذكوريته الرعناء !!! هى دى ام الدنيا .... عقبال كل البنات ما يتجوزوا مواطنين لا يحملون صفة ذكورية مواطن أرعن .... وبعدين المادة الاولى من الدستور تقوم على المواطنة بغض النظر عن الدين او الجنس او العرق او اللون او الذكورية او الرعونة ...ليه بقى التمييز ده .
13- الحرية
مجدي منصور برسوم email | ١٤ نوفمبر ٢٠١٠ - ٠٠: ٠٤: ١٧
٠   ٠
الاستاذ عوض بسيط المحترم
تحية طيبة
أرجوك لا تمنع سعاد من الذهاب لعادل.
نحن نطالب بالحرية الكاملة لسعاد.
وتقبل تحياتي
12- change the title
ranwa email | ١٤ نوفمبر ٢٠١٠ - ٣١: ٤٥: ١٦
٠   ٠
دي اسمها صداقة مش بروفة جواز
11- وجهة نظر
عوض بسيط email | ١٤ نوفمبر ٢٠١٠ - ٤٤: ١٥: ١٥
٠   ٠
من حق كل واحد يختار طريقة الارتباط اللي تريحه، ومهم جدًا بالفعل إن كل الأمور تكون واضحة من البداية.. يعني على مية بيضة!

بس أنا مش متخيل إني أكون قاعد مع سعاد تقولي معلش لازم امشي بعد ساعة علشان عندي ميعاد مع عادل، فأقولها طب استني أوصلك!! ساعتها هحس إن أنا بقيت سوسن!!
10- فعلا خيارة
المعلم email | ١٤ نوفمبر ٢٠١٠ - ٠٤: ٥٣: ١٤
٠   ٠
الدنيا خيارة فى ايد مروة محتارة
9- خناقة
ممدوح موريس email | ١٤ نوفمبر ٢٠١٠ - ٠٨: ٤٧: ١٤
٠   ٠
كلام حلو وجميل جدا ولكن بصراحة شديدة انا شايف ان الحوار دا بين شخص ونفسه يعنى بيحكى مع نفسه بكلام فلسفى نفسه يقوله لرجل .
وفعلا المقال دا بجد لازم يكون عنوانه ( خناقه او اعرف شوية مصطلحات او نفسى اقول هذا الكلام لرجل
او العنوان الاخير بقا (انا قلبى كبير بيحك انت وكتير)
8- حقيقى
فهمى email | ١٤ نوفمبر ٢٠١٠ - ٤٢: ٥٩: ١٣
٠  
كلامك بيحصل فعلا بس مش بيبان بالطريقة المباشرة دى لكن الواحد بيعمل علاقات طيبة مع كل الناس وبيختار واحد منهم بيكون مرتاحله وبيكمل معاه -- لكن مش شرط اقول لكل اللى باعرفهم ان احنا علاقتنا هوريزنتل لانها اكيد هوريزنتال من غير ما اقول -- ولكل واحد حرية اختيار الفيرتيكل بتاعه

بس بجد موضوع رائع
7- هايييييييييييل
sherine email | ١٤ نوفمبر ٢٠١٠ - ١٣: ٣٨: ١٣
٠   ٠
كلام مظبوط جدا
6- ياااااااااه
noha email | ١٤ نوفمبر ٢٠١٠ - ٢٠: ٣٣: ١٢
٠   ٠
اولا الكتاب جميل جدا بجد كل جزء بيضيف لى انا شخصيا افكار انا كنت محتاجها فعلا بس الجزء مش قادره اقولك جالي في الوقت المناسب ازاي بجد يا مروه ربنا يوفقك
5- كلام سليم جداً
مجدي منصور برسوم email | ١٤ نوفمبر ٢٠١٠ - ٤٥: ٥٦: ١١
٠  
أنا أحب ال Horizontal جداً ، وقد ظلت علاقتي بصديقتي السابقة Horizontal لمدة سنتان ،
ثم أنهيت العلاقة معها وأقمت علاقة Vertical مع صديقة أخرى لمدة ثلاث سنوات.
ثم تزوجت زوجتي العزيزة أيضاً Horizontal .
والأن أنا أعيش Diagonal مع زوجتي.
ولكن زوجتي تقول دائماً أن ال Diagonalعمره مل ينعدل.
4- جميل
شيماء الجمال email | ١٤ نوفمبر ٢٠١٠ - ٤٩: ٢٢: ١١
٠   ٠
كالعادة يا موري :)

ممتع
3- WOW
marwa hassan email | ١٤ نوفمبر ٢٠١٠ - ١٩: ٢٠: ١١
٠   ٠
amazinggggggg . liked it sooo much marwa . it is the best part of your book ، guess it is ma favourite till now . you\\\'re stunning & thank you for sharing such an idea .
2- ههههههههه لعل المانع خير
مايكل جودة email | ١٤ نوفمبر ٢٠١٠ - ٠٧: ٤٢: ١٠
٠   ٠
صدقيني يا بنتي كلامك كويس وان كنت بشوفه يصلح للبعض و البعض الاخر لا .. بس بجد متميزة في ايمانك بوجودك .. بس ياريت كلامك يتحول كمان للميديا يمكن الناس تفوق من الهبل التركي اللي بيشوفوه في المسلسلات
1- بحترمك
rhposha email | ١٤ نوفمبر ٢٠١٠ - ١٧: ٢٢: ١٠
٠   ٠
بحترم وضوحك فى فكرك وصراحتك وجرأتك انتى هايلة ربنا يوفقك
أضف تعليق
الاسم:
البريد الألكترونى: (إختيارى)
عنوان التعليق:
نص التعليق:
ارسال
  * تستطيع الكتابة بالحروف الأنجليزية كلمات عربية داخل نص التعليق ثم تختار المعنى المطلب من القائمة التى تظهر لك، مثل alaqbat = الأقباط وهكذا .. ، وتستطيع غلق هذه الخدمة بالنقر على "on" لتصبح "off" أسفل نص التعليق على الشمال.