مهما تعملي فيا برضو غالية عليا.. بحبك يا مصر
مع القراء | الراسل: ميلاد وصفي
٥٥:
٠٣
م +03:00 EEST
الأحد ١٣ فبراير ٢٠١١
مهما تعملي فيا برضو غالية عليا
بحبك يا مصر
لو احتجت ليكي بنده يا مصر عليكي
مانتي أمي يا مصر
ولو انتي مش بتسمعي ليا برضو غاليه عليا
مانتي في قلبي يا مصر
مهما أغيب وأروح لبعيد مصيري
برجعلك يا مصر
لو أشرق أو أغرب أو أبعد أو أقرب
نيلك بيندهلي يا مصر
عدت عليكي أيام كان نيلك يبكي والناس فيكي بتشكي
من الخوف والرعب من السرقة والسلب والنهب
كانوا فيكي وأنا بناديكي وبقولك:
متخافيش يا مصر
النيل كان يبكي ليه هو جرالك إيه
وبيعملو فيكي كده ليه
هو عشان غاب منك الأمن والأمان
وبقي الخوف ف كل إنسان
والشرطة اللي كنتو مش عايزينها لما غابت قولتو هي فينها
الأمن والأمان اللي كان فيكي راح فين
ولو هنشكي هنشكي لمين
غير ربنا اللي شايف همنا
وداري بحزننا
وهيقف جنبنا
أصل ملناش غيره حبيب قلبنا
حتي الأهرامات من حزنها على اللي مات
كانت بتبكي والعالم على اللي حصل فيكي يا بلدي
كان بيحكي بدأنا بمظاهرات
وكانت طلبات من شباب عايزين ليها قرارات
مش وعود وكلام أو رد وخلص الكلام
بس المظاهرات اتقلبت عصابات
وسرقة وحريق وسلب ونهب
وشايفك يا بلدي زي غريق مش لاقي طوق النجاه
والحل عند الإله
نصلي ينجدنا من كل دا إحنا مش حمل كدا
المصري بجد اللي يخاف عليكي
ويقف جنبيكي مش يخرب فيكي
ويخليكي تبكي من حزنك يا مصر
