بالفيديو.. الأنبا بيمن غاضبًا: حادث المنيا غدر وخيانة فى عام مؤلم وكله كرب

كتب – سامي سمعان
قال الأنبا بيمن أسقف نقاده وقوص، "كنت أحب إلا اعمل مداخلات؛ لان عندي كلام كتير جدا، ده كلام مينفعش وكلام لا يليق، ورد الفعل يجب أن يكون ايجابي وسريع، والمفروض المرة اللي جاية قبل ما يحصل حاجة زي كدا الدولة أجدر وأقدر بأجهزتها أن توقف الحادث قبل ما يحدث".

وتابع الأنبا بيمن خلال مداخلة هاتفية بقناة "مي سات": "لما تيجي الضربة من الغريب أحيانًا نلتمس عذرا، ولكن لما تيجي الضربة من الحبيب أو من الحارس دا يبقي غدر وخيانة ومافيش تعبير تاني يتقال أكتر من كدا".

وأضاف: "دا غدر وخيانة انه استخدم سلاحه الميري وأنا وانت واللي قتلوا دفعين الالاف الضرائب علشان يشتروا له السلاح، وبدلا من أن يحافظ ويكون سبب شعور بالأمان".

واختتم أسقف نقاده وقوص "ربنا يحمي بلدنا ويحفظها ويعطي سلام وفطنه ومعرفة وهمه لكل مسئول علشان مصر تبقي عظيمة ومصر ترجع لسابق عدها أخوه وصداقة ومواطنة حقيقية أمن وأمان، ويا رب تكون أخر الأحزان فى عام مؤلم وكله كرب، وندخل عام جديد  فيه سعادة وبشر وفيه سلام وهدوء وامان لكل ولاد مصر، أمين يا رب".