الأقباط متحدون - وصية أبى
  • ١٠:٠٦
  • الاربعاء , ٥ ديسمبر ٢٠١٨
English version

وصية أبى

د. مصطفى راشد

مساحة رأي

١٢: ٠٤ م +02:00 EET

الاربعاء ٥ ديسمبر ٢٠١٨

الأب
الأب

 د مصطفى راشد

قصيدة 

يابُنى لا تكن فرد فى قطيع أومطــيـة 
ولا تعيش إنســان بلا هدف أو عـطـيـة 
ويجب أن يكون لك موقف من كل قضية 
ومبدأ تتمسك به بلا توقف أو روية 
وحَب يابُنى -- كل الناس 
 
وخليك أمين وصادق فى الكلمة والإحساس
وطاهر اليد وعفيف اللسان مع كل الأجناس 
وإبتسم يابُنى دايماً فى وجه الناس 
وخليك مُطلع ومثقف دارس له عقل من ماس
و ابنى أرائك على قواعد وأساس بميزان محسوب حساس 
 
وأوعى فى يوم تفكر لأى حَد فى ضرر أو أَذِيَّة
حتى لو كان من الأعداء 
ومن حقك تدافع لكن إياك تهاجم 
والرحمة مع الخَلق أفضل من الأسية 
وخليك مع المظلوم دايماً بيد قوية 
 
ودافع يابُنى عنهُ فى كل قضية 
وأعلم أن صَدقك يحميك من الأشياء الخفية 
ويخليك تنام بنفس راضية ومرتاحة وهنية 
يابُنى رد الظالم عن ظلمه 
متخافش من غفير ولا حاكم 
 
لأن الرب هو الحافظ والحاكم 
ولازم تقول الحق فى كل الأماكن والمحاكم 
يابُنى خلى عندك بنفسك -- ثقة الدارس والملاكم 
بالضمير الحى إنت القاضى والحاكم 
ونادى دايماً بالعلم والصدق والحرية 
 
خليها ليك رسالة وهدف وغية 
وكرس حياتك للرسالة دية 
لأن فيها نجاحك ونجاتك 
ونجات إخواتك وكل حياتك 
من ناس عايزه راسك 
 
وقيود تكبس على أنفاسك 
وتعيش فى زنزانة خلف حراسك 
دا الحرية يابُنى أجمل شىء ليك ولناسك 
وهى رمز خلاصهم وخلاصك 
والصدق والحرية والعلم سر السعادة 
 
وهما ايضا هدف الحياة  والعبادة 
والفهم عكس العبادة 
والمناجاة من فوق سجادة 
وأجراس أدان ردادة
بتكرس القهر بزيادة 
 
لعقول مغلقة بسدادة 
الحرية يابُنى أجمل ماملك الإنسان 
فهى هبة من الخالق الرحمان 
للإنسان وحتى الحيوان 
لو ملقِيتهاش يابُنى فى وطنك 
 
يبقى أنت أكيد غلطان فى العنوان 
الحرية مش كلمة 
ولا لحن فى غنوة 
ولا نشيد على شفة حلوة 
دى ناقوس الأكوان 
 
وجرس للهامل الغفلان 
لجل مايفوق من الأوهام 
وهى رمز لكل إنسان فنان 
مبدع حالم عاشق ولهان 
ولكل ضعيف محتاج يعيش فى أمان 
 
الحرية يابُنى أجمل سورة وأجمل آية 
فى كل رواية لمؤمن أو ملحد وكل ديانة 
الحرية يابُنى ليها معنى واحد 
مهما إختلف نوع الإنسان 
أبيض أسمر رفيع أو تخنان 
 
يهودى مسيحى مسلم أو حتى عبدة الشيطان 
الحرية يابُنى سلاح قوة 
أمام التخلف والتطرف والإرهاب والعدوان 
الحرية هى إللى بتَبنى وتعمر  الأوطان 
وتحَسن وتهذب سلوك البشر 
 
حتى الحيوان 
أطلب الحرية يابُنى 
ليك ولكل الولدان 
الحرية يابُنى مالهاش حدود 
بس تحترم كل الموجود 
 
والعلم يابُنى كمان 
هو سر الوجود 
والعلم مثل الحرية مالوش حدود 
بشرط يكون لخير البشرية شريان ممدود 
يابنى بالعلم والحرية 
 
تَعمُر الأرض والبشرية 
وتعيش فى سعادة هنية 
وتفهم سر وجودك 
فى الدنيا ديه 
ودى حكاية أبسط من البساطة 
 
مش محتاجة تنظير وفلاسفة وسبعة فى تلاته 
هما كلمتين علم وحرية 
وإذا كان ده شاعر ودا مفتى 
ودا شيخ بيتنخم ويفتى 
ودا كاهن فى كنيسة 
 
ودول حكام خسيسة 
وناس ضمايرهم ميتة ورخيصة 
والكل تايه فى الحسبة العويصة 
وإللى يروح يسأل الحاجة نفيسة 
مع ان الحكاية سهلة وبسيطة 
 
يابنى الصدق والعلم والحرية إجعلهم ميراثك 
وعِلم فى راسك وكراسك 
لأن دول يابُنى هما حراسك 
وهما سر السعادة ليك ولناسك 
وان كنت أنا راحل دى وصيتى وهى كل ميراثك
 
رسالة من 
ابوك اللى بيحبك اكتر من نفسه
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع