صدمات "أهو ده اللي صار".. انقسام حول النهاية وصراع بسبب الغراميات

وقال "جورج": "المسلسل كان عظيم لحد قبل ما يوسف الثالث يموت بعد كده الإيقاع بدأ يقل وفين لما تلاقي أحداث ثقيلة لحد ما طبيعي جدا النهاية تبقي فارغة بالشكل ده، المفروض اتفاجئ بأن يوسف عمل القصر قصر فنون ولا أن فاروق بيه ابن خدامة! النهاية وحشة جدًا ومتلقيش بالمسلسل وده عيب سيناريو".
 

فيما قالت "يارا": "الواحد مضايق من نهاية المسلسل، مفيش ولا حبكة ولا أي عمق يتماشي مع السيناريو والتصوير والجو بتاع المسلسل، نهاية متكروتة كأن المراقب هيلم الورق بعد 5 دقايق، وفلت منهم أحداث كتير ضاعت منهم، مش عارفين يعملوا نهاية لطيفة وأنا اللي كنت عمالة اتخيل حاجات كتير بس يا خسارة فعلًا.. بالنسبة لي المسلسل كله ممكن أقول إني مخرجتش بيه غير بحلقة لما علي بحر وأصداف كانوا في الشارع وبيتكلموا عن الحب".
 

كما حظت نهاية المسلسل على إشادات من قِبل الجمهور، حيث قالت: "ريم": "نهاية عظمة والمسلسل كله عظمة ومفتكرش إني هلاقي مسلسل في عظمته تاني"، فيما أشادت "إسراء" مع نهاية أحداث المسلسل، بقولها: "مع نهاية المسلسل نقول إن أصداف -أروى جودة- أبدعت يا جماعة".
 

وعلى صعيد آخر، مكياج الفنانين داخل المسلسل، كان موضع خلاف بين الجمهور، إذ نال العديد من الإشادات والانتقادات على حدِّ سواء، حيث قال "محمد فؤاد":  
 

"المسلسل أنا بعتبره بيعمل شبه تأريخ لمصر في أخر 100سنة، وخصوصًا الحركة الفنية حاجة عظيمة فعلا وقيمة وبرافو لكل حد شارك في الحالة الفنية في المسلسل ده.. لكن من ساعة ما الدراما خدتنا معاها والسنين بدأت تجري بأبطال المسلسل وابتدوا يكبروا في السن وأنا في حاجة كانت بتفصلني واحدة واحدة عن المسلسل.. وهي مكياج الممثلين للأسف المكياج في العمل ده أضعف من إنه يتقال عليه حتى إنه شغل هواة يا صُنّاع الدراما.. أرجوكم اهتموا بجميع تفاصيل الصورة.. المسلسل حالة حلوة جدًا لكن بجد المكياج كان بيضعف مصداقية كل شيء".  
 

فيما قالت "هدى": "سوسن بدر وروبي في دور نادرة مكياجهم لما كبروا حاجه أوفر"، بينما قال "محمد": "مكياج روبي وسوسن بدر وهشام إسماعيل حلو".