بالفيديو.. شريف منير يتوجه برسالة مؤثرة لمن سبوا الوفد الفني بالمونديال ويكشف بعض الحقائق

توجه الفنان شريف منير بعتاب إلى بعض من انتقدوا بألفاظ خارجة، سفر وفد من الفنانين والبرلمانيين، لتشجيع المنتخب الوطني بروسيا.
 

وقال الفنان شريف منير، مش شايفين يا جماعة إن اللي بيتقال علينا دة كتير شوية وكلام جارح؟ يعني لو كان الفريق كسب كنتوا هتقولوا علينا كدة؟

متساءلاً: إحنا ذنبنا إيه وعملنا إيه؟ مؤكدًا أنهم لم يتلقوا أي أموال في مقابل الذهاب لروسيا، قائلاً: إحنا رايحين ندعم فريقنا القومي، هو إحنا اللي وضعنا خطة اللعب؟ إحنا المسؤولين عن تدريبات الفريق أو لعبهم؟ 
 

مستطردًا، إحنا زي كل المصريين وكنا بنشجع منتخب بلدنا، ويتقال علينا مطبلاتية ورقاصين وألفاظ مش كويسة.
 

وتوجه لكل من انتقدوهم وسبوهم: بتمنى من كل شخص انتقد أن يضع نفسه مكاننا، ويتقال إننا طالعين من قوت الشعب، والكلام دة مش حقيقي، وأن سفرهم جزء من دعاية الشركة.
 

مؤكدًا أنهم لم يتوجهوا إلى فندق اللعيبة كما يشاع، وأنهم لم يعلموا حتى أين هم اللعيبة وفي أي فندق.