فيديو عمرو سعد: أهدى الجائزة وقيمتها المالية لفادي ومينا نجلي شهيدة حادث المنيا

كتبت – أماني موسى
تم تكريم الفنان النجم عمرو سعد، بجائزة أفضل ممثل عن دوره بفيلم "مولانا" من المهرجان القومي للسينما في دورته الثانية والعشرين، وذلك داخل مسرح الهناجر بدار الأوبرا المصرية.

وقال سعد أثناء تكريمه باكيًا، في ولدين متعودين كل يوم الصبح يروحوا المدرسة وكانت والدتهم بتعملهم الساندوتشات وتديهم بوسة وحضن، وهما دلوقتى بقالهم فترة محرومين من ده وبيروحوا المدرسة لوحدهم ومن غير حضن ومن غير بوسة ومن غير ساندوتشات ماما.

مستطردًا، لان والدتهم راحت ضحية حادث المنيا الإرهابي، والقصة دى أثرت فيا بشكل رهيب ، وأنا بهدى هذه الجائزة وقيمتها المالية لفادى ومينا.
مشددًا، القصة دي أثرت فيا بشكل رهيب، ومفيش في إيدنا حل غير أننا نعمل أفلام عن البلاوي اللي بتطلع علينا دي، كل أفلام السينما المصرية ضد الإرهاب.